лекции – Kurir.mk

Овие животни лекции најчесто ПРЕДОЦНА ги учиме

Ивана Ефремовски — Fri, 18 Nov 2022 18:21:18 +0000

Најголем дел од луѓето чекаат многу години за да почнат да ги живеат своите најдобри животи. Постојано ги одложуваме работите за утрешниот ден. А, потоа си велиме дека е предоцна за некои нешта. Не дозволувајте ова да биде дел и од вашиот живот. Донесете одлука утрешниот ден да биде почетокот на вашиот нов живот. Искористете го времето за да сакате, да се смеете, да учите и простувате. Животот е многу пократок отколку што често мислиме. Ова се 5 лекции кои луѓето ги учат премногу доцна во нивниот живот. Секој момент е дел од вашиот живот Вашиот живот не се состои само од важните настани кои вие сте решиле да ги паметите. Тој е сето она што се случува меѓу вашите вдишувања. Вие сте присутни во сегашноста. Затоа, живеете го секој момент целосно, со љубезност, мир и хармонија, без страв и каење. Исто така, направете го најдоброто што можете во секој момент, бидејќи тоа е најмногу што можете да очекувате од било кого, вклучувајќи се и себеси. Животот е борба Ова е вашиот живот и треба да се борите за него. Борете се за тоа што е праведно, борете се за тоа во што верувате. Борете се за сите нешта кои ви се важни, за луѓето кои ги сакате. Потсетете дека сте среќни бидејќи имате луѓе кои ве сакаат и бидејќи сте живи и здрави. Тоа што ви е потребно, барајте го и борете се за него. Жртвата која ја правиме денес се исплати во иднина Кога станува збор за напорното посветување на нашите цели, едно нешто кое треба да се запрашаме е следното: Дали сум подготвен/а да се откажам од неколку месеци или години од својот живот за да го постигнам тоа? Одговорот на тоа прашање ќе ви даде одговор кои нешта ви се важни во животот. Односот со самите себеси е најважниот однос кој ќе го имате во својот живот Можете да барате од другите да бидете сакани, да очајувате поради вашето скршено срце, или пак постојано да барате одобрување од другите. Сепак, на почетокот и на крајот на денот, најважно е да имате здрава врска со самите себеси. Да се чувствувате вредни и прифатени во своите очи, за да можете со самодоверба и блескави очи да погледнете во другите околу вас. Животот е убав, но тој носи и малку болка Животот е составен од многу патеки и на некои од нив ќе одиме и чекориме самоуверено и сигурно, без грешка. Но, на други ќе бидеме осамени. На трети ќе правиме грешки и постојано ќе паѓаме. Таквите искуства се дар за нашиот живот – да дишеме, да размислуваме, да се бориме и да се соочуваме со предизвиците кои ни ги носи животот. Понекогаш ќе се соочиме со скршено срце, понекогаш со загуба, некогаш со болка, но треба да научиме да не ги гледаме и забележуваме само тие моменти, туку и оние убавите, кои секогаш ги има во поголем број.

Важни љубовни лекции кои некои жени ги учат предоцна во животот

Ристе Здравков — Thu, 30 Dec 2021 12:23:37 +0000

Никој не ни дал инструкции за животот, па оттаму, многу лекции ги учиме како што созреваме. Но, понекогаш мора да пројде повеќе време за конечно да научиме некоја лекција, особено околу тоа што сакаме во љубовта и какви врски се прифатливи за нас. Еве кои животни лекции некои жени предоцна ги учат. Не кажувај ДА, ако всушност сакаш да кажеш НЕ Во љубовните врски често ја правиме истата грешка – се преправаме. Запомнете дека компромисот не е решение доколку тоа решение прави да се чувствувате мизерно. Секогаш кажувајте што искрено сакате, а што искрено не сакате и не се согласувајте со нешто, само затоа што мислите дека тоа ќе го направи него среќен. Балансот е многу важен во животот. Вашата љубов не може да го промени мажот Додека тој самиот не стане свесен дека треба да се промени, не постои таква љубов која ќе го натера да се промени. Промените можат да бидат условени од надворешни фактори, но всушност доаѓаат одвнатре. Љубомората и посесивноста НЕ се знак дека ве сака Многумина мислат дека овие две карактеристики се потврда за љубов. Мала доза љубомора понекогаш не е алармантна, но доколку тоа се случува постојано и пречесто, тоа е огромен аларм дека нешто не е во ред и најдобро е да си заминете што е можно поскоро, бидејќи таквите врски не се здрави.

