лекување – Kurir.mk

„Ние заслужуваме да живееме“: Сведоштва на луѓе со искуства во лекувањето на Онкологија

Ивана Ефремовски — Wed, 01 Nov 2023 12:44:34 +0000

Откако избил во јавноста скандалот за случувањата на Онкологија, не добила ниту една порака од онколошки пациенти дека „некој нешто им побарал, дали мито или да си купи лек“, изјави Македонка Икономова-Давчева, претседателка на Здружението „Љубов сме“ на сведочењето пред собраниската Анкетна комисија за работењето на Клиниката за радотерапија и онкологија. Три години откако станала пациент на оваа клиника, во 2020 година го формирала Здружението кое функционира како ФБ-група со околу 4000 следачи, каде што онколошки пациенти разменуваат пораки и искуства. Го регистрирала здружението, рече, за да бараат од државата подобар и достоинствен третман за лекување на онколошките пациенти, на жените да им се обезбедат редовни ехо и мамографски прегледи на дојка. Во сведочењето пред пратениците Икономова-Давчева рече дека не забележала нешто сомнително и верува, рече, дека ја примала хемотерапијата затоа што ги имала нус-појавите. Биолошка терапија не примала. На Онкологија оваа терапија, рече, била воведена во 2018 година и за онколошките пациенти значела „искра надеж дека ќе има поголем ефект во нивното лекување“. Ги појасни предностите на биолошката терапија – за разлика од хемотерапијата ги напаѓа само болните клетки, не и здравите. Три години немало никаков проблем со снабденоста на лекови, а недостигот почнал да се појавува, рече, кога министерот за здравство Венко Филипче дал оставка. Потоа проблемите продолжиле и терапијата „час ја имаше, час ја немаше“. За биолошката терапија посочи дека е иновативна и се применува во европски земји и затоа порача дека „нашата земја треба и мора да ни ја овозможи кога се стреми да оди кон ЕУ“. -Нас, онколошките пациенти, не нѐ интересира колку чини терапијата, тоа се многу пари, но ние заслужуваме да живееме, рече Икономова-Давчева. Сведочеше и Даријан Петров, кој неколку дена по информациите за злоупотреби на Онкологија ја формирал граѓанската иницијатива „Одговорност“ и учествува на протестите пред Обвинителството. Пред собраниската Анкетна комисија зборуваше за лекувањето на неговата мајка, која во 2020 година ја загубила битката со карцином. Рече дека по дијагностицирањето на болеста во 2015 година, им било сугерирано за терапија да ја избегнат Клиниката за онкологија и да изберат приватна клиника бидејќи на државната клиника цитостатиците не биле квалитетни. На прашање кој ги советувал така, одговори дека советот бил од „медицински кругови“ и од лекари што ги познавала мајка му, и самата докторка во јавно здравство, но дека тоа не биле лекари од Онкологија. Орални цитостатици на секои една до две недели потоа набавувале приватно од Врање, зашто ги немало во државава, и по четири години, рече, нивното семејство финансиски колабирало. Во 2019 се одлучиле терапија да примат на Онкологија затоа што од онкологот Џозеф Глигоров од Париз разбрале дека терапијата ја има на нашата клиника и дека им следува од ФЗОМ. Но набргу се соочиле со недостиг на терапијата и тоа го нарушило дотогаш прецизното и навремено дозирање, период на неизвесност што Петров го нарече трауматичен. Лекувањето го продолжиле на приватна клиника каде што се соочиле со нехуманост кога од медицинска сестра им било кажано дека на неговата мајка, која веќе била во терминална фаза, ѝ бил даден физиолошки раствор против болки наместо аналгетик „за да видат дали навистина има болки или не“. -За мене беше шок такво нешто да му се каже на семејство, рече Петров, додавајќи дека тоа било период на КОВИД-пандемија кога хоспитализирањето во приватните болници било „непоимливо скапо“. Од лекување во државното здравство ги одвратило, рече, неетичноста, но дека „она што е во приватните клиники е само фасада“. -Имаме целосен колапс на целиот систем, заклучи Петров. Седницата на собраниската Анкетна комисија прекина и, како што рече претседателката Рашела Мизрахи, продлжението ќе биде дополнително соопштено. За сведоци денеска биле повикани и народниот правобранител Насер Зибери, кој одговорил дека не е во можност да присуствува, д-р Калина Гривчева-Старделова, која била надвор од државата, а претставници од Здружението „Борка“, рече Мизрахи, не одговориле на поканата да сведочат за работењето на Онкологија пред пратениците во оваа собраниска комисија. (МИА)

