леонардо бонучи – Kurir.mk

Бонучи: Ги молев да останам, ме избркаа по 500 одиграни натпревари

Ристе Здравков — Thu, 14 Sep 2023 13:34:59 +0000

Леонардо Бонучи (36) по десет години во две сезони и 502 натпревари за Јувентус, со кого освои девет титули на Италија и четири купа, мораше да го напушти клубот. Го избркаа иако сакаше да остане и беше подготвен да биде деградиран во статус на последна резерва само за да ја заврши кариерата во омилениот клуб. Новиот стопер на Унион Берлин во интервју за „Медиасет“, кое стана топ тема во Италија, зборуваше за својата огорченост кон клучните луѓе на клубот. „Ги читам и слушам неверојатните лаги кои за мене се шират од Јувентус на чело со тренерот Алегри. Не е точно дека во октомври минатата година и февруари годинава ми беше кажано дека клубот сака да заминам. Тоа ми беше кажано дури на 13 јули, кога директорите Џунтоли и Мана дојдоа кај мене и ме известија дека повеќе не сум член на тимот. Ми објаснија дека моето присуство во екипата го поткопува нејзиниот раст. Бев толку незамисливо понижен од клубот за кој одиграв повеќе од 500 натпревари. И тоа ми го направија два месеци откако му кажав на раководството на клубот дека сум подготвен да останам како петти или шести избор на централен бек за да им помогнам на младите играчи“, изјави Бонучи и дополни. “Сакам да им се заблагодарам на многуте фудбалери кои ми се јавија и ми изразија поддршка и сочувство за огромното непочитување што Јувентус го покажа кон мене. Пирло, Буфон, Кјелини новиот селектор Спалети се само некои од нив. Кога сме кај тренерите, мојата желба и план е да играм за Италија на Европското првенство следното лето“, изјави новиот играч на Унион Берлин. Во меѓувреме, Бонучи реши да го тужи својот „сакан“ клуб затоа што му го нарушиле професионалниот углед. Јувентус го отпиша Бонучи пред стартот на новата сезона, тој смета дека со тоа му го нарушиле угледот.

Бонучи за првпат во кариерата ќе игра надвор од Италија, и тоа во Бундеслигата за да игра во Лигата на шампионите

Ристе Здравков — Thu, 31 Aug 2023 12:57:20 +0000

Легендарниот италијански дефанзивец Леонардо Бонучи е пред изненадувачки трансфер во Бундеслигата. На искусниот 36-годишен Бонучи летово му заврши договорот со Јувентус, а Старата дама не сакаше да му ја продолжи соработката, па дефанзивецот остана слободен играч. Според најавите, Бонучи во новата сезона ќе го носи дресот на екипата на Унион Берлин. Фудбалерот и клубот имаат усмен договор, кој треба да се официјализира до крајот на денот. Бонучи ќе потпише едногодишен договор со клубот кој ќе игра и во групната фаза од Лигата на шампионите. Во текот на целата кариера Бонучи играше во Италија, а бил играч на Интер, Тревизо, Пиза, Бари, а стана клупска легенда на Јувентус, додека една сезона играше и во Милан. За репрезентацијата на Италија одигра 121 натпревар.

Leonardo Bonucci to Union Berlin, here we go! Verbal agreement reached, Italian CB leaves Juventus on permanent deal and joins Union ⚪️🔴🇮🇹 #UnionBerlin

Bonucci will travel to Berlin later today if all goes to plan.