Мора да ги знаете овие 5 животни лекции

Ивана Ефремовски — Mon, 09 Dec 2019 15:42:19 +0000

Ова се 5-те животни лекции кои сите треба да ги знаеме, а вредат повеќе од се` на светот. Перцепцијата е реалност Начинот на кој го разбирате светот, директно влијае на вашите верувања и на вашиот живот. Затоа е важна вистината и важно е знаењето. Што повеќе учите и знаете, подобро ќе го разбирате светот и она што Ви се случува. Учењето и откривањето е важно. Како ќе го научите она што не го знаете? Почнете да се прашувате: Зошто тоа не го знам, зошто не можам да го разберам? Она што е исто така важно е да разберете дека е во ред да погрешите. Во грешките е напредокот. Се` е привремено Привремени се и добрите и лошите моменти во животот. Затоа, кога ќе имате добри моменти, уживајте и бидете благодарни. Кога ќе поминувате низ тежок период, знајте дека ќе помине. Животот е полн со успеси и падови, заплети и изненадувања. Забораваме дека поентата на животот е ,,во патувањето”, а не во дестинацијата. Во се` постои поука. Важноста на ,,присутноста” ,,Ако сте депресивни, живеете во минатото. Ако сте анксиозни, живеете во иднината. Ако сте во мир со себе, живеете во сегашноста”- Лао Це. Многу е тешко да се грижите за иднината, а да бидете присутни во сегашноста. Моментите се претвораат во спомени. Уживајте во моментот. Доцна сфаќаме дека грижата не е продуктивна, како ни живеењето во минатото. Само ни одзема премногу енергија, која може да ја насочиме кон сегашноста Работете го она што го сакате, сакајте го она што го работите Боб Дилан рекол: ,,Што се парите? Човекот е успешен ако стане од кревет наутро и оди на спиење навечер, а времето помеѓу прави што сака” Работата е еден од поважните животни аспекти, па ако не сме задоволни со кариерата, тоа ќе се одразува и на другите аспекти на животот. Ништо не е совршено, но важно е да работиме на себе и да си поставуваме достижни цели. И најважно од се – да инвестираме во себе, што не се однесува секогаш на работата. Од која навика сакате да се ослободите? Со кои вештини би сакале да се стекнете? Важно е внимателно да ги бирате луѓето кои ќе Ве опкружуваат и активностите со кои го исполнувате денот. Информациите се како храна за Вашиот мозок, бидете внимателни околу тоа со што се ,,храните” себе. За да бидете среќни треба да работите на себе Најсреќните луѓе се оние кои најмногу работат на себе. За да бидете среќни треба многу работа. Кога ќе ја превземете контролата над својот живот и кога ќе одлучите да не бидете жртва, кога ќе станете независни, ќе станете и посреќни. Еден од најчестиот начин да бидете несреќни е да се споредувате себе со другите. А, тоа денес е полесно од кога било – лажни слики за ,,среќен и успешен живот” се секаде околу нас – Фејсбук, Инстаграм, Јутјуб. Лесно е да паднете во стапица и да помислите – Јас тоа го сакам или сакам да бидам таков. Затоа, гледајте се само себе и околностите со кои се борите. Вежбајте да бидете среќни, тоа се учи и на тоа се работи.

