лекарски прегледи – Kurir.mk

ВИДЕО: Жоао Феликс пристигна на лекарски прегледи во Челси

Ивона Петрова — Tue, 10 Jan 2023 13:03:37 +0000

Жоао Феликс пристигна во Лондон за да потпише договор со Челси, пренесуваат англиските медиуми. Португалскиот фудбалер најпрво ќе оди на лекарски преглед и доколку се биде во ред би требало да потпише договор за позајмица до крајот на сезоната. Челси и Атлетико, со кои Феликс има договор до јуни 2026 година, постигнаа договор за позајмица до крајот на актуелната сезона. Тоа значи дека клубот од Стемфорд Бриџ ќе ја преземе исплатата на платата која изнесува меѓу пет и шест милиони евра, како и дека на Атлетико ќе треба да му плати 11 милиони евра за позајмица. Манчестер Јунајтед најпрвин сакаше да го донесе на позајмица, но тој не сакаше да плати толку пари за тоа, па се откажа. Жоао Феликс е најскапото засилување во историјата на мадридскиот клуб, кој за неговиот трансфер од Бенфика во летото 2019 година плати 120 милиони евра.

✈️🔵 João Félix is travelling to London to complete his move to Chelsea. pic.twitter.com/3jOlTuJMV5
— EuroFoot (@eurofootcom) January 10, 2023

Во тек се прегледите на повредените војници на АРМ во сообраќајнатa несреќа

Магдалена Андонова — Tue, 29 Sep 2020 12:34:30 +0000

Шестнаесетмината припадници на Армијата и возачот на автобусот се уште не се сместени на одделенијата во штипската клиничка болница, бидјеќи во тек се прегледите снимањата на повредените од страна на хирузи и ортопеди. Портпаролот на Клиничката болница Марина Шуманска вели дека според лекарите ниту еден од нив не во животозагрозувчака состојба, а повредите се од типот на скршеници и набиеници. -Моментално се на иследување, снимања на абдомени, глави и граден кош за да се одреди точната дијангостика. Според мислењето на лекарите се со телесни повреди и се надовор од живтна опасност, вели Шуманска. Сообраќајната несреќа во која што се повредени 17 лица од кои 16 се припадници на АРМ, а еден е возачот на автобусот, се случи утринава пред седум часот на патот Штип-Радовиш кај местото викано Осми километар. Несреќата се случи при судир меѓу автобус и комбе, а надлежните треба да соопштат кои се причините откако ќе го завршат увидот на местото на настанот. Ова е втора ваква несреќа на патот Штип-Радовиш во која учествувале и се повредени припадници на АРМ. Пред неколку години, исто така, автобус со кои се превезуваа војници на АРМ учествуваше во сообраќајна несреќа кај местото викано Дваесет километри. Тогаш војниците се враќаа од своите работни места од касарните од Скопје и Штип кон Радовиш и Струмица. (MИА)

Бејл помина прегледи, ќе игра за Тотенхем

Ивона Петрова — Fri, 18 Sep 2020 10:06:17 +0000

Герет Бејл беше подложен на задолжителни лекарски прегледи пред да го финализира трансферот во Тотенхем. Ова се случи вчера во Мадрид, а денес Велшанецот ќе патува со приватен авион до Лондон и ќе го иницира својот личен договор со „спарси“. Со него ќе лета уште еден играч на Реал – левиот бек Серхио Регилон, кој исто така ќе стане играч на Тотенхем, но со постојан трансфер. Вчера и Шпанецот беше на медицински прегледи. Според „Скај Спортс“, едногодишниот престој на Бејл во Тотенхем ќе го чини клубот околу 20 милиони фунти, вклучувајќи пари за платата на Велшанецот и цената на изнајмувањето.

Трамп: Моето здравје е одлично

Ивона Петрова — Mon, 18 Nov 2019 06:25:34 +0000

Американскиот претседател Доналд Трамп по првата фаза од годинешниот систематски преглед синоќа објави дека неговото здравје е „многу добро“. – Се е многу добро (одлично!). Ќе го завршам прегледот следната година, напиша Трамп на Твитер по прегледот во Националниот воено медицнски центар „Волтер Риџ“ во Вашингтон. Трамп се сретнал и со лекарите од болницата и им се заблагодари за грижата за американските војници, како и со членовите на семејствата на повредените припадници на специјалните сили повредени во Авганистан. Познато е дека американскиот претседател не се воздржува од хамбургерите и оти не сака да вежба, па во 2017 година доби на тежина.