ОФИЦИЈАЛНО: Вардар доби бразилски шмек најмалку до крајот на сезоната

Ристе Здравков — Wed, 28 Dec 2022 14:16:59 +0000

Бразилскиот репрезентативец Леонардо Дутра Фереира (26) најмалку до крајот на сезонава ќе биде член на Вардар, откако македонскиот шампион потпиша договор со бекот да игра во „црвено-црниот“ дрес. Тој е првото засилување за пролетниот дел и доаѓа од екипата на Натурхаус Ла Риоха од Логроњо од Шпанија. Договорот со Дутра е со важност до крајот на сезонава, но и со можност за продолжување за најмалку уште една сезона. Дутра игра на позицијата лев и среден бек и треба да биде засилување за Вардар. Тој е одличен индивидуалец кој е особено силен во играта „еден на еден“ и зад себе има и интернационална кариера во Висла Плок во Полска, и уште три сезони во Куенка од Шпанија. Дутра е на списокот на селекторот на Бразил за Светското првенство во Полска и Шведска, и во Скопје треба да се приклучи по завршување на Мундијалот.

Бразилски бек го засилува Вардар

Бошко Тасиќ — Wed, 28 Dec 2022 05:50:03 +0000

Македонскиот ракометен шампион Вардар добива ново име, засилување во своите редови и тоа на бековската позиција. Имено нов член на „црвено-црните“ ќе биде бразилскиот репрезентативец Леонардо Дутра Фереира кој досега беше дел од шпанскиот прволигаш Ла Риоха. Медиумите на Пиринеите пренесуваат дека се е договорено, па бекот по СП во Полска и Шведска ќе слета во Скопје и ќе им се приклучи на новите колеги. Дутра има 26 години, висок е 184 сантиметри и сигурно ќе донесе квалитет во таборот на „вардарци“.

Леонардо Дутра Фереира – Kurir.mk

ОФИЦИЈАЛНО: Вардар доби бразилски шмек најмалку до крајот на сезоната

Бразилски бек го засилува Вардар