ленин јовановски – Kurir.mk

Jовановски: Се повлекуваат автобусите од блокадите, ќе се даде простор на дијалогот

Тале Кристо — Tue, 13 Dec 2022 16:13:43 +0000

Протестите прекинуваат и после оваа прес-конференција автобусите се повлекуваат од блокадите. Ќе му се даде простор на дијалогот што го предложи премиерот Димитар Ковачевски, информира попладнево во изјава за медиумите Ленин Јовановски, директор на „Слобода превоз“. Ленин соопшти дека по прес-конференцијата ќе изготват ново барање коешто, како што рече, ќе биде во контекст на она што го кажа премиерот Димитар Ковачевски, каде што ќе ги исполниме сите негови сугестии. Тој очекува да бидат повикани на средба со премиерот. – Предложивме она што го кажа премиерот да се испочитува. Денеска по овој прес сите автобуси што се на улица да се повлечат, за да му се овозможи простор на дијалогот што тој го предлага и што за нас е основа за средба на која што како што и самиот спомена ќе бидат презентирани сите аргументи, докази и факти за целава оваа состојба од која што и нему и на пошироката јавност после тие средби се надеваме дека како авторитети од висока институција ќе бидат пренесени во изворна форма на јавноста за таа да не се стави во заблуда, рече тој. Ленин истакна дека се прифаќа идејата тие како претставници на приватните превозници кои што располагаат со таа документација да ја презентираат на таа средба. – Прифаќаме и инститираме на таа средба да има претставници и од Градот Скопје, но и од ЈСП каде пред него ќе ги соочиме аргументите со кои што располагаат сите три страни, за јавноста да биде посоодветна запознаена. Во целост прифаќаме се што премиерот Ковачевски го кажа, бидејќи вистината е на наша страна и сметаме дека доколку постои таква институционална можност преку отворање на овој дијалог кој мора да биде интензивен и што побргу да се реши, рече Ленин.

Ленин Јовановски: Им се извинувам на граѓаните што ја поддржував Арсовска

Ристе Здравков — Wed, 07 Dec 2022 15:21:03 +0000

Директорот на „Слобода Превоз“ Ленин Јовановски во интервју за „Република“ за прв пат проговори за неговиот однос со градоначалничката Данела Арсовска и дали се уште пријатели. Поради негативната реакција кај граѓаните, Јовановски најавува дека веќе нема да се појавува на блокадите а ќе го намали и присуството во медиумите. -Имаме неодговорен однос од страна на градоначалничката Арсовска која наместо да го решава проблемот влезе во изјави и дефокусирање на јавноста и зборување на некакви криминали и сл. И наместо еден проблем почна да се создаваат нови и беше раскинат договорот со „Слобода Превоз“ со што приватните превозници остануваат без работа и егзистенција. Сега има и нов проблем со јавниот оглас за нови превозници.Остануваме на улица и покрај тоа што се проблем за граѓаните.Граѓаните не треба да го трпат ова и ако некој треба да мисли тоа е градоначалничката Арсовска која е недостапна и не ги прима превозниците за да си ги кажат маките. Тој објасни за долгот што ЈСП го има кон нив. Долгот е 61 милион и 800.000 и тој е неспорен и усогласен со сметководствената евиденција на ЈСП и за кој што нема понудено решение.Никаков долг не е исплатен од моментот кога приватните превозници го побараа да им биде исплатен.Заедно со долгот што е во „Макекспрес“ е околу 100 мииони денари и во него не е пресметан со тој што сега ќе доспее за месец ноември. Јовановски објанува и кој е проблемот со картите. Приватните превозници не продаваат билети во автобусите.Граѓаните ги користат услугите на приватните превозници со билет купен од ЈСП.Целиот приход од продадени карти се слеваат во ЈСП.Приватните превозници не продаваат карти затоа што фискалните апарати кои се дел од инсталираната опрема на ЈСП не функционираат.Доколку продаваат ќе го прекршат законот за готовинско плаќање каде што јасно е кажано дека на местото каде што се врши готовинско плаќање треба да се издаде фискална сметка.Градоначалничката манипулира изнесува неточни податоци и тоа е лесно докажливо. Целото интервју со Ленин Јовановски погледнете го на republika.mk

