Лемго – Kurir.mk

Лемго се збогуваше со Борко: Ти благодариме за твојата посветеност

Бошко Тасиќ — Sat, 31 Dec 2022 07:21:34 +0000

Искусниот македонски голман, Борко Ристовски ја заврши приказната со бундеслигашот Лемго на кого му му служеше изминативе месеци. Борко дојде да му помогне на германскиот тим во тежок период и со своите партии на одредени натпревари ги оправда очекувањата, улогата што ја имаше.

-Пред да се збогуваме со 2022 година, исто така е време да му се каже збогум и на Борко кој ни помогна кон крајот на оваа година. Ти благодариме за твојата посветеност, за позитивното размислување и за важните одбрани. Ти посакуваме на тебе и на твоето семејство се најдобро во иднина, -порачаа од Лемго на што Ристовски порача:

-Сакам да му се заблагодарам на клубот, сите соиграчи како и на одличните навивачи за последните неколку седмици. Горд сум што бев дел тим какоЛемго, клуб на кој му посакувам многу успех и среќа во иднина, -истакна ветеранот кој се враќа во Вардар каде заедно со Мартин Томовски и Васил Гогов ќе се обидат да му помогнат на тимот да ги оствари зацртаните цели.

Ристовски: Многу сум среќен што повторно ќе играм во најсилната лига на светот (ФОТО)

Бошко Тасиќ — Sat, 05 Nov 2022 06:52:44 +0000

Искусниот македонски голман, Борко Ристовски и официјално го комплетираше трансферот во редовите на германскиот прволигаш Лемго.Лемго се најде во незгодна ситуација, проблем по повредата на Словенецот Урх Кастелиќ, а решението го најде во Вардар од каде го позајми Ристовски до крајот на годинава. -Борко е супер искусени токму тоа го баравме во нашата моментална ситуација. Среќни сме што успеавме брзо и лесно да договориме соработка со него до крајот на годината и сигурни сме дека ќе биде одлично засилување и поддршка за Фин Зечер во наредните недели, -истакна директорот Јорг Церејке. Своето задоволство не го криеше ниту самиот Ристовски за кого ова ќе биде трета епизода во германскиот ракомет. -Неверојатно сум среќен што ќе можам повторно да играм во најсилната лига на светот и ќе направам се во наредните недели и месеци за да и помогнам на Лемго на најдобар можен начин, -порача Македонецот.

Борко Ристовски оди во Лемго

Бошко Тасиќ — Wed, 02 Nov 2022 15:49:43 +0000

Голманот на РК Вардар,Борко Ристовски се наоѓа пред трансфер во Лемго. Ветеранот со челнот на германската Бундеслига треба да потпише договор не подолг од два месеца. Лемго, има голем проблем со голманите. Првиот голман, Урх Кастелиц, поради повреда го очекува пауза од околу осум недели, а останатите тројца голмани немаат доволно искуство. Највозрасниот од нив има 22 години. Ова значи дека во ноември и декември, Ристовски ќе брани за Лемго, а потоа ќе се врати во Вардар 1961. Борко Ристовски има искуство во Бундеслигата. Бранеше за Гумерсбах во периодот 2012-2014, а во сезоната 20152016 со Рајн Некар Левен ја освои шампионската титула.