Ленс се искачи на второто место во Франција

Бошко Тасиќ — Sun, 19 Mar 2023 06:51:39 +0000

Францускиот фудбалски клуб Ленс лесно и убедливо славеше на домашен терен против Анже со 3-0, резултат со кој екипата на Ленс најмалку на 24 часа се искачи на второто место на табелата во францускиот шампионат. Победникот беше решен во првото полувреме, Фофана во 26. минута го отвори резултатот во корист на домаќините, а четири минути подоцна Опинда зголеми на 2-0. Истиот играч го постигна и третиот гол за оваа екипа. Ленс сега има 56 бода, десет помалку од лидерот ПСЖ, а два повеќе од Олимпик Марсеј, кој денес го игра својот меч од оваа 28. рунда од француското првенство.

Ленс ќе игра без публика на два домашни натпревари

Магдалена Андонова — Mon, 20 Sep 2021 18:28:53 +0000

Францускиот фудбалски прволигаш Ленс ќе игра два домашни натпревари без присуство на публика поради навивачките немири што се случија на саботното првенствено дерби против Лил, соопшти денеска дисциплинската комисија на француската лига. Навивачките инциденти на натпреварот меѓу Ленс и Лил се случија на полувремето поради што продолжението доцнеше повеќе од половина час, а под знак прашање беше дали дуелот воопшто ќе може да се одигра. До инцидентите дојде кога гостинските навивачи почнаа да фрлаат разни предмети на трибините со навивачите на Ленс, по што домашните навивачи втрчаа на теренот и се упатија кон трибината каде беа сместени гостинските навивачи. Дојде до физички пресметки, а инциденти од поголеми размери спречија интервентната полиција и редарските служби. (МИА)

ленс – Kurir.mk

Ленс се искачи на второто место во Франција

Ленс ќе игра без публика на два домашни натпревари