лејди гага – Kurir.mk

ВИДЕО: Лејди Гага го покажа своето лице без шминка и филтери

Ивона Петрова — Sat, 09 Sep 2023 18:29:31 +0000

Лејди Гага на Инстаграм објави видео во кое нанесува коректор од познат бренд. Таа на своите следбеници им покажала како изгледа нејзиното лице без шминка. Видеото им се допаднало на повеќе од половина милион луѓе, а обожавателите на пејачката биле воодушевени.

View this post on Instagram

A post shared by Haus Labs by Lady Gaga (@hauslabs)

„Навистина ценам што како голема ѕвезда го покажуваш лицето без никакви филтери“, „Одлично, вака го покажа вистинскиот ефект на коректорот“. Филтерите би уништиле се“, „Убава си. Снимањето без филтери за многумина треба да стане навика“, се дел од коментарите.

Лејди Гага не сака да ја исплати наградата од 500.000 долари за пронаоѓањето на нејзините кучиња

Ивона Петрова — Fri, 16 Jun 2023 16:43:08 +0000

Познатата пејачка Лејди Гага ги изгубила своите кучиња во 2021 година, но кога и биле вратени, таа одбила да ја плати ветената награда. Кучињата биле украдени под закана од пиштол од лицето кое ги носел на прошетка. Станува збор за два од трите француски булдози кои биле украдени откако крадците пукале кон човекот кој ги шетал, додека третото куче побегнало. Лејди Гага понуди награда од 500.000 долари на тој што ќе и ги врати кучињата. Џенифер Мекбрајд ги вратила кучињата живи и здрави, но пејачката се предомислила два месеци подоцна кога тројца крадци биле уапсени поради грабеж и обид за убиство. Покрај тоа, има сомнежи дека жена која наводно им помогналае токму личноста која ги вратила кучињата. Откако слушнала за обвинувањата, Лејди Гага одбила да ја плати ветената награда, па Џенифер Мекбрајд решила да поднесе тужба. Од друга страна, пејачката бара од судот во Лос Анџелес да ги отфрли обвиненијата.

БАНКРОТИРАЛА, А НЕ ЗНАЕЛА: Лејди Гага лошите вести ги дознала од нејзиниот тим, призна колкав долг имала

Ивана Ефремовски — Tue, 30 May 2023 06:58:22 +0000

Поп ѕвездата Лејди Гага неодамна се присети на турнејата „The Monster Ball“ поради која банкротирала, откривајќи дека не ни знаела дека нема пари. Таа одржа турнеја во 2010-та година, кога беше надалеку позната како светска ѕвезда, сето тоа благодарение на хитовите кои беа меѓу најслушаните во тој период. Полнеше стадиони и сали ширум светот. Музичката ѕвезда истакна дека не била свесна за она што се случуваше. -Јас всушност банкротирав откако за прв пат ја продолживме турнејата „The Monster Ball“. И беше смешно затоа што не знаев, призна таа. Таа ги дозна лошите вести од нејзиниот тим: -Се сеќавам дека им се јавив на сите и реков: „Зошто сите велат дека немам пари? Ова е смешно, имам пет синглови број 1.“ И ми рекоа „Па, должиш 2,6 милиони евра“. Да потсетиме, пејачката неодамна ја прекина двегодишната врска. Извори за светските медиуми објавија дека причина за пропаѓањето на долгата врска била нејзината желба за брак и семејство, додека нејзиното поранешно момче Мајкл Полански ги немал истите амбиции.

ФОТО: Лејди Гага ги загрижи обожавателите со изгледот, што се случува со неа?