Лекции за животот од стогодишен старец

Катерина Бојаџиева — Sun, 04 Aug 2019 20:31:26 +0000

Животот на Енди Андерсон бил полн со подеми и падови. Тој живеел живот полн со љубов, брак кој траел 67 години и забави за кои неговите внуци велат дека биле луди, судејќи по сликите. Тој проживеал прекрасен живот, полн со смеа и радост, но и со предизвици. Со текот на годините се здобил со одредена мудрост која ја споделил со своите внуци. Прочитајте дел од неговите животни совети, кои сигурно ќе ве замислат. 1 . Секогаш имај добра смисла за хумор. 2. Никогаш немој да мислиш дека си премногу добар за да почнеш од дното. 3. Вежбај секој ден, дури и кога не ти се вежба. 4. Не троши повеќе пари отколку што заработуваш. 5. Секој ден пиј сок од портокал. 6. Љубовта на прв поглед не е бајка. 7. Подобро да имаш лоша работа, отколку да немаш никаква работа. 8. Немој да ја фрлаш храната. 9. Семејството е највредната работа којашто некогаш ќе ја имаш во животот. 10. Јади по еден колбас на ден – тоа супер ми одеше на мене. 11. Твојот живот е нежен и ако се запоставиш, ќе се расипеш. На тоа ме научи сирењето. 12. Немој да се плашиш да бидеш верен на себеси. 13. Секој човек има премногу облека. Носи го тоа што го имаш и престани да купуваш. 14. Мораш да научиш да простуваш, дури и кога тоа е претешко за тебе. 15. Заштеди пари сега и потроши ги подоцна. 16. Љубовта не е секогаш лесна, понекогаш мораш да вложиш многу труд. 17. Најди нешто смешно во секоја ситуација. 18. Ако се соочуваш со проблем, немој да го одложуваш додека мислиш што да правиш. Но, ако не можеш да најдеш решение, едноставно заборави и продолжи понатаму. 19. Осигурај се дека го правиш тоа што го сакаш. Не се плаши да си ги следиш соништата кои ги имаш за себе. 20. Образованието е важно, но не и неопходно. Животот сам по себе може да биде образование. 21. Истражувај го својот свет и биди љубопитен. 22. Не се сфаќај себеси премногу сериозно. 23. Моето целосно име е Вилијам Брадфорд Џејмс Андерсон и моите иницијали секогаш ме потсеќаат да се запрашам себеси: „Зошто да бидам било кој?“ (Why be just anybody?) 24. Секогаш имај разум. Секогаш барај го најразумниот одговор за секоја ситуација. 25. Животот е подарок кој мораш да го отвориш. Ти треба да решиш дали тоа што е внатре ќе те води до среќа или мизерија. Ти ја имаш моќта да ја донесеш оваа одлука сам за себе.

Тешките времиња носат големи лекции, не ги игнорирајте

Катерина Бојаџиева — Fri, 28 Jun 2019 15:34:07 +0000

Можеби ви изгледа дека работите никогаш нема да се подобрат. Можеби мислите дека сте затворени во еден круг кој не се менува, деновите се исти, станувате со товар и одите на спиење со истиот... Животот изгледа како битка, постојана борба, а не благослов. Се трудите да најдете мала среќа во малите нешта, но се чини како да нема ништо што ве прави среќни. Тоа се деновите кога треба да донесете одлука: тоа или ќе ве уништи или ќе ви донесе голема лекција. Не дозволувајте да паѓате надолу. Станете. Секогаш кога светот очекува да се предадете, вие не го дозволувајте тоа. Верувајте во себе и знајте дека можете да остварите што и да посакате. Побарајте помош од другите, најдете ново хоби, излегувајте во природа. Во тие моменти ќе ја научите најголемата вредност на животот, најважната вредност на пријателите и на блиските луѓе, но и токсичноста на оние кои не ви се вистински пријатели. Овие времиња носат големи лекции, не ги игнорирајте. Можеби денеска не е најдобриот ден во вашиот живот, но можеби тоа ќе биде утре. Или следната недела. Еден ден ќе се разбудите без тој товар со кој се будевте некое време. Не се откажувајте од себе, своите соништа и својата среќа. Ваша е одлуката дали ќе седите во место или ќе одите напред. Направете го најдоброто за себе. Никогаш не знаете колку далеку можете да стигнете.