Contract until June 2024, option for further season discussed. pic.twitter.com/pnL2VTlO6h
— Fabrizio Romano (@FabrizioRomano) August 31, 2023

Бонучи е „избришан“ од првиот тим на Јувентус

Бошко Тасиќ — Sat, 19 Aug 2023 18:57:18 +0000

Денеска започнува новата сезона во Серија А, а Јувентус до својот прв натпревар ќе мора да почека до утре, кога му гостува на Удинезе. Она што стана јасно на ден пред средбата дека не постојат никакви шанси во тимот да се врати доскорешниот капитен Леонардо Бонучи, кој дефинитивно е избришан од првиот тим. Јувентус ги испрати до Серија А броевите на дресовите кои ќе ги носат фудбалерите во новата сезона, а на списокот воопшто го нема бројот 19, кој инаку му припаѓаше на Бонучи. Тоа е уште еден знак дека нема никаква иднина за дефанзивецот во Торино, иако тој се обидуваше на секој начин да биде дел од Јувентус и во последната сезона од договорот.

ТРАНСФЕР БОМБА: Бонучи пред трансфер во Њукасл

Бошко Тасиќ — Sun, 09 Jul 2023 15:42:35 +0000

Италијанскиот фудбалски клуб Јувентус доби нов спортски директор откако вчера на функцијата беше назначен Кристијано Џунтоли, кој досега раководеше со играчкиот кадар во шампионот Наполи. Џунтоли веднаш почна со „чистката“ во тимот, а прв треба да замине капитенот Леонардо Бонучи, кој не е во плановите на Масимилијано Алегри. Вестите од Италија велат дека искусниот стопер, кој некогаш играше во тандем со Џорџо Киелини, веќе има нов клуб. 36-годишниот фудбалер има плата од 6,5 милиони евра и затоа Јувентус сака да се ослободи од него. Медиумите на Апенините тврдат дека негов следен клуб ќе биде Њукасл.

Бонучи ќе се пензионира во 2024 година

Дарко Андоновски — Wed, 17 May 2023 10:23:55 +0000

Фудбалерот на Јувентус, Леонардо Бонучи најави крај својата професионална кариера во 2024 година. - Кога ќе престанам да играм следната година, мислам дека ерата на италијанската дефанзивна игра ќе заврши. Тоа е причина да се гордееме што сте во врвот на великаните. Се надевам дека многу дефанзивци кои ќе пораснат ќе не сметаат за идоли нас четворицата (Буфон, Бонучи, Барзаљи, Киелини), како што ги сметавме за идолите на Барези, Малдини, Неста и Канаваро. Ова ќе значи дека постигнавме многу и оставивме белег во фудбалот, изјави Бонучи на Јутјуб каналот на Јувентус. Бонучи игра за Јувентус од 2010 до 2017 година. Триесет и шестгодишниот Италијанец осум пати стана италијански шампион, три пати го освојуваше Купот на Италија, а пет пати Суперкупот на Италија. Како дел од италијанската репрезентација, фудбалерот стана победник на Европското првенство 2020 година.

Бонучи го напушта Јувентус

Бошко Тасиќ — Sun, 16 Oct 2022 17:08:56 +0000

Капитенот на Јувентус, Леонардо Бонучи би можел да ja промени среднината веќе во јануари, пренесува „Кориере дело Спорт“. Јувентус во саботата со минимален резултат победи против Торино во градското дерби, а капитенот го започна натпреварот од клупата за резерви. Бонучи во последно време често е критикуван за лошите игри кои ги игра, а локалните медиуми пренесуваат дека е во лоши односи со тренерот Масимилијано Алегри. За искусниот дефанзивец е заинтересиран Тотенхем, кој со задоволство би го довел, а тој самиот не би имал ништо против да се испроба во Премиер лигата.

