леонардо ди каприо – Kurir.mk

Секој сака забрането овошје: Оваа згодна убавица ги полуде мажите, славниот актер му ја “украде“ на другарот

Ивана Ефремовски — Sat, 26 Aug 2023 18:06:52 +0000

Ако летово се пишуваше и зборуваше за некоја жена во странските медиуми, тоа беше Арабела Чи. Оваа русокоса убавица е англиски инфлуенсер, модел и ријалити ѕвезда, а славата ја стекна во популарно реално шоу. Тоа што ја стави во центарот на вниманието на јавноста е фактот што летово се забавуваше со Леонардо Ди Каприо на неговата јахта на Ибица.

View this post on Instagram

A post shared by ARABELLA CHI (@arabellachi)

Ретко кој не го забележал оваа заводничка. Имено, Арабела и Лео се запознале преку неговиот близок пријател Ричи Акива, кој го нарекуваат и „крал на ноќните клубови“. Ричи и убавицата претходно се снимени како делат сочни бакнежи и се верува дека имаат афера, но ниту еден од нив не потврди дали се работи за нешто сериозно или само е минлива романса.

View this post on Instagram

A post shared by ARABELLA CHI (@arabellachi)

Како и да е, благодарение на тоа што голем дел од летото го помина уживајќи на јахтата на Лео, папарацо фотографиите од нејзината фигура во бикини го обиколија светот.

Зошто Ди Каприо е меѓу омилените глумци на Скорсезе?

Ивона Петрова — Thu, 18 May 2023 07:49:50 +0000

Американскиот режисер Мартин Скорсезе во интервју за „Дедлајн“ (Deadline) открива зошто го користи Леонардо ди Каприо во повеќето, т.е. наизглед сите негови филмови од 21. век. Ди Каприо и Скорсезе досега имаат работено на шест долгометражен и еден краткометражен филм: „Бандите на Њујорк“ од 2002 година, „Авијатичарот“ (2004), „оскароскиот“ „Покојните“ (2006), „Островот Шатер“ (2010), „Волкот од Волстрит“ од 2013 година, потоа - кусиот филм „Аудиција“ (2015) и конечно - „Убијци на цветната месечина“ (Killers of the Flower Moon) којшто своето прикажување ќе го има во декеември оваа, 2023 година. - Она што е фантастично за Лео и зошто толку често соработуваме е тоа што тој често талка како глумец во оние тешки сложени места коишто се речиси неразбирливи за другите актери на крајот сѐ тоа излегува толку кристално јасно со него. Обично можеш да го видиш тоа во неговиот израз, во лицето, очите... Тоа секогаш му го кажувам!, изјави Скорсезе. Според него, Ди Каприо е природен на сцената. - Би можел да го снимам одблиску, тој може да не размислува за ништо, а јас да ставам што било во таа сцена, и луѓето повторно ќе речат дека е одличен. Тоа е нешто како „Кулешовиот ефект“. Може да го направиш тоа со Ди Каприо. Има нешто во неговото лице кога камерата ќе застане на него. Во неговите очи. Дури и кога се движи за милиметар, ние го гледаме тоа. Многу е занимливо она што се случува со него на сцената, заклучи Скорсезе. Режисерот се осврна и на неговата соработка со Роберт де Ниро, со кого исто така снимил доста филмови. Имено, Де Ниро бил тој што му го посочил Ди Каприо на „оскаровецот“ зад камерата.

Леонардо ди Каприо демантираше дека е во врска со позната водителка (19)

Ивона Петрова — Wed, 05 Apr 2023 06:48:24 +0000

Холивудскиот актер Леонардо ди Каприо (48) ги демантираше гласините за романса со водителката Маја Јама (19), откако повторно се поврзуваат. Тој веднаш реагираше на тврдењата дека се гледа со водителката откако ги запознал заеднички пријатели. Извор за странски медиуми изјавил дека актерот и Маја се во редовен контакт и биле на неколку состаноци, објави „Сан“. Двојката, наводно, поминала заедничко време во Њујорк минатиот месец.

Која е новата девојка на Ди Карпио? Родена е две години по премирата на Титаник

Ивона Петрова — Fri, 23 Dec 2022 21:37:09 +0000

Леонардо ди Каприо (48) уживал на вечера со Викторија Ламас (23) во Холивуд за која наголемо се пишува дека е неговата нова девојка. Ди Каприо има репутација дека секогаш е во врска со девојки помлади од 25 години, а по вечерата со Викторија почнаа гласини за нивната романса. Младата актерка потекнува од познато семејство, а нејзиниот татко Лоренцо Ламас бил актер, најпознат по улогата во серијата „Falcon Ridge“. Многу интересен факт за Викторија е дека таа е родена две години по премиерата на филмот Титаник во 1997 година, кој го лансираше Ди Каприо меѓу ѕвездите. Да потсетиме дека Ди Каприо неколку години беше во врска со Камила Мороне, со која раскина оваа година кога таа го прослави својот 25 роденден.

