Статуа на Ленин повторно во Хеническ, украински град близу Крим – окупиран од Русите

Тале Кристо — Tue, 19 Apr 2022 06:49:21 +0000

Статуа на поранешниот Советски лидер, Владимир Ленин, повторно е поставена во украинскиот град Хеническ, окупиран од Русија. Информацијата е потврдена од фотографии, објавени на социјалните мрежи, а Си-Ен-Ен ја утврди нивната веродостојност. Речиси седум години поминаа откако статуа од Ленин се отстрани, како дел од напорите за „декомунизација“. На фотографиите објавени на Фејсбук, може да се види новата статуа пред зградата на регионалниот совет. Се гледа и руско знаме на покривот од објектот. Оригиналната статуа на Ленин се отстрани по наредба од градскиот совет на 16 јули, 2015 година, според податоци на локалните медиуми. Како што се пишува, Хеническ бил еден од последните градови во регионот со статуа на Ленин. Јури Соболевски, украински регионален заменик за Херсон, ја потврди информацијата на Фејсбук. „Орките во Херсонскиот регион ги продолжуваат нивните експерименти со враќање назад во времето“, напиша Соболевски, користејќи „сленг“ термин за руски војници. Црвени знамиња, споменици од советската ера, набројува Соболевски. „И сето тоа во позадина на влошена хуманитарна криза, сериозно сузбивање на несогласувањето и манифестациите на граѓанската позиција. Нивниот мотив е апсолутно транспарентен – тие (делуваат како паразити) на носталгичните чувства на населението“ пишува во неговата објава на Фејсбук.

ВИДЕО: Хитлер и Ленин се борат за власт во мало гратче на Андите

Матеја Петровски — Tue, 25 Sep 2018 10:55:37 +0000

Перуанското гратче Јунгар, високо на Андите, за две недели бира градоначалник. Меѓу кандидатите, макар по имињата се издвојуваат Хитлер, кој се надева на враќање на власт и Ленин, кој се обидува да го спречи вотоа. Ројтерс наведува дека секаде по тој град се појавиле пораки „Хитлер се враќа“ и „Хитлер е со народот“, кој се однесуваат на поранешниот градоначалник Хитлер Алба Санчез, кој на власт Јунгару беше од 2011 до 2014 година. Неговиот политички ривал Ленин Владимир Родригез Валверде се обиде минатата недела да издејствува забрана на кандидатурата на Хитлер за изборите кои треба да се одржат на седми октомври, но локалната изборна комисија го отфрли неговото барање. Ројтерс пренесува дека Хитлер Алба нагласува дека отфрлува се за што нацистичкиот диктатор Адолф Хитлер се залагал и сака да владее на чесен и транспарентен начин. Алба тврди дека неговиот не знаел кој бил Хитлер кога му го дал тоа име. Според зборовите на овој политичар, тој размислувал да го промени името кога дознал за злосторствата на правиот Хитлер, но сепак се откажал од тоа. -Јас сум добар Хитлер, кажал Алба за перуанската телевизија РПП. Во Перу и во другите земји од Латинска Америка родителите често избираат странски имиња кои им звучат чудно и покрај тоа што во странство имаат негативна конотација.

ленин – Kurir.mk

Статуа на Ленин повторно во Хеническ, украински град близу Крим – окупиран од Русите

ВИДЕО: Хитлер и Ленин се борат за власт во мало гратче на Андите