Синот на спортската легенда уапсен за сексуален напад врз 16-годишно девојче

Магдалена Андонова — Thu, 08 Apr 2021 07:05:52 +0000

Лук Дејвид Армстронг, синот на обесчестениот велосипедист Ленс Армстронг, е уапсен за сексуален напад што се случил пред три години! Кога кажуваме посрамотениот Ленс Армстронг, првенствено го мислиме оној голем скандал со допинг кој фрли голема дамка на поранешната спортска легенда. Барем беше, сè додека не се откри дека постигнал резултати со помош на хемија. Неговиот син Лук Дејвид, кој сега има 21 година, беше обвинет за сексуален напад врз тогашната 16-годишна девојка на забава во Тексас. Тој беше ослободен со кауција, а жртвата го пријави инцидентот во ноември минатата година. Од друга страна, неговиот адвокат ги негираше обвинувањата, тврдејќи дека неговиот клиент во тоа време бил во врска со таа девојка неколку месеци. - Она што се случи во средно училиште пред три години не беше кривично дело или сексуално насилство. Тоа беше консензуална врска помеѓу двајца млади луѓе, по што секој одеше по својот пат. Овие обвинувања не требаше да бидат поднесени, особено не три години подоцна - рече адвокатот на Армстронг. Од друга страна, девојчето и рекла на полицијата дека го повикала Лука да ја однесе од една забава, бидејќи била пијана. Како и дека не се сеќава дека возеле до неговата куќа каде што се разбудила. Сепак, таа додаде дека Лук и признал во телефонскиот разговор во декември 2020 година дека имале сексуални односи во куќата на неговиот татко.

Ленс Армстронг избегна парична казна од 100 милиони долари

Даниел Василев — Fri, 20 Apr 2018 14:38:32 +0000

Поранешниот американски велосипедист, Ленс Армстронг постигна договор со федералната влада на САД и се согласи да плати пет милиони долари поради злоупотреба на недозволени средства, со што избегна судење и можна казна од 100 милиони долари, пренесоа американските медиуми. „Ју Ес Постал“, кој беше спонзор на американскиот велосипедист, тврдеше дека Армстронг ги измамил даночните обврзници со прифаќање милиони долари од државната агенција, а истовремено тој земал недозволени средства. - Натпреварувачот кој намерно користи нелегални супстанци не само што ги мами своите конкуренти и навивачите, но исто така и спонзорите кои му помогнале при спортските натпревари. Договорот покажува дека оние кои мамат се одговорни, изјави државниот обвинител Чад Ридер. Од друга страна Армстронг на договорот гледа како на победа. - Мило ми е што го решив овој случај и ќе продолжам напред со мојот живот. Се радувам дека ќе се посветам на многу големи работи во животот - сопругата, петте деца, пишување и филмски проекти, како и хуманитарна работа со пациенти болни од рак, вели Армстронг. Тој изрази желба да ги „закопа секирите“ со „Ју Ес Постал“, иако верува дека нивните активности се „неосновани и неправедни“. - Пред пет години презедов целосна одговорност за своите грешки и се обидов да се искупам. Секој пат кога седнував зад воланот на тимот „Ју Ес Постал“, јас го оставав целото мое срце и секогаш бев горд дека го носев нивното лого на градите, изјави поранешниот велосипедист. МИА

ленс армстронг – Kurir.mk

Синот на спортската легенда уапсен за сексуален напад врз 16-годишно девојче

Ленс Армстронг избегна парична казна од 100 милиони долари