Леонардо ди Каприо во врска со познатата манекенка

Ивона Петрова — Sat, 03 Sep 2022 13:00:07 +0000

Холивудскиот актер Леонардо ди Каприо (47) неодамна раскина со својата девојка Камила (25), по што веднаш се покренаа шпекулациите дека тој е во врска со познатиот модел Џиџи Хадид (27). Како што се наведува, наводно тој пред неколку дена конечно ја завршил врската со Камила, по што веднаш стапил во однос со Џиџи. Неговите блиски пријатели откриваат дека токму Џиџи била негов тип на девојка. Сомнежите се дека двајцата и претходно биле заедно неколку пати.

Мартин Скорсезе ќе снима нов филм со Ди Каприо

Ивона Петрова — Wed, 03 Aug 2022 12:03:33 +0000

Американскиот режисер Мартин Скорсезе и Леонардо ди Каприо планираат нова соработка, по филмовите „Бандите на Њујорк“ (Gangs of New York), „Авијатичарот“ (The Aviator), оскаровскиот „Покојните“ (The Departed), „Островот Шатер“ (Shutter Island) и „Волкот од Волстрит“ (The Wolf of Wall Street). Следниот проект на дуото е историска драма за опстанокот, сместена на брегот на Јужна Америка, во средината на 18. век. Приказната раскажува за британски воен брод кој ќе се насука на осамен остров близу на Чиле, каде што во суровата борба за живот, екипажот гладува, па се случуваат убиства и бунтови… Правата за филмот ѝ припаѓаат на стрим-платформата „Епл“. Филмот е заснован на книгата „Облогот: Приказна за еден бродолом, бунт и убиство“ (The Wager: A Tale of Shipwreck, Mutiny and Murder), од американскиот писател Дејвид Гран. Претходно, идната 2023 година, Ди Каприо и Скорсезе ќе бидат актуелни со филмот „Убијците на Цветната Месечина“ (Killers of the Flower Moon), исто така заснован на книга на Гран.

Ди Каприо издејствувал комерцијална забрана за свој филм

Тале Кристо — Thu, 28 Jul 2022 09:46:43 +0000

„Волкот од Волстрит“, „Фати ме ако можеш“, „Ромео плус Јулија“, „Дневниците на кошаркарот“ и „Не гледај горе“ – се само дел од богатата филмографија на Леонардо ди Каприо. Сепак, има еден филм што тој го снимил и за којшто, веројатно, малкумина слушнале бидејќи глумецот веќе над 20 години се обидува да спречи „лентата“ да го види „белиот ден“… „Сливата на Дон“ (Don’s Plum) е импровизиран црно-бел инди филм за група од 20-годишници кои секоја сабота навечер се собираат на вечера во Лос Анџелес за да разговараат за несреќите во нивните животи. Во главните улоги се и Кевин Коноли и Тоби Мегвајер, а филмот е снимен во неколку дена во 1995. и 1996 година – една година пред Ди Каприо да стане светска ѕвезда благодарение на оскаровскиот „Титаник“. Но, занимливо е што филмот е сѐ уште забранет за прикажување во САД и Канада. Набргу по подемот на Ди Каприо, Мегвајер ја доби главната улога во суперхеројскиот филм „Спајдермен“. Тоа го поттикна режисерот на нискобуџетниот филм – Р.Д. Роб да договори состаноци со дистрибутерите, со надеж дека филмот ќе допре до пошироката публика. Потоа, Р.Д. Роб поднел тужба против Ди Каприо и Мегвајер. Во одговор кон тужбата во 1998 година, глумците тврдат дека никогаш немале намера проектот налик задача за на филмското училиште да стане игран широко-комерцијален филм. Тие, исто така, велат дека филмот го снимиле како услуга и добиле само 500 долари и верувале дека тој ќе се прикажува само на независни филмски фестивали. Така актерите го блокирале прикажувањето на филмот. Но, продуцентот Дејвид Стантман ги тужел за наводно „покренување измамна и принудна кампања за да се спречи тој филм да биде објавен“, тврдејќи дека се плашеле дека може да „открие лични искуства или стремежи“. Сепак, филмот накратко беше објавен на интернет во 2001 година во Германија, откако не стигна во кината. Еден од продуцентите на филмот, Дејл Витли, ја создаде и страницата freedonsplum .com во 2016 година и сподели врска за да го проследи целиот филм на пплатформата „Вимео“, но „по известување од страна на Леонардо ди Каприо и Тоби Мегваер“, видеото е отстрането и оттука. – Не можам повеќе да молчам. Не можам повеќе да дозволам клеветите и лагите што ги направивте против „Сливата на Дон“ да го нарушат големото дело на уметниците кои го создадоа. Веќе не се плашам ниту од вас, ниту од вашите адвокати. Ќе зборувам со слободата што ја имам, што ја дава нашиот Устав. Ќе се залагам за нашиот филм и за сите луѓе кои помогнаа да се направи, рече Витли тогаш. На Јутјуб денес, сепак, може бесплатно да се погледнат исечоци од филмот, како и целиот 110-минутен филм – сѐ додека не биде отстранет.

