леклер – Kurir.mk

Фетел: Не очекував Леклер да се обиде да ме претекне

Тале Кристо — Sun, 12 Jul 2020 16:11:21 +0000

Пилотот на Ферари, Себастијан Фетел го сподели своето мислење за судир со тимскиот колега Шарл Леклер во првиот круг од денешната трка, втора оваа сезона во шампионатот во Формула 1. – Бев изненаден, не очекував Леклер да се обиде да ме престигне. Автомобилот овој пат беше многу подобар од пред една недела, па штета е што не бевме во можност да го провериме нашето тркачко темпо и нашите ажурирања, изјави Фетел. По судирот двајцата пилоти беа принудени предвреме да ја завршат трката. Леклер подоцна му се извини на партнерот.

Леклер се извини за судирот со Фетел

Тале Кристо — Sun, 12 Jul 2020 14:33:23 +0000

Пилотот на Ферари, Шарл Леклер му се извини на тимскиот колега Себастијан Фетел за денешниот инцидент во трката од Формула 1 шампионатот во Австрија. – Разочаран сум од себеси. Не можам да опишам со зборови колку е срамно. Направив недопустива грешка. Ја уништив седумдневната напорна работа на целиот тим. Бев нестрплив во желбата да напредувам од самиот почеток. Ќе ја научам лекцијата од оваа грешка, стои во извинувањето на Леклер. По судирот во првиот круг, двајцата пилоти на Ферари беа принудени предвремено да ја завршат трката.

Леклер го менува Раиконен во Ферари

Ристе Здравков — Tue, 11 Sep 2018 13:31:12 +0000

Веста од Формула 1, која се очекуваше и која сите знаеја, веќе е факт: Шарл Леклер го менува ветеранот Кими Раиконен во Ферари. Ова беше објавено од страна на „Скудерија“ откако прецизираа дека Финецот заминува по крајот на сезоната.

Светскиот шампион за 2007 година, сепак, нема да си замине од Формула 1, откако ќе го заземе местото на младиот пилот во Заубер, каде Французинот го покажа својот талент во оваа година.

Договорот на Кими е за две сезони, па така тој ќе се врати во тимот каде што ја започна својата кариера. Договорот на Леклер е само за 2019 година.

- Соновите се остваруваат. Ќе возам за Ферари во Формула 1 во 2019 година. Секогаш ќе бидам благодарен на тимот за можноста што ја добивам, напиша младиот пилот на Твитер.

Неговото доаѓање во тимот од Маранело може да се дефинира како историско, бидејќи досега Ферари не се обложувал на млади и неискусни пилоти во својот тим.

Во исто време Кими има солидна година, иако повторно е во сенката на Себастијан Фетел и ќе биде интересно во преостанатите трки какво ќе биде неговото однесување на патеката и колку ќе му помага на Германецот во битката за титулата со Луис Хамилтон.