5 лекции кои луѓето ги учат предоцна во животот

Ристе Здравков — Thu, 21 Feb 2019 19:57:34 +0000

Најголем дел од луѓето чекаат многу години за да почнат да ги живеат своите најдобри животи. Постојано ги одложуваме работите за утрешниот ден. А, потоа си велиме дека е предоцна за некои нешта. Не дозволувајте ова да биде дел и од вашиот живот. Донесете одлука утрешниот ден да биде почетокот на вашиот нов живот. Искористете го времето за да сакате, да се смеете, да учите и простувате. Животот е многу пократок отколку што често мислиме. Ова се 5 лекции кои луѓето ги учат премногу доцна во нивниот живот. Секој момент е дел од вашиот живот Вашиот живот не се состои само од важните настани кои вие сте решиле да ги паметите. Тој е сето она што се случува меѓу вашите вдишувања. Вие сте присутни во сегашноста. Затоа, живеете го секој момент целосно, со љубезност, мир и хармонија, без страв и каење. Исто така, направете го најдоброто што можете во секој момент, бидејќи тоа е највеќе што можете да очекувате од било кого, вклучувајќи се и себеси. Животот е борба Ова е вашиот живот и треба да се борите за него. Борете се за тоа што е праведно, борете се за тоа во што верувате. Борете се за сите нешта кои ви се важни, за луѓето кои ги сакате. Потсетете дека сте среќни бидејќи имате луѓе кои ве сакаат и бидејќи сте живи и здрави. Тоа што ви е потребно, барајте го и борете се за него. Жртвата која ја правиме денес се исплати во иднина Кога станува збор за напорното посветување на нашите цели, едно нешто кое треба да се запрашаме е следното: Дали сум подготвен/а да се откажам од неколку месеци или години од својот живот за да го постигнам тоа? Одговорот на тоа прашање ќе ви даде одговор кои нешта ви се важни во животот. Односот со самите себеси е најважниот однос кој ќе го имате во својот живот Можете да барате од другите да бидете сакани, да очајувате поради вашето скршено срце, или пак постојано да барате одобрување од другите. Сепак, на почетокот и на крајот на денот, најважно е да имате здрава врска со самите себеси. Да се чувствувате вредни и прифатени во своите очи, за да можете со самодоверба и блескави очи да погледнете во другите околу вас. Животот е убав, но тој носи и малку болка Животот е составен од многу патеки и на некои од нив ќе одиме и чекориме самоуверено и сигурно, без грешка. Но, на други ќе бидеме осамени. На трети ќе правиме грешки и постојано ќе паѓаме. Таквите искуства се дар за нашиот живот – да дишеме, да размислуваме, да се бориме и да се соочуваме со предизвиците кои ни ги носи животот. Понекогаш ќе се соочиме со скршено срце, понекогаш со загуба, некогаш со болка, но треба да научиме да не ги гледаме и забележуваме само тие моменти, туку и оние убавите, кои секогаш ги има во поголем број.

17 животни лекции кои треба да ги понесеме со себе во 2019-та година

Ристе Здравков — Tue, 11 Dec 2018 17:42:35 +0000

Ситуациите кои ни се случуваат во животот понекогаш се сложени и тешки, но тие се значајни животни лекции кои имаат за цел да ни помогнат да бидеме попаметни и помудри во натамошните години од животот. Иако не секогаш се однесуваме така, сепак важно е да понесеме некои лекции со себе и во следната година.

