Лејкерси – Kurir.mk

Лејкерси ја повлекоа 16-ката со која Пау Гасол играше за клубот

Ивана Ефремовски — Wed, 08 Mar 2023 07:43:37 +0000

Лос Анџелес лејкерс го повлече бројот 16 со кој за тимот настапуваше познатиот шпански центар Пау Гасол. Церемонијата се одржа за време на паузата на домашниот меч на Лејкерси против Мемфис (112:103). Дресот со број 16 со презиме Гасол беше обесен во арената на Лејкерс покрај дресовите со број 8 и 24 на Коби Брајант. Пау Гасол играше за Лејкерс од 2008 до 2014 година. Заедно со тимот двапати стана шампион во НБА (2009, 2010). Шпанецот стана 12. играч на клубот, чиј број е повлечен од оптек. (МИА)

Лејкерси го имаат најлошиот процент на шут за три поени

Ивона Петрова — Thu, 27 Oct 2022 11:50:56 +0000

Лејкерси рано утрово на гостувањето кај Денвер нагетс 110:99. Тимот од Лос Анџелес новата сезона ја почна со четири порази. „Езерџиите“ го имаат најлошиот процент на шут за три поени на првите четири натпревари во историјата на НБА. Погодија само 33 од 148 удари од далечина, односно 22,3 отсто. На средбата со Нагетс, Лејкерси погодија осум од 30 удари од зад лакот (26,7 %). Тимот на Леброн Џејмс ја започнува регуларната сезона со 0-4 за прв пат од неговата дебитантска сезона во НБА.

ВИДЕО: Лејкерси шампиони по 17-ти пат, Леброн Џејмс по четврти пат во кариерата МВП

Тале Кристо — Mon, 12 Oct 2020 09:18:25 +0000

ЛА Лејкерс се шампиони во НБА лигата, стигнаа до 17. трофеј во клупската историја и го израмнија рекордот на Бостон. Во финалната серија Лејкерси беа подобри од Мајами со 4-2 во победи, до титулата стигнаа со победата 106-93. Леброн Џејмс го освои четвртиот шампионски трофеј и беше избран за МВП на финалето, сега е втор на вечната листа според бројот на МВП титулите, пред него е само Мајкл Џордан со шест. На решавачкиот натревар, Леброн запиша 28 поени, додека Ентони Дејвис средбата ја заврши со 19 поени. Во поразената екипа се истакна Бам Адебајо со 25 поени. Извор: Дриблинг.мк

Батлер: Не го сметам Мајами за аутсајдер во серија против Лејкерси

Тале Кристо — Wed, 30 Sep 2020 06:37:10 +0000

Дефанзивецот на Мајами, Џими Батлер ги сподели своите размислувања за претстојното финале во НБА плејофот против Лос Анџелес лејкерс. – Мислам дека имаме навистина одличен тим. Нема да кажам дека сме многу подобри од некој друг, но исто така не сметам дека заостануваме од противникот во финалето. Па што ако никој не сметаше на нас за финалето? Сосема е нормално. Сигурен сум дека никој не се обложил и дека можеме да победиме, го разбираме тоа. Ние го земаме како што е, не ни е гајле. Ќе одиме на терен и ќе се бориме, ќе играме заедно, како и секогаш. Да видиме како ќе заврши. Како и да е, ние ќе делуваме во наш стил, во стилот на Мајами кој работи цела година, вели Батлер во изјава за „ЕСПН“. Првиот натпревар од финалната серија од плејофот во НБА меѓу Лејкерс и Мајами ќе се одигра вечер во 3 часот по полноќ по македонско време.

Лејкерси ќе носат специјален дрес во чест на Коби Брајант

Тале Кристо — Mon, 17 Aug 2020 09:45:24 +0000

Најдобриот тим во Западната конференција, Лос Анџелес Лејкерс игра против Портланд Трејлблејзерс во првото коло од плеј-офот во НБА-лигата, а доколку одат понатаму, во останатиот дел од плеј-офот ќе носат специјални дресови во чест на Коби Брајант. Така тврди Бред Тарнер, новинар на Лос Анџелес Тајмс. Наводно, дресот ќе излезе во продажба на 24 август, што е симболичен датум бидејќи ги претставува двата броја (24 и 8) кои Брајант ги носеше во текот на својата кариера во Лејкерс. Дресот за прв пат беше претставен во 2018 година и го дизајнираше Брајант. Тој е црна боја, што потсетува на змиска кожата, што е во чест на прекарот „Црна Мамба“, што го имаше Брајант.

Актуелниот шампион на НБА убедлив против Лејкерси

Магдалена Андонова — Sun, 02 Aug 2020 08:06:26 +0000

Актуелниот шампион Торонто го совлада Лос Анџелес Лејкерс со 107:92 во нивниот прв натпревар од рестартирањето на регуларната сезона во НБА во Орландо. Репторс покажаа речиси совршена одбрана и ги задржаа лидерите на „езерџиите“ Ентони Дејвис и Леброн Џејмс на вкупно 34 поени, а херој на вечерта беше Кајл Лори, кој забележа 33 поени, 14 скокови и 6 асистенции за 11-та последователна победа на „диносаурусите“ над Лејкерс. Леброн досега не вкусил успех против овој противник, откако игра за Лејкерси. Покрај Лори, одличен натпревар за Репторс имаше и О Џеј Ануноби, кој забележа 23 поени при 8/9 прецизен шут од поле. Паскал Сикам додаде 15 поени и 7 скокови, иако немаше ден, шутираше само 5/17, а Фред ВанФлит додаде 13 поени и 11 асистенции за успехот на Торонто. Кошаркарите на лидерот во Западната конференција Лејкерс не успеаја да се справат со одличната одбрана на својот противник, запишувајќи само 35,4 проценти успешен шут од игра, што е нивно најслабо достигнување во сезоната. Леброн Џејмс заврши со 20 поени, 10 скокови и 5 асистенции, Кајл Кузма додаде од 16 поени од клупата, Ентони Дејвис постигна 14 поени, но беше задржан од само 2 успешни удари од теренот, а Дион Вотерс и Алекс Карузо додадоа 12 и 11 поени соодветно. Резултати од НБА: Денвер – Мајами – 105: 125 Оклахома – Јута – 110: 94 ЛА Клиперс – Њу Орлеанс – 126: 103 Индијана – Филаделфија – 127: 121 Торонто – Л.А. Лејкерс – 107: 92. (МИА)

