Горецка за забраната за пиво во Катар: Чудно е што го решија тоа непосредно пред почетокот на Мундијалот

Ивона Петрова — Wed, 23 Nov 2022 13:27:15 +0000

Германскиот репрезентативец Леон Горецка ја коментираше забраната за пиво на стадионите за време на Светското првенство во 2022 година. – Не можам да разберам зошто оваа одлука е донесена непосредно пред Мундијалот. Организаторите ги прекршија ветувањата дадени кон навивачите. Ме буни и тоа дека пивото сепак ќе биде дозволено во одредени области на стадионот. Во ВИП просторот, односно во просторот за особено важни гости. Никој не може да го разбере ова, изјави Горецка. Тој одговори на прашањето од новинарите дали во случај на победа над Јапонија, денес ќе се слави со пиво во хотелот? – Имаме сериозни барања за физичка форма, мора да посветиме посебно внимание на закрепнувањето. Мислам дека пивото после натпреварот нема да помогне во тоа. Не звучи како фудбалска романса, но така е, рече фудбалерот од средниот ред на Баерн и Германија. Германците попладнево од 14 часот во Доха ќе се сретнат со Јапонија во првиот свој настап на Светското првенство 2022.

Леон Горецка во Баерн останува до 2026 година

Тале Кристо — Thu, 16 Sep 2021 14:09:05 +0000

Германскиот фудбалски репрезентативец Леон Горецка дополнително ја зацврсти својата врска со Баерн Минхен, обврзувајќи се на верност кон клубот до 2026 година. Со новиот четиригодишен договор Горецка стави крај на шпекулациите, кои го поврзуваа 26-годишниот фудбалер со можен трансфер во Премиер лигата. Горецка дојде во редовите на Баерн во 2018 година од Шалке и досега со Баварците ја освои Лигата на шампиони и три германски титули. –Со Баерн веќе освоив многу трофеи, а ќе биде уште поубаво доколку сето тоа продолжиме да го повторуваме, изјави Горецка.

Леон Горецка – Kurir.mk

Горецка за забраната за пиво во Катар: Чудно е што го решија тоа непосредно пред почетокот на Мундијалот

Леон Горецка во Баерн останува до 2026 година