Во животот го добиваме тоа што им го даваме на другите.
Грешките се благослов, бидејќи тие ни помагаат да созрееме.
Секоја личност која ни помага кога ни е потребна помош е наш ангел во тешки времиња.
Никогаш не молете некого да ви даде онолку колку што мислите дека давате.
Тоа што го гледаме со очите не е секогаш вистината.
Можеме да ја игнорираме интуицијата, но таа секогаш е во право.
И кошмарите и соништата се остваруваат, ако дозволиме да бидеме победени од стравот.
Времето и просторот ни ги даваат сите одговори кои ги бараме.
Задржувањето на луѓето кои нѐ повредуваат е често поболно од ослободувањето од нив.
Различни луѓе предизвикуваат различни реакции кај нас. Чувајте ги оние кои успеваат да го извадат позитивното од вас.
Животот не е црно-бел. Сѐ има своја нијанса.
Тоа што не сакаме да го слушнеме е најчесто тоа што треба да го слушнеме.
Претпоставките се многу поболни од директното прашање.
Стануваме она што го мразиме. Стануваме како мислите кои ги имаме. Стануваме како луѓето со кои се дружиме.
Понекогаш долгото размислување не ни помага многу. Понекогаш, интуцијата и срцето се тие кои ја носат конечната одлука.
Moжеме да имаме 45 години и сепак да научиме нешто од 7-годишно дете. Треба само да имаме отворен ум.
Универзумот секогаш се обидува да ни испрати порака.

Лекции за љубовта од Мерилин Монро

Ристе Здравков — Sun, 14 Oct 2018 15:14:29 +0000

Мерилин Монро е една од најсексипилните жени во историјата на шоу-бизнисот. Покрај тоа, таа е позната и по нејзиниот бурен љубовен живот кој бил исполнет со многу подеми и падови. Па затоа, нејзините совети се навистина досетливи и интересни и би ви биле од голема помош доколку ги применити во вашиот љубовен живот! Морате да знаете каков статус заслужувате во љубовната врска – вие вредите колку што сте тешки! „Јас сум себична, нетрпелива и малку несигурна. Правам грешки, губам контрола и понекогаш е тешко да ме поднесат. Но, ако не може да се носи со мене кога сум најлоша, тогаш сигурно не ме заслужува кога сум најдобра.“ Па што ако сте раскинале? Утре ќе биде подобро! „Верувам дека се се случува со причина. Луѓето се менуваат за да научиме да ги пуштиме да си одат, работите одат во погрешен правец за да ги цениме кога се е во ред, веруваме на лаги за да научиме да не веруваме никому освен на самите себе и понекогаш добрите работи се распаѓаат за да се создадат подобри работи.“ Вистинската љубов се крие во малите работи „Вистинскиот љубовник е оној човек кој може да ве возбуди кога ќе ве бакне во чело и знае да се насмее само за ваши очи.“ Ако сакате нешто, не чекајте мажот да го оствари тоа за вас. Потрудете се сами. „Колку е погрешно тоа што жената очекува од мажот да изгради свет каков што таа сака, наместо таа сама да го создаде? Ако не успеете од прва... „Љубовниците доаѓаат и си одат. Не сакам да го кажувам ова, но речиси сите ќе ти го скршат срцето. Но, не смееш да се откажеш, затоа што ако се откажеш, никогаш нема да ја пронајдеш својата сродна душа. Никогаш нема да ја најдеш половината која те прави цела. Само затоа што еднаш не успеало, не значи дека ќе пропадне се што ќе започнеш. Продолжи да се обидуваш, држи се и секогаш, секогаш, секогаш верувај во себе, затоа што ако ти не веруваш, кој ќе верува во тебе? Исправи се, крени ја главата и што е најважно, продолжи да се смееш. Животот е прекрасен и полн со работи кои се вредни за насмевка.“