лента – Kurir.mk

Се бара возач на „Ауди“: Удрил пешак, па избегал

Ивана Ефремовски — Fri, 28 Feb 2020 14:40:35 +0000

На 27.02.2020 во 06.55 часот во СВР Скопје, Б.Ѓ.(40) од Скопје пријавил дека на крстосницата бул. „Србија“ со бул. „12-та Македонска Бригада“, по претходно недоразбирање околу сообраќајот, бил удрен во левата нога од патничко моторно возило „Ауди“ со скопски регистарски ознаки управувано од непознато лице кое потоа го напуштило местото на настанот. Се преземаат мерки за расчистување на случајот.

Детали за несреќата: Маж почина во водите на Преспанското Езеро

Ивана Ефремовски — Tue, 16 Jul 2019 08:12:38 +0000

На 15.07.2019 во 11:05 часот во Полициската станица Ресен, од Здравствен дом Ресен било пријавено дека во водите на Преспанското Езеро, кај автокампот-Крани, има починато лице. Полициски службеници излегле на местото и било утврдено дека Ѓ.Д.(72) од Неготино околу 10:50 часот влегол во водите на Преспанското езеро, му се слошило и починал. По наредба на Јавен обвинител телото на починатиот било предадено на семејството.

Србинка и нејзините ќерки близначки пронајдени мртви, полицијата најде стравична глетка

Ивана Ефремовски — Thu, 23 May 2019 09:17:15 +0000

Полицијата во еден стан во Виена пронашла три тела, на жена и две ќерки близначки, пишува ОЕ24. Во станот живееле 45-годишната Весна со потекло од Србија и нејзините 18-годишни ќерки близначки. Вратата морала да биде урната од пожарникари и полицајци откако загрижена пријателка на семејството ги барала, па откако долго време не можела да стапи во контакт со нив повикала полиција. Близначките наводно биле со инвалидитет, а пронајдени се мртви на каучот. Иако засега нема траги од насилна смрт, полицијата и понатаму го истражува случајот, пишува ОЕ24. Имено, Весна неколку пати бегала од насилниот сопруг во сигурна куќа. Подоцна се развеле, а тој замина, по што Весна останала сама со децата. Соседите велат дека Весна М. била психички болна. Велат дека нејзиното семејство никогаш не доаѓало во посета. Мајката и близначките ретко излегувале, но затоа често се слушале викотници од станот. Причината за смртта се истражува, но можно е Весна да ги отрула со таблети ќерките и себеси. Можно е исто така, Весна да паднала и починала, а близначките да починале од глад. Исто така, како што наведуваат австриските медиуми, можно е сите три да починале од глад, затоа што во станот не биле пронајдени никакви траги од храна. Телата на девојките биле пронајдени во соба, а мајката во ходникот од станот.

Дајер со капитенската лента ќе ја предводи Англија на дуелот со Швајцарија

Ристе Здравков — Tue, 11 Sep 2018 09:15:13 +0000

Во отсуство на Хари Кејн, капитенската лента во англиската фудбалска репрезентација на вечерашниот пријателски дуел со Швајцарија ќе ја носи Ерик Дајер.

Селекторот на „Гордиот Албион“ Герет Саутгејт одлучи за овој меч да го одмори Кејн и неговата улога на предводник на тимот да ја довери на Дајер, објави Скај Спорт.

Саутгејт има намера да направи неколку замени и да им даде шанса на повеќе играчи кои не се стандардни во првиот состав на националниот англиски тим.

Во натпреварот од Лигата на нации, Англија во саботата на свој терен загуби од Шпанија со 2:1.

Овој пораз за Англичаните беше трет во низа.

Натпреварот Англија – Швајцарија се игра во Лечестер вечер со почеток во 21 часот.