лемури – Kurir.mk

Светски феномен во Зоо Скопје, шест пара близначиња лемури!

Ивона Петрова — Wed, 21 Jun 2023 13:32:25 +0000

Денеска се прославува Интернационалниот светски ден на јогата, а лемурите се сметаат за основоположници на оваа дисциплина. Во светот дури постои и се практикува Лемога- јога со лемури. Овие прекрасни животни од Мадагаскар, секое утро, во јога поза седат свртени кон сонцето, објавија од Зоо Скопје. -Во Скопје ЗОО кај оваа екипа од Мадагаскар годинава имаме најмногу подмладоци, а особено е интересен податокот дека за првпат добивме шест пара близначиња што е светски феномен. Лемурите се еден од најзагрозените видови на светот, а Скопје ЗОО придонесува за зголемување на бројот на овие единки чии природни живеалишта се повеќе се намалуваат, стои во објавата. За потсетување, пред околу две недели скопската Зоолошка го изгуби кандидатскиот статус за членка на Европската асоцијација на зоолошки градини и аквариуми (ЕАЗА) поради неисполнување на обврските зададени од ЕАЗА изминативе две години. Ова значи дека во наредните 8 години Зоо Скопје нема да може да аплицира за биде кандидат за членка, односно во тој период не може да соработува со ниедна европска зоолошка, ниту пак со кандидати за членови на ЕАЗА, ниту да добива нови животни.

ФОТО: Зоо Скопје се пофали и со принова кај лемурите

Ивона Петрова — Sat, 02 Apr 2022 10:44:54 +0000

Откако Зоо Скопје вчера објави дека добиле бебе подмладок кај ламите, денеска нова убава вест, принова во скопската зоолошка и кај лемурите. -Прстеноопашестите лемури од Мадагаскар се загрозен вид и ретко се множат во зоолошките градини, но во Скопје имаме благослов секоја година да ни се раѓаат по неколку лемурчиња. Да ни е живо и здраво бебето, велат од Зоо Скопје.

ЛемурКите од ЗОО- Скопје порачуваат: Бидете силни и почитувани како нас, нека секој ден ви биде 8 Март (ФОТО)

Катерина Бојаџиева — Fri, 08 Mar 2019 10:14:07 +0000

8 март од Зоолошка го честитаме со кој ако не, лемурите. Кај нив владее матријархат и жената е главна 365 дена во годината, а не само денес, велат од ЗОО- Скопје. ЛемурКите порачуваат: Бидете силни и почитувани како нас. Нека секој ден ви биде 8 март.

Пред изумирање: Лемурите најзагрозени примати на Земјата

Ивона Петрова — Mon, 06 Aug 2018 20:05:34 +0000

Лемурите за Мадагаскар се она што се големите панди за Кина, истакнува Јохан Ратсимбазафу од Сојузот за заштита на животните во Мадагаскар. Деведевет и пет проценти од светската популација на лемури е пред изумирање, што во моментов ги прави најзагрозени примати на Земјата, објави Меѓународната унија за заштита на природата. Лемурите кои живеат во Мадагаскар се загрозени со сечењето на шумата, ширењето на земјоделските земјишта, ловот и рударството. Од вкупно 111 видови и подвидови на лемури, загрозени се 105 од нив, тврдат од Унијата. -Она што најмногу загрижува е растот на трендот за лов на лемури, вклучително и комерцијалниот лов, вели директорот на конзерваторискиот оддел на британското Зоолошко друштво. Мадагаскар е еедна од најпознатите држави по својата биоразличност. Од меѓународната унија најавуваат дека покренуваат голем акциски план за заштита и опстанок на лемурите.

ВИДЕО: Лемурите во скопската Зоо прогнозираа кој ќе биде светски шампион

Ивона Петрова — Fri, 13 Jul 2018 10:47:43 +0000

Лемурите во скопската Зоолошка градина се приклучија кон низата разни животни прогнозери за Светското првенство. Лемурите избраа една од двете кутии со храна оставени во нивното живеалиште, а на кои се поставени и знамињата на финалистите во Мундијалот, Франција и Хрватска. Прогнозата на лемурите од скопската Зоо беше јасна, Хрватска нов светски фудбалски шампион. Останува до недела да видиме дали нивната прогноза ќе испадне точна.

Ова не го очекуваше: Новинар среде снимање го нападнаа животни, му скокаа од сите страни (ВИДЕО)

Дарко Андоновски — Wed, 10 Jan 2018 19:35:54 +0000

Несекојдневна сцена се случи во зоолошката градина во Норфолк и покажа колку е непредвидлива новинарската работа. Репортерот на телевизијата Би Би Си Алекс Данлоп известуваше од зоолошката градина Банам во Норфолк во Англија кога му скокна цела мала банда лемури. И само што помисли дека малку работите се смирија, лемурите повторно одлучија да го „нападнат“ новинарот. Лемурите постојатно му скокаа, а во неколку наврати се лини дека и репортерот повеќе не знае што да напраив за да се одбрани од нив.