Ленин Јовановски: Ќе и олеснам на Данела, ќе се повлечам, но блокадите продолжуваат

Ристе Здравков — Wed, 07 Dec 2022 13:59:02 +0000

Директорот на „Слобода превоз“, Ленин Јовановски се повлекува од протестот на превозниците и од сите процеси кои ќе следат понатаму затоа што смета дека премногу се злоупотребува неговото име, а блокадите на превозниците остануваат и понатаму. За „А1он“ Јовановски рече дека неговото име постојано се спомнувало во политички контекст, а тоа му штетело на целиот процес на изнаоѓање решение за превозниците кои трет ден протестираат поради неисплатени долгови од Град Скопје – Од овој процес јас решив да се повлечам затоа што премногу се злоупотребува моето име и му се дава политичка нотификација. Институционално останувам директор на „Слобода превоз“, но нема да бидам гласноговорник на превозниците. Ние како „Слобода превоз“ не може да бидеме фактор во превозот затоа што со одлуката на Градот не можеме да се пријавиме на јавен повик за линии една година – рече Јовановски. Првиот човек на „Слобода превоз“ смета дека превозниците и без него ќе се организираат, а протестот според најавите ќе продолжи и понатаму. – Ако јас сум проблемот, еве ќе му олеснам на Градот и ќе се повлечам. Нема да учествувам на никаков начин, а превозниците ќе се организираат и без мене. Нема да може да се правдаат дека јас сум крив за проблемите што имаме во превозот.

Ленин Јовановски: Tенкови може да ни прати Пенов, може и да пукаат, но протестот е законски

Дарко Андоновски — Tue, 06 Dec 2022 10:03:20 +0000

„Протестот на приватните превозници е законски и е законски најавен, доколку Ристо Пенов смета дека има нешто што е погрешно во целиот случај и дека може нешто да стори за да престане протестот, тогаш нека го направи тоа. Може и тенкови да ни испрати или можат да стрелаат врз возачите на блокадите“, изјави директорот на „Слобода превоз“ Ленин Јовановски како реакција на синоќешната изјава на министерот за локална самоуправа Ристо Пенов дека Владата има инструменти и насилно да ги прекине блокадите. „Се анализира состојбата. Да се исцрпат сите можности за разрешување на проблемот па Владата да презема мерки, затоа што веќе не е само облигациониот однос и долгот од 1 милион кон приватните превозници. Веќе имаме раскинување на нивниот договор. Тие и да го добијат долгот се исклучени од натамошна работа и не верувам дека со исплата на долгот ќе престане протестот,” рече Пенов според кого во Советот на Град Скопје влијание врз мнозинството има ВМРО-ДПМНЕ и дека таа партија може, ако сака, на градоначалничката Данела Арсовска да ѝ наметне решение на проблемот. Приватните автобуски превозници на „Слобода превоз” и „Макекспрес” веќе втор ден оваа недела протестираат со блокади на три важни сообраќајни точки во Скопје. Тие очекуваат решение за нивните барања, односно да се подмири или евентуално да се почне подмирувањето на долгот што Град Скопје и Јавното сообраќајно претпријатие го има кон нив.

ВО ЖИВО: Ијава на Ленин Јовановски од „Слобода превоз“

Дарко Андоновски — Mon, 05 Dec 2022 10:02:34 +0000

Директорот на приватниот автобуски превозник Ленин Јовановски во овие моменти ќе даде изјава за медиумитре пред градот Скопје. КУРИР изјавата ќе ја пренесува целосно, можете да ја следите на нашата Фејсбук страница или во продолжение:

ВО ПОНЕДЕЛНИК СКОПЈЕ ДЕФИНИТИВНО ПАРАЛИЗИРАНО – Арсовска нема слух за проблемот на приватните превозници, нема шанси да седне на иста маса со нив!