Се огласи и Бонучи по поразот од Македонија: Едно нешто никако не ми е јасно

Ристе Здравков — Mon, 28 Mar 2022 18:10:36 +0000

Италија вторпат по ред ќе го пропушти Светското првенство. Откако го пропуштија Мундијалот во Русија поради испаѓање од Шведска во плеј-офот, сега им се случи истото затоа што беа исфрлени од Македонија со победата од 0:1 во Палермо во четвртокот во полуфиналето од плеј-офот. Она што го нервира дефанзивецот на Италија и Јувентус, Леонардо Бонучи е системот на европски квалификации за СП. Имено, Италија ја заврши групата на второто место, но без ниту еден пораз, а место во финалето од баражот ја чинеше голот на Трајковски во 92. минута. “Одигравме сè во еден натпревар, што обично е апсурдно”, смета 34-годишниот Италијанец и додаде: Тоа е луда одлука. Играме многу натпревари и на крајот се се решава во еден натпревар”. „Има тимови квалификувани на СП од други конфедерации кои загубија четири или пет натпревари. А ние бевме елиминирани со гол во 92. минута и тоа беше нашиот единствен пораз.

Бонучи за можната пресметка со Португалија во баражот за СП: Роналдо знае дека ќе добие удари по нозете

Ивона Петрова — Sun, 26 Dec 2021 19:48:13 +0000

Дефанзивецот на Јувентус, Леонардо Бонучи зборуваше за можна средба меѓу репрезентациите на Италија и Португалија во баражот за Светското првенство во 2022 година. – Сакам да им дадам подарок на моите деца, кои никогаш не ја виделе Италија на Светското првенство. Јас и Кристијано Роналдо се јавивме и се пошегувавме за можна средба во плеј-офот меѓу нашите екипи. Да видиме што ќе се случи на теренот, но Кристијано знае дека ќе добие неколку удари по нозете, изјави Бонучи во интервју за „Раи Спорт“. Противник на Италија во полуфиналето од мартовскиот плејоф за Мундијалот 2022 е македонската репрезентација, додека Португалците ќе се сретнат со турската селекција. Победниците ќе се борат за пласман на СП во Катар.

Бонучи со реакција откако ја остави Италија на цедило на дербито со Шпанија

Ристе Здравков — Thu, 07 Oct 2021 09:29:28 +0000

Леонардо Бонучи беше еден од хероите на италијанската репрезентација на Европското првенство, но се претвори во трагичар во полуфиналниот дуел од Лигата на нации против Шпанија. Дефанзивецот набрзина доби два жолти картони и беше испратен во соблекувалната уште во првиот дел, по што Италија не успеа да го неутрализира овој хендикеп и загуби од големиот ривал на „Сан Сиро“. Бонучи испрати порака до италијанската јавност, преземајќи ја одговорноста за својот потег. – Јас сум уште полут од вас, најмногу на себе. – Навистина ми е жал и се извинувам. Но, оваа Италија ќе се врати и ќе биде посилна од било кога досега, – напишал Бонучи на социјалните мрежи. Бонучи ќе биде суспендиран еден натпревар, што значи дека не може да настапува во битката за третото место во Лигата на нации и наредниов период ќе му биде на располагање на својот клуб Јувентус.

Бонучи: Во Јувентус мора да се навикнеш на притисок

Тале Кристо — Tue, 14 Sep 2021 11:16:07 +0000

Дефанзивецот на Јувентус, Леонардо Бонучи, зборуваше за голманот на тимот Војчех Шчесни и претстојниот натпревар од 1. коло од групната фаза на Лигата на шампионите против Малме. – Тој треба да биде мирен и да не придава значење на критиките. Секој треба да биде фокусиран на теренот. Во Јувентус треба да се навикнеш на притисок. Но, ние сме посилни од тоа. На оние што го носат дресот на Јувентус им веруваат сите затоа што го заслужуваат тоа и не треба да размислуваат за притисоци или критики. Ќе биде тежок натпревар, бидејќи Малме е физички силна екипа, а ние сме тука да ја однесеме победата дома што ќе ни овозможи да гледаме позитивно на следните натпревари, го цитира Бонучи „Тутоспорт“. Натпреварот Малме – Јувентус ќе се вечер од 21 часот на теренот на шведската екипа. Во Х-групата од Лигата на шампионите се наоѓаат и екипите на Челзи и Зенит.