Стефковски: Доделуваме финансиска помош за лекувањето на Леонид

Катерина Бојаџиева — Tue, 22 Aug 2023 08:00:12 +0000

Градоначалникот на општина Гази Баба Бобан Стефковски во објава на својата официјална страна на фејсбук информира дека донел решение со кое општина Гази Баба ќе додели финансиска помош за лекувањето на младиот Леонид. Во објавата градоначалникот Стефковски напиша: ФИНАНСИСКА ПОМОШ ОД ОПШТИНА ГАЗИ БАБА ЗА ЛЕКУВАЊЕТО НА МЛАДИОТ ЛЕОНИД! Донесов решение со кое доделуваме финансиска помош за лекувањето на младиот и талентиран Леонид кој по тешка несреќа која се случила пред две недели се соочува со сериозен здравствен предизвик за што неопходна му е нашата помош и поддршка. Сите заедно да се обединиме во хуманоста и да помогнеме младиот Лео да закрепне. Ве повикувам сите да се приклучите со донирање преку повик на телефонските броеви: А1: 143 500 Телеком: 143 118 Да бидеме хумани и да помагаме, бидејќи младиот Леонид заслужува да живее, а секој од нас може да се најде на другата страна од приказната. Посакувам на младиот Лео брзо оздравување. - напиша Стефковски.

Тешко повредениот ученик во масакрот во „Рибникар“ лекувањето го продолжува во Чикаго

Ивона Петрова — Fri, 02 Jun 2023 08:37:59 +0000

Момчето отпатувало во придружба на двајцата родители. Седмоодделенецот кој на 3-ти мај беше тешко ранет во масакрот во ОУ „Владислав Рибникар“ го напушти Институтот за мајка и дете „Д-р Вукан Чупиќ“, од каде веднаш е префрлен во Чикаго, каде треба да продолжи со лекување. Детето има тешка повреда на 'рбетот и државата го договорила неговото префрлање и прием во болница во Чикаго на понатамошно лекување. Сите трошоци за престој и лекување во САД ќе бидат на товар на државата, јавуваат српските медиуми. Момчето има сериозни компликации поради повреда на цервикалниот 'рбет. Српската министерка за здравство, Даница Грујичиќ пред две недели, кога момчето беше префрлено од Ургентниот центар во Институтот за мајка и дете, изјави дека момчето имало трахеотомија, дека дише, свесно е и комуникативно, како и дека ја движело левата рака. - Има знаци на оштетување и на 'рбетниот мозок и на периферните нерви за десната рака, но се уште е рано да се зборува за било што, рече тогаш министерката и додаде дека не знаат какви ќе бидат дефинитивните последици.

Препознајте и реагирајте: Овие знаци покажуваат дека имате емоционална депресија

Ивана Ефремовски — Mon, 09 Jan 2023 14:59:19 +0000

Функционалната депресија нема статус на медицинска дијагноза, но претставува добар начин да се окарактеризираат луѓе со лошо расположение, ниска животна енергија и анксиозност. Животот за овие луѓе воглавно изгледа вака – во надворешниот свет се продуктивни, многу успешни, а кога ќе заврши работниот ден, ги торшат сите внатрешни ресурси. Пред сè ќе изберат да останат дома, отколку да одат на вечера со пријатели. Полесно им е да се вовлечат во кревет, бидејќи утре е нов ден. Така изледа личност со функционална депресија. Повеќето од овие луѓе имаат дистимија, позната како трајно депресивно пореметување, депресија со низок степен, за која карактеристични се замор и недостиг на енергија. Тие се често нерасположени, но не ја исполнуваат дефиницијата на класична депресија, која е потешка. Дистимијата воглавно трае две или повеќе години, но лицата кои ја имаат храбро се борат со неа и ретко зборуваат за тоа. Дијагностицирањето е тешко, бидејќи е подстепен на класичната дпресија, па луѓето не ја препознаваат додека не дојдат до емотивно прегорување. Дури и луѓето кои страдаат до повеќе степени на депресија, класичен, епизоден или губење на интерес за било што, можат да се сметаат за луѓе со функционална депресија. Многу важно е да побарате соодветна стручна помош, бидејќи оваа состојба се лекува.