Дарко Андоновски — Sat, 03 Dec 2022 16:51:59 +0000

Арсовска дефинитвно нема слух за приватните превозници. Ниту вчерашните блокади ниту најавените за од понеделник не ја предомислија градоначалничата да седне на иста маса со превозниците и да ги соочат фактите. Па така од пенеделник Скопје дефинитивно ќе биде град на тотален сообраќаен хаос, пренесува телевизија Алфа. Ленин Јовановски од „Слобода превоз“ вели дека веќе е одлучено авотбусите да ги паркираат на најголемите крстосници во метрополата. „Тоа е одлука на приватните превозници, ќе повторам уште еднаш, „Слобода превоз“ не е во протест, протестираат приватните превозници, ние само пренесуваме она што тие одлучуваат, бидејќи ние сме само нивни претставници и застапници.“ – Изјави Јовановски. Градоначалничката неколку пати кажа дека договорите се раскинати, затоа што приватните превозници одлучиле да ја укинат автобуската услуга. Како и дека ќе има нов јавен повик за превозниците. Јовановски за Алфа истакна дека допис од градот Скопје, оти го раскинале договорот, до овој момент не пристигнал до нив. Смета дека градоначалничката не може да објави оглас каде што превозниците ќе се пријават индивидуално, затоа што, тоа ќе е спротивно на прописите издадени од градскиот совет „Тоа е еден процес кој што бара многу повеќе време, отколку така избрзано кажување дека нешто ќе се прави вака или онака. Мислам дека и од тој став ќе ретерираан набрзо. Дури и да го огласат огласот, а сигурно за толку кратко време нема да го направат квалитетно и тој ќе падне. Меѓутоа, никако нема да можат на приватните превозници секој посебно да си конкурира и да биде вклучен, да го има оној фонд на работа што го имаше до сега.“ – Појасни Јовановски. Тој додава и оти му е нејасно како градоначалничката Арсвоска очекува некој да конкурира на нов повик, кога градот се уште ги нема исплатено долговите. Вели дека превозниците застанале со работа оти немаат пари за гориво, за сега градоначалничката да очекува да најдат за гориво и да се пријават на нов оглас. Приватнте превозници од компаниите „Слобода превоз“ и „Мак експрес“ бараат да им биде исплатен долг од над 1,5 милиони евра. Тие во знак на протест веќе еднаш ја блокираа крстосницата кај Мавровка, а вчера паркираа околу 200 автобуси на булеварот „Илинденска“. По денешниот одговор од Арсовска, во понедленик се очекува да бидат целосно блокирани крстосниците кај трговскиот центар „Мавровка“ и Црвен крст, како и булеварот „Илинденска“.

Нека не се плаши да седне да преговараме,не сме терористи: Ленин пак ја вика Данела да се сретнат

Ристе Здравков — Fri, 02 Dec 2022 14:55:55 +0000

Приватните превозници ѝ понудија компромис на градоначалничката Данела Арсовска и велат дека дека се подготвени да почнат со вршење на превозот во оној момент кога ќе им биде расчистен долгот или барем некој дел од него за да може да се надмине целата оваа ситуација Ние не сме терористи, па да има страв градоначалничката да седне со нас да преговара. Кажете една закана и уцена, дали некому му зедовме пари, дали некому му отидовме дома да му се закануваме, дали кажавме еден погрден збор. Едноставно, луѓето си ги бараат парите. Не може тоа да се третира како закана ниту како притисок. Имаме разбирање, со секого се седнува да се преговара. Очигледно е дека некој не сака да го реши проблемот, изјави денеска Ленин Јовановски од „Слобода превоз“ на прес-конференција од пред просториите на Град Скопје. Приватните превозници ѝ понудија компромис на градоначалничката Данела Арсовска и велат дека се подготвени да почнат со вршење на превозот во оној момент кога ќе им биде расчистен долгот или барем некој дел од него за да може да се надмине целата оваа ситуација. „Приватните превозници ќе почнат веднаш да го вршат превозот и ќе го вршат сè додека не се случи оној најавуван оглас, кој е некој нов концепт на градоначалничката, меѓутоа да не се создава ваков простор на нервози, блокади и јавниот превоз да функционира. Доколку имаме некакви сигнали или некаков одговор и решение од целата оваа ситуација со овој наш предлог на кој инсистираме да биде прифатен, може да кажеме дека протестите ќе бидат прекинати“,изјави Јовановски. Во спротивно, додава Јовановски, оној протест што е најавен за помасовна блокада на повеќе крстосници, кај „Мавровка“ и „Црвен крст“ и целосната блокада на булевар „Илинден“, ќе се реализираат в понеделник.

