Лејвер куп – Kurir.mk

Прв трофеј во Лејвер купот за тимот на Светот

Ивана Ефремовски — Sun, 25 Sep 2022 18:32:48 +0000

Во Лејвер купот, тимот на Светот за прв пат го победи тимот на Европа и го освои трофејот. На вториот ден секоја победа вредеше два бода, додека денес на третиот ден – три. За Европа оваа година играа Роџер Федерер, Рафаел Надал, Новак Ѓоковиќ, Енди Мареј, Стефанос Циципас, Каспер Руд и Матео Беретини. Светот го претставуваа Феликс Оже-Алиасиме, Тејлор Фриц, Френсис Тиафо, Диего Шварцман, Алекс де Минаур, Џек Сок. Федерер го одигра последниот турнир во кариерата. Резултати на денешните мечеви: Феликс Оже-Алиасим / Џек Сок (Свет) – Матео Беретини / Енди Мареј (Европа) – 2:6, 6:3, 10-8 Феликс Оже-Алиасим (Свет) – Новак Ѓоковиќ (Европа) – 6:3, 7:6 Френсис Тиафо (Свет) – Стефанос Циципас (Европа) – 1:6, 7:6, 10-8 Каспер Руд (Европа) – Тејлор Фриц (Свет) – откажан меч.(МИА)

Надал се повлече од Лејвер купот

Ивона Петрова — Sat, 24 Sep 2022 15:45:38 +0000

Шпанскиот тенисер Рафаел Надал се повлече од натамошниот настап на Лејвер купот од лични причини, откако вчера настапи во двојки со својот пријател и ривал Роџер Федерер во последниот натпревар на Швајцарецот во кариерата. Надал во Тимот на Европа ќе го замени Камерон Нори. Федерер и Надал вчера во дуелот во двојки загубија од американскиот тандем Џек Сок и Франсис Тијафо со 6-4, 6-7, 9-11. За Федерер тоа беше последен дуел во кариерата, а неговото место во Тимот на Европа го зазеде Матео Беретини.

Лејвер куп: Руд му донесе водство на Тимот на Европа

Тале Кристо — Fri, 23 Sep 2022 16:24:56 +0000

Второрангираниот тенисер на АТП листата Каспер Руд го совлада попладнево Американецот Џек Сок со 6-4, 5-7, 10-7 и со тоа му донесе почетно водство на Тимот на Европа против Тимот на остатокот од светот на егзибисикиот Лејвер куп што денеска почна во Лондон. На норвешкиот тенисер за триумфот над 128. светски тенисер му беа потребни еден час и 47 минути. Денеска на програмата ќе бидат одиграни уште два натпревари во поединечна конкуренција и еден во двојки. На теренот прво ќе излезат Гркот Стефанос Циципас и Аргентинецот Диего Шварцман, а од 20 часот на програмата е дуелот меѓу Британецот Енди Мареј и Алекс де Минор од Австралија. Програмата ќе биде завршена со натпреварот во двојки меѓу швајцарско – шпанската комбинација Роџер Федерер и Рафаел Надал против американските тенисери Сок и Френсис Тијафо. За Федерер тоа ќе биде проштален натпревар во кариерата во која освои 20 грен – слем титули.