Ивона Петрова — Fri, 19 May 2023 06:40:15 +0000

Лејди Гага објави видео на ТикТок со кое ги загрижи фановите и предизвика бројни реакции. Имено, таа ги рекламираше своите козметички производи Haus Labs. Многумина коментираа дека воопшто не ја препознаваат и дека не им е јасно што направила со својот изглед. „Ова е таа? Се повеќе личи на Мајли Сајрус“, „Што и се случи?“, „Претерано го користи Оземпик“, се дел од коментарите. Оземпик е лек наменет за луѓе со дијабетес тип 2 и се користи за подобрување на контролата на шеќерот во крвта. Сепак, сè поголем број познати личности го користат за да ослабат во најкус можен рок. Некои обожаватели на Лејди Гага сметаат дека таа ослабела многу поради улогата на Харли Квин во филмот „Joker 2: Folie a Deux“, чија премиера ќе биде во октомври следната година.

@ladygaga These NEUTRALS are HOT LIKE THIS RECORD 💄💋 @HausLabs ♬ Princess Diana - Ice Spice & Nicki Minaj

„Џокер 2“: Лејди Гага и Хоакин Феникс во помош на колега при пад на скали, избегнати посериозни повреди (ВИДЕО)

Ивана Ефремовски — Tue, 04 Apr 2023 07:24:41 +0000

Нови фотографии од снимањето на филмот „Џокер 2“ ги прикажуваат Лејди Гага и Хоакин Феникс како му помагаат на колега кој паднал по „култните“ скали во њујоршката општина Бронкс. Пејачката-глумица во мигот на инцидентот е облечена и нашминкана како антихероината Харли Квин. Се чини, човекот не е сериозно повреден. Несреќата ги принуди неа и Феникс (Џокер) кусо да ја прекинат сцената и да му помогнат на човекот да се качи по главните скали пред да продолжи снимањето. Продолжението на психолошкиот трилер е во режија на Тод Филипс, кој го напиша и сценариото со Скот Силвер. Прикажувањата се закажани за идната 2024 година. Лејди Гага ја глуми антихероината на „Ди-си комикс“. Меѓу глумиците кои претходно го толкуваа овој лик кој се вљубува во (не)славниот антагонист Џокер, се Марго Роби и Кејли Куоко. (МИА)

Лејди Гага ти ли си? Откако блесна на тепихот, пејачката шокираше со изгледот на бината (ФОТО)

Ивона Петрова — Mon, 13 Mar 2023 09:00:55 +0000

Лејди Гага на свечениот тепих на доделувањето на Оскарите се појави во елегантен фустан, а потоа се пресоблече за настапот. Лејди Гага воодушеви многумина на 95-тото доделување на Оскарите во театарот Долби во Лос Анџелес. На фотографите им им позираше во многу елегантно издание, а му помогна на еден фотограф да стапе откако претходно се сопна и падна.

Lady Gaga stops to help photographer who fell at the #Oscars. pic.twitter.com/4w4MNCO89X
— Pop Base (@PopBase) March 13, 2023

На сцената се појави во поопуштено издание – искинати фармерки, „старки“ и обична маица. Вака Лејди Гага ја отпеа песната од филмот „Top Gun: Maverick“

Рики Мартин сака “златен туш“, Ријана бара камшик – ова се фетишите на светските ѕвезди, некои ќе ве шокираат

Ивана Ефремовски — Thu, 18 Aug 2022 08:00:03 +0000

Познатите холивудски ѕвезди веќе не се толку затворени кога е нивниот сексуален живот во прашање, па со задоволство одговараат на различни прашања поврзани со него. Така некои од нив открија дека имаат и фетиши. Ријана еднаш рече дека е мазохист и дека сака да ја врзуваат и да ја камшикуваат. Таа не бега од споделување тајни од нејзината спална соба, па не и беше чудно да каже дека сака да биде повредена. Латино ѕвездата Рики Мартин откри дека сака да уринира врз својот сопруг Џван Јозеф. Како што рекол, ништо повеќе не го „пали“ отколку кога за време на секс може да го почести својот сопруг со „златен туш“. -Температурата на водата не е ни приближно топла како температурата на телото. Тоа е она што навистина ме пали. Обожавам да уринирам на него кога имаме секс, рекол тој. Кармен Електра призна дека сака да посетува секс продавници и да купува играчки, како лисици и други разни помагала. Од друга страна, актерката Скарлет Јохансон смета дека сексот во кревет е досаден, а таа сака тоа да го прави во автомобил. Лејди Гага, очекувано за многумина има различни фантазии. Како што еднаш откри, таа сака да носи секси костими и ужива да биде гризана и касана за време на сексот.