ВО ПОНЕДЕЛНИК СКОПЈЕ ЌЕ КРАХИРА – Арсовска цел ден не сака да ги прими приватните превозници, најавија уште помасовна блокада!

Дарко Андоновски — Fri, 02 Dec 2022 14:52:37 +0000

Како што знаете, денеска, приватните превозници се откажаа од блокирање на градот поради барањата на граѓаните, но и поради молбите да има проток на движење за граѓаните и за децата кои треба да присуствуваат на Златно славејче. Како што гледате се е проодно, но тука сме за градоначалничката да види колку сме на број. Ова го истакна денеска Ленин Јовановски, директорот на „Слобода превоз“. Тој истакна дека по средбата меѓу приватните превозници, се договориле дека сакаат да им излезат во пресрет на граѓаните, но се уште нема договор со градоначалничката на град Скопје. - Бидејќи градоначалничката не ги прими да ги сослуша превозници, да кажеме дека не сме тука да вршиме притисок, ние преку медиумите сакаме да порачаме дека, тука сме да кажеме дека и ние сакаме најбрзо што може да се надмине оваа ситуација. Значи, сакаме да им излеземе во пресрет и на граѓаните, и сакаме да потенцираме дека приватните превозници се спремни да почнат со работа веднаш штмо се рачисти долгот, бар дел од долгот, за да се надмине ситуацијата. Гледаме дека преку советот има разни стимулации за ЈСП, сега има дополнителни средства и за други јавни претпријатија. Приватните превозници вршат јавна дејност, и за да ја вршат им требаат средствата - укажува Јовановски. Тој дополни дека „Доколку навистина сакаат да се реши проблемот, еве шанса, тие ќе почнат веднаш да го вршат превозот... и ќе го вршат се додека не се реализира новиот концепт. За да нема вакви гужви низ градот, а кога ќе се почне да функционира новиот оглас, да продолжи превозот со новите превозници со кои ќе се потпишат договори. Ова е најоптимално решение, за да не им штетиме на граѓаните“. Тој истакна дека доколку имаме некакви сигнали, некаков одговор и некакво решение за оваа ситуација, за овој предлог кој сега го даваат, на кој инсистираат да се прифати, тогаш ќе престанат протестите. - Во спротивно, масовниот протест на приватните превозници кој го најавивме со блокирање на крстосниците кај Мавровка, Црвен Крст и Илинденска ќе се реализира во понеделник - потенцираше Јовановски. Тој дури предложи и советот на град Скопје да изнајде решение, да издвои средства за приватните превозници, кои дури и немора да е исплата на севкупниот долг, туку поголем дел, и да продолжи да се серивисираат трошоците согласно договорот.

Јовановски: Гневот кај приватните превозници е голем бидејќи тие се под закана и уценети

Ивана Ефремовски — Thu, 01 Dec 2022 10:51:46 +0000

Во тек е прес-конференција на Ленин Јовановски, директор на „Слобода превоз“. Приватните превозници денеска ќе одлучат како ќе се одвива нивниот утрешен протест – со блокада само на крстосницата кај „Мавровка“ или 200 нивни автобуси ќе блокираат неколку крстосници во центарот на градот. -Гневот кај приватните превозници е голем бидејќи тие се под закана и уценети. Под закана се дека им се раскинуваат договорите, им се вели да не го бараат долгот, а ако бараат им се вели дека ќе се земат други превозници. Градоначалничката вели “секој чесен превозник ќе може да си ја врши работата“, а јас ви велам дека нема ниту еден нечесен човек таму. Не знам по кој критериум ќе бираат чесни превозници во таа циркузијада, но сакам да предупредам дека револтот е после сите искажани лаги, не може да ги лажете превозниците и корисниците на нашите услуги, рече тој.

СЛЕДЕТЕ ВО ЖИВО: Јовановски открива дали ќе протестираат приватните превозници

Ивана Ефремовски — Thu, 01 Dec 2022 10:26:35 +0000