Болсонаро иронично му се заблагодари на ди Каприо: Благодарам Лео, Бразилците треба да одлучуваат за Амазон

Магдалена Андонова — Sat, 30 Apr 2022 11:18:32 +0000

Претседателот на Бразил, Жаир Болсонаро иронично му се заблагодари на Леонардо Дикаприо за поддршката, откако актерот ги повика младите Бразилци да гласаат на претседателските избори што треба да се одржат во текот на годината. – Ти благодарам на поддршката, Лео! Навистина е важно секој Бразилец да гласа на претстојните избори, напиша Болсонаро на Твитер. Тој, исто така, нагласи дека народот на Бразил „ќе одлучи дали сака да го задржи суверенитетот над Амазон или да биде управуван од измамници кои им служат на одредени интереси на странски земји“.

- Thanks for your support, Leo! It's really important to have every Brazilian voting in the coming elections. Our people will decide if they want to keep our sovereignty on the Amazon or to be ruled by crooks who serve foreign special interest. Good job in The Revenant! 👍 https://t.co/kg3b6rmPCw
— Jair M. Bolsonaro (@jairbolsonaro) April 29, 2022

Болсонаро се соочува со критики за еколошката политика на неговата Влада и е обвинет за забрзување на уништувањето на шумите во Амазон. Дикаприо пред два дена на Твитер објави дека Бразил е дом на Амазон и други екосистеми кои се од витално значење за климатските промени. Болсонаро за време на својот мандат значително ја намали заштитата на животната средина во Бразил. – Тоа што се случува таму е важно за сите нас, а гласањето на младите е клучно за иницирање промени за здрава планета, напиша Дикаприо на Твитер. (МИА)

Леонардо не беше поштеден на Оскарите: На овие шеги сите се смееја, но не му беше сеедно (ВИДЕО)

Ивана Ефремовски — Tue, 29 Mar 2022 16:25:38 +0000

Комичарката Ејми Шумер, водителката на 94. доделување на Оскарите, не поштеди никого, па славниот актер Леонардо ди Каприо си ја доби својата „порција“ шеги. -Мислам, Леонардо ди Каприо - што да кажам за него? Тој направи толку многу во борбата против климатските промени и остави почиста, позелена планета за своите девојки“, рече Шумер, додавајќи објаснување за нејзината шега: „Затоа што тој е постар, а тие се помлади. Ме разбравте, нели?“ Ѕвездата на филмот „Волкот од Волстрит“ од 2017 година е во врска со 24-годишната манекенка Камил Морон, а познат е по тоа што сака помлади девојки.

Ди Каприо донираше 10 милиони долари за Украина

Ивона Петрова — Tue, 08 Mar 2022 12:02:19 +0000

Леонардо Ди Карпио донираше 10 милиони долари за поддршка на Украина, земјата со која е длабоко поврзан бидејќи неговата баба по мајка, Хелен Инденбиркен е родена во Одеса како Јелена Степановна Смирнова. Од таму со родителите во 1917 година мигрирала со родителите во Германија каде е родена и мајката на актерот. Ди Каприо бил многу близок со својата баба која од самиот негов почеток во светот на филмот му била поддршка. Хелен, починала во 2008 година на 93 години, а речиси до своите последни денови се појавувала со Леонардо на премиерата на неговите филмови. Информацијата за неговата поддршка на Украина тој не планирал да ја објави. Сепак во јавноста било објавено од страна на меѓународната Вишеградска фондација, проект на Вишеградската група која има за цел финансиски да ги поддржува меѓународните иницијативи. Актерот и продуцент, кој за Оскар е номиниран шест пати, со години до рубриката професија, пишува актер и еколог.