ВИДЕО: Лејкерси му оддадоа почит на Коби Брајант

Дарко Андоновски — Sat, 01 Feb 2020 09:08:50 +0000

Во емотивна церемонија која траеше скоро половина час, Л.А. Лејкерс му оддадоа почит на легендата на тимот Коби Брајант, кој заедно со неговата ќерка Џана и 7 други починаа во хеликоптерска несреќа минатата недела. Тоа се случи пред првиот тимски натпревар по трагедијата, загубен од Портланд со 119: 127. „Стејплс центарот“ прикажа серија видеа посветени на кошаркарот, со музика изведена во негово сеќавање од Ушер, „Бојс Ту Мен“ и виолончелистот Бен Хонг. Сите играчи во тимот беа претставени како еден со името на „Коби Брајант“ и го носеа бројот 8 или 24 со кој играше легендарниот бек. Ова бешемногу емоционална вечер и за Леброн Џејмс, кој направи специјално обраќање до навивачите откако првично излезе на теренот со напишан говор, но потоа го фрли листот на земја. „Ќе започнам како што треба од моето срце. Празник е! Денес славиме 20 години крв, пот и солзи, безброј часови посветеност што може да ги даде само една голема личност. Ние славиме дете кое дојде овде на 18 години, се откажа на 38 години и веројатно стана најдобриот татко што сум го видел во последните 3 години. Денес е празник!“, рече Леброн. „Првата работа што ми паѓа на памет е семејството. Сите сме тажни во оваа сала, повредени и со скршени срца. Сепак, најдоброто нешто што треба да се направи во толку тешки времиња е да се потпреме на семејството. Пред да дојдам овде, само имав слушнато колку се обединети навивачите на Лејкерс и сите во организацијата и во последните неколку дена се уверив во тоа“, додаде тој. На паузата имаше настапи на Виз Калифа, со Чарли Пат на пијано, а во првиот ред, каде што обично седеа Коби и неговите најблиски, имаше црвени рози и дресовите на Коби. Настанот, секако, ги зафати погоди кои не успеаја да го сопрат Дамјан Лилард, кој имаше неверојатен настап и заврши со 48 поени, 10 скокови и 9 асистенции. Хасан Вајтсајд постигна 30 поени,додека Си Џеј Меккалум додаде 19. Гостите беа без Кармело Ентони, кој објави дека е толку тажен, што не може да игра. За домаќините, Ентони Дејвис постигна 37 и имаше 15 скокови, додека Леброн Џејмс додаде 22 поени, 10 асистенции и 8 украдени топки. Лилард се разигра во третата четвртина во која даде 23 поени. Во последната, Портланд поведе со +12 и успеа да го задржи водството до крајот.

Лејкерси продолжуваат да редат успеси по драматичната победа над Мемфис

Дарко Андоновски — Sun, 24 Nov 2019 09:42:01 +0000

Лос Анџелес Лејкерс победи со 109:108 како гостин на Мемфис во натпревар од НБА. Ова е седми последователен успех на Лејкерс, откако Леброн Џејмс заврши со 30 поени за победниците, а Ентони Дејвис додаде уште 22. „Кралот“ им донесе предност на гостите со својот прецизен шут на 1.30 минути пред сирената, а „гризлите“ пропуштија да го решат натпреварот во своја корист, откако го имаа последниот напад 1,3 секунди пред крајот. Дебитантот Џеј Морант постигна 26 поени за Мемфис, а соиграчот Џеј Краудер постигна 21 поен. Резултати во НБА Минесота – Феникс 98: 100 Шарлот – Чикаго 115: 116 Индијана – Орландо 111: 106 Атланта – Торонто 116: 119 Ујорк – Сан Антонио 104: 111 Филаделфија – Мајами 113: 86 Кливленд – Портланд 110: 104 Мемфис – ЛА Лејкерс 108: 109 Милвоки – Детроит 104: 90 Јута – Orу Орлеанс 128: 120

Грифин: Лос Анџелес е град на Лејкерси, а не на Клиперси

Ивана Ефремовски — Thu, 12 Sep 2019 07:56:06 +0000

Напаѓачот на Детроит, Блејк Грифин, верува дека Клиперси секогаш ќе бидат подобри од Лејкерс, но ривалот го има приматот во Лос Анџелес. Претходно, кошаркарот играше за Клиперси. -За кошарката во Лос Анџелес, она што го направија Лејкерс и Клиперс е величествено, но Лејкерси се толку моќни. Ова го говорев кога сè уште играв тука. Не мислам дека Клиперс некогаш ќе го одземат од Лејкерс приматот во градот. Но, барем тие се обидуваат да ја зголемат конкуренцијата и да се приклучат во борбата, изјави Грифин.