Македонија се крена на нозе за него: Марко започна со терапија, спремен е да победи

Ивона Петрова — Wed, 04 Jan 2023 10:46:24 +0000

Младото момче Марко Здравковски за кого цела Македонија се обедини да му помогне да ја победи болеста, започна да ја прима терапијата во Франција. Марко се огласи и им се заблагодари на сите кои донирале за него. -Би сакал да ве известам дека конечно почнав со потребната терапија во Франција. Ви благодарам на сите вас кои одвоивте време и средства за да бидам чекор поблиску до лекот. Се собра почетната сума за првите 6 месеци и се надевам дека ќе има подобрување по првите неколку третмани. Имам прекрасни пријатели и родители со чија помош успевам да верувам дека на крајот од денот се ќе биде добро. Затоа што, нема лоши денови. Само онакви кои потешко се поднесуваат. Спремен сум да извојувам победа, вели Марко.

Нова технологија за лекување леукемија дава резултати

Ивана Ефремовски — Tue, 13 Dec 2022 09:05:56 +0000

Лекари од Лестер во Велика Британија соопштија дека тинејџерка која боледува од Т-леукемија е во ремисија по нова терапија со генетска модификација на донирани Т-клетки. Научниците за прв пат ја сменија „основата“ на една буква од генетскиот код на донираните Т-клетки и на тој начин кај пациентката овозможија тие да ги напаѓаат само болните клетки, како и да не ги напаѓа здравите клетки по хемотерапијата. – Ова беше најсофистицираниот инженеринг на клетки до сега и го отвора патот за други третмани и на крајот подобра иднина за болните деца, изјави имунологот професор Васим Касим, еден од водачите на проектот. Пред овој третман, тинејџерката била подложена на хемотерапија и трансплантација на коскена срцевина во обид да се ублажи болеста, но никогаш не постигнала целосна ремисија, но по генетското модифицирање на донираните Т-клетки, таа повеќе од шест месеци е без леукемија. Т-клеточната леукемија е рак кој влијае на класата на бели крвни зрнца познати како Т-клетки, така што тие почнуваат да растат пребрзо и на тој начин го попречуваат производството на крвни зрнца во телото, а стандардните третмани вклучуваат трансплантација на коскена срцевина и хемотерапија. (МИА)