Лејди Гага потврди: Ќе ја игра Харли Квин во новото продолжение на „Џокер“

Ивона Петрова — Fri, 05 Aug 2022 06:38:15 +0000

Пејачката Лејди Гага потврди дека ќе ја игра една од главните улоги во новото продолжение на популарниот филм „Џокер“. Таа заедно со Хоакин Феникс, кој доби Оскар за улогата на Џокер, ќе се најде во новото продолжение на филмот како Харли Квин, Режисер на филмот е Тод Филипс. Филипс веќе некое време го пишува сценариото заедно со косценаристот Скот Силвер. Кон средината на јуни тој го откри насловот на новиот проект „Joker: Folie à deux“, кој упатува на медицински термин за идентично или слично ментално заболување кај две или повеќе лица, односно членови на едно семејство. Наводно, вториот дел од филмот е мјузикл. Продуцентот на новиот Џокер беше продуцент и на „Ѕвездата е родена“ во која главата улога ја имаше токму Лејди Гага. Пејачката објави краток тизер, со што потврди дека таа и Хоакин се главните улоги.

Joker: Folie à Deux 10.04.24 pic.twitter.com/obp7T9lBFL
— Lady Gaga (@ladygaga) August 4, 2022

ВИДЕО: Лејди Гага потврди дека ќе глуми во Џокер 2; танц со Хоакин Феникс

Ристе Здравков — Thu, 04 Aug 2022 19:59:06 +0000

Лејди Гага сподели тизер за да го потврди своето присуство во екипата на Џокер 2, проект насловен Folie à deux. Краткото видео, придружено со датумот на прикажување на филмот, ја прикажува како танцува со Хоакин Феникс.

Joker: Folie à Deux
10.04.24 pic.twitter.com/obp7T9lBFL
— Lady Gaga (@ladygaga) August 4, 2022

Тизерот Cheek to Cheek за Џокер 2 не открива каков изглед ќе има Лејди Гага во филмот во режија на Тод Филипс и во кој музичката ѕвезда се очекува да ја игра Харли Квин, која неодамна ја играше Маргот Роби на големото платно. Филипс го напиша продолжението заедно со Скот Силвер, додека враќањето на Хоакин Феникс како Артур Флек, улога што му донесе Оскар, очигледно е веќе некое време потврдено. Folie à Deux е дефинирано како психолошко нарушување во кое истото ментално растројство влијае на две или повеќе луѓе. Со оглед на тоа дека Џокер е познат по тоа што има психолошки зависни односи со ликови како Бетмен и Харли Квин, овој наслов изгледа соодветен.

И предвидуваат нов Оскар: Слушнете ја песната на Лејди Гага за продолжението на „Топ Ган“

Ивона Петрова — Wed, 04 May 2022 09:48:58 +0000

Лејди Гага сними песна под името „Hold My Hand“ за потребите на филмот „Top Gun: Maverick“. На обожавателите песната им се допаѓа, а дел од нив и предвидуваат и нов Оскар. -Кога ја напишав песната за „Top Gun: Maverick“ не ни сфатив колку слоеви се простираат нив срцето на филмот, мојата психа и природата на светот во кој живееме. Работев на песната една година, ја усовршував, се обидувам да ја направам наша. Сакав да претворам музика во песна во која ја делиме нашата длабока потреба да бидеме сфатени и да се обидеме да се разбереме едни со други, вели Гага. Пејачката изрази благодарност за укажаната доверба и дадената можност.