Леонардо – Kurir.mk

Леонардо: Мбапе е добар играч, но никогаш не може да биде лидер!

Ристе Здравков — Mon, 10 Jul 2023 08:06:38 +0000

Поранешниот спортски директор на ПСЖ, Леонардо има низа критики за Килијан Мбапе, смета дека тој никогаш не може да биде лидер на еден тим. Мбапе е во центарот на вниманието на трансфер пазарот и ова лето. Напаѓачот нема да го продолжи договорот со ПСЖ, а неизвесно е дали ќе си замине сега со обесштетување или следниот летен преоден рок како слободен играч. Поранешниот спортски директор на ПСЖ, Леонардо има само критики за Мбапе. „Мислам дека Мбапе треба да си замине од ПСЖ, без разлика на се. ПСЖ постоел и пред Мбапе, ќе постои и после него. Тој тука е шест сезони, и пет клуба ја освоија Лигата на шампионите во тој период. Ниту еден од нив во составот го немаше Мбапе“, вели Леонардо. „Со своето однесување во изминатите години, Мбапе покажа дека не може да биде лидер на тим. Тој е одличен фудбалер, но не е лидер. Одличен голгетер, но не и креатор, тешко е да се гради тим околу него“.

Се подготвува голема “чистка” во ПСЖ

Бошко Тасиќ — Sat, 12 Mar 2022 06:09:55 +0000

Елиминацијата од фудбалската Лига на шампиони донесе големи проблеми во редовите на ПСЖ каде во следниот период со сигурност ќе има промени на многу полиња. Веќе се шпекулира дека Маурисио Покетино ќе заработи отказ по крајот на сезоната и на негово место ќе пристигне Зинедин Зидан. Вчера излегоа информации дека и една од најголемите ѕвезди на клубот, Нејмар, ќе добие одврзани раце да бара нова средина откако не успеал да ги исполни барањата по неговиот рекорден трансфер вреден 222 милиони евра од Барселона. Сега медиумите пишуваат дека од клубот ќе си замине и спортскиот директор Леонардо кој во последно време имал се повеќе несогласувања со првиот човек на клубот, Насер Ал Келаифи. Прв пик на францускиот клуб, како што пишвуа „Тутомеркато“ бил Фабио Паратичи, некогашниот спортски оперативец на Јувентус, а сега член на управата на Тотенхем.

Ивановска: Во случајот Леонардо на Рашковски поради не навремено повлекување на траншите од кредитот, државата исплатила превисоки камати

Тале Кристо — Fri, 09 Apr 2021 17:26:15 +0000

Претседателката на Државната комисија за спречување на корупција Билјана Иванова, во вечерашното интервју во емисијата „Што не е јасно“ на телевизија Алфа, вели дека во моментот се водат три истраги за заменик генералниот секретар Драги Рашковски и тоа за случајот Леонардо, набавка на софтверот за МВР како и за имотната состојба. Се води уште еден предмет, значи се испитува имотната состојба на Рашковски. Значи три предмети во моментот се водат едниот беше поврзан со Леонардо со набавката во М-НАВ во еден дел каде што беше спомнат Рашковски, ова е вториот со набавка на софтверот и третиот со имотната состојба, значи три предмети има за него, вели таа. Ивановска додаде дека од досегашното испитување на случајот Леонардо, направена е поширока истрага, а она што можеше да го открие е дека поради не навремено повлекување на траншите