Науката најавува нова ера на лекувањето на Алцхајмеровата болест

Ивана Ефремовски — Wed, 30 Nov 2022 09:53:25 +0000

По десетлетија неуспех, сега науката најавува нова ера на лекувањето на Алцхајмеровата болест – најчестиот облик на деменција. Се работи за експерименталниот лек „Леканемаб“ (Lecanemab). Лекот делува во раните фази на болеста. Самиот процес е насочен кон тн. бета-амилоид – супстанција што се акумулира во мозокот на луѓето со оваа болест. Истражувачкиот институт „Алцхајмер’с ресрч УК“ наведува дека резултатите од истражувањето се значајни. Еден од водечките светски истражувачи, кој стоеше зад целата замисла, проф. Џон Харди смета дека ова е историско достигнување и дека е оптимист за лекувањето на оваа болест. Професорката Тара Спајрс-Џонс од шкотскиот Универзитет во Единбург, појасни дека резултатите се огромен успех во истражувањата за Алцхајмеровата болест. Испитувањата опфатиле 1.795 доброволци со рана фаза на болеста. Инфузии на „Леканемаб“ им се давале на секои две недели. Резултатите, претставени на конференција во Сан Франциско и објавени во „Њу Ингланд журнал“, посочуваат дека тоа не е чудотворен лек, но е делотворен. Во истражувањето учествуваа бројни институции. Болеста продолжува да влијае на капацитетот на мозокот на луѓето, но со забевен пад за една четвртина во текот на 18 месеци од третманот. Дали „Леканемаб“ навистина ќе ја промени ситуацијата со Алцхајмерова болест? За ова има дебата меѓу научниците и лекарите. -Тоа е мал ефект врз болеста. Не е драстичен, но е прифатлив за мене, вели проф. Спајрс-Џонс. Податоциве веќе се проценуваат од регулаторите во САД кои наскоро ќе треба да одлучат дали „Леканемаб“ може да биде одобрен за поширока употреба. Фармацевтските компании „Ејсаи“ и „Биоген“ планираат следната година да почнат со процесот на одобрување во други земји. -Тоа е скромно, но ни дава надеж дека следната генерација лекови може да биде подобра, истакна д-р Сузан Колхас од Велика Британија. Д-р Елизабет Култхард вели дека луѓето имаат просечно шест години независен живот штом почне тоа когнитивно оштетување. -Забавете го тој пад за една четвртина и тоа засега може да значи дополнителни 19 месеци самостоен живот, но сѐ уште не знаеме точно, додаде Култхард. Научниците, исто така, нагласија дека амилоидот е само еден дел од сложената слика на Алцхајмеровата болест и не треба да стане единствена точка на интерес на лекувањето. (МИА)

ФЗОМ реагира: Се почеста е злоупотребата од граѓани кои собираат донации за лекување во странство

Ивона Петрова — Fri, 18 Mar 2022 12:31:03 +0000

Фондот за здравствено осигурување реагира како што велат, поради се почестата злоупотреба од граѓани кои собираат донации за лекување во странство. Во последно време има наплив на барања кои кружат на социјалните мрежи со молба граѓаните да се солидаризираат и да помогнат со уплата на телефонските броеви за донација или директно на сметка во банка. Од ФЗОМ појаснуваат дека станува збор за собирање на донации за случаи каде што воопшто не било поднесено конзилијарно мислење, односно не било побарано лекување на товар на Фондот. -Често се случува да се злоупотреби ФЗО бидејќи барањата кружат со изговор дека„ Фондот не одобрува“, иако пациентот воопшто не поднел документи во ФЗО, а со тоа не побарал лекување во странство преку Фондот. Со ова, не само што се злоупотребува институцијата, Фонд за здравствено осигурување, туку се манипулира и со граѓаните. Фондот е запознаен со повеќе случаи кои на ваков начин собираат финансиски средства од граѓаните. Еден од низата е случајот каде што се бараат 16 500 евра за итна операција на 13 годишно девојче на Институтот за ортопедија во Бањица. Под фотографијата на девојчето која се споделува на социјалните мрежи каде со зелени крупни букви пишува „УРГЕНТНО“, стои дека операцијата во Бањица „ Фондот не ја поддржува“. Ја информираме јавноста дека за конкретниот случај во ФЗОРСМ ВООПШТО нема поднесено барање за лекување во странство, се вели во соопштението. Оттаму појаснуваат дека контактиран е родителот кој објасни дека не му е потребно лекување преку ФЗО, туку се решил да собира донации за операција во Бањица и објасни зошто се одлучил на ваков чекор, процедура од која евидентно е дека не е запознаен со деталите од постапката. Од Фондот ја објаснуваат постапката за упатување на лекување во странство која се поведува по барање на осигуреното лице. Кон барањето осигуреното лице поднесува: - предлог за упатување на лекување во странство од соодветната универзитетска клиника во Скопје; - потребна медицинска и друга документација за текот на лекувањето во здравствените установи во Р.Македонија. Согласно член 4 став 1 од Правилникот за начинот на користење на здравствени услуги на осигурените лица во странство, предлогот за упатување на лекување во странство го дава клиничкиот конзилиум од најмалку тројца лекари субспецијалисти/специјалисти и директорот на соодветната универзитетска клиника во Скопје и важи шест месеци од денот на издавањето. Понатаму предметот со целокупната документација се разгледува од страна на лекарските комисии, при што по донесување на оценка и мислење се носи соодветен управен акт од страна на Фондот. -Укажуваме, да не се пишуваат дезинформации во барањата кои се споделуваат на социјалните мрежи и да не се злоупотребува ФЗОРСМ во случаите каде воопшто не било побарано лекување преку Фондот бидејќи на ваков начин се руши угледот на институцијата, се создава погрешна перцепција во јавноста, а се манипулираат и граѓаните, велат од Фондот.

ВИДЕО: Долгот од над 14.000 евра за лекувањето на Есма уште стои, Симеон вели ќе го плати ако Реџепови се откажат од наследството

Тале Кристо — Wed, 19 Jan 2022 10:55:35 +0000

И по пет години од смртта на Есма Реџепова Теодосиевска, долгот за лекување во болницата со износ од над 14.000 евра сè уште не е подмирен . Јавноста остана затечена по веста за неплатениот долг, оти откако Есма почина, нејзините внуки од сестри и браќа, како и внуци на Стево до денес водат битка како и кој да ја наследи куќата на Кале. Симеон Атанасов, посинок на Теодосиевски и кој беше менаџер на Есма до крајот на нејзиниот живот, во интервју за естрадниот магазин "Бекстејџ" потврди дека сметката не е платена и дека се понудил да ја плати целата сума. -Јас се понудив да ја платам сметката како што ги покрив сите погребални работи кои што требаше и имам за тоа фактури. Не е покриена бидејќи дента кога почина веќе имаше индикации дека Реџепови ќе ги остават двата тестаменти кои Есма ги остави. Јас во консултација со моите адвокати бев сопрен, затоа што по некое правило кога некој нешто наследува, тој го наследува и доброто и лошото. Поради тоа е стопирана целата постапка со болницата да не се покрие овој трошок, вели Симеон во интервју за "Бекстејџ". Атанасов додава дека ако Реџепови се откажат од овој спор и го предадат музејот на министерство за култура, овој долг ќе го покријам. Што кажа посинокот на Есма, Симеон погледнете во видеото:

ПРЕКРАСНА ВЕСТ: Собрани 50.000 долари за малиот Јаков, херојот ја започнува новата битка

Ивана Ефремовски — Sat, 07 Aug 2021 07:57:30 +0000

Мисијата да се соберат 50.000 долари за малиот Јаков, која ја покрена Австралијанецот, со македонски корени Џим Ристевски, успешна за нецела недела. Јаков со родителите веќе е сместен во турската болница и ја започна својата битка со болеста. - Овој пат, парите ги собравме за една недела, со навистина лесен напор. Сторијата ги стопи срцата на луѓето. Најголемиот дел од средствата ги собрав од семејството, пријателите и бизнис партнерите во Австралија. Секогаш лично донирам голем дел. Сакам да се заблагодарам на сите македонско-австралиски фан страни на социјалната мрежа Фејсбук, за нивното ангажирање веста да допре преку оваа платформа до многу луѓе. Голема благодарност до македонските медиуми, кои кај Вас ја раширија веста за акцијата. И благодарност до сите добри луѓе кои ги отворија и срцата и џебовите за да успееме, истакна Ристевски. Џим Ристевски е татко на три деца и по трет пат со своја иницијатива ја вклучува заедницата во Австралија за помош за земјата од каде потекнуваат неговите предци. Тој е веќе познат бизнисмен и филантроп во Австралија, а на македонската јавност ѝ е познат по два претходни хумани гестови. Во 2016 година, кога се случија големите поплави тој 10.000 австралиски долари за малиот Ведран Велиновски од Крива Паланка, кој ги загуби своите мајка и брат на скопската обиколница и минатата година тој повторно се јави како организатор на фандрејзинг иницијатива наменети за реконструкција на Медицинското училиште Др Јован Калаузи од Битола, кое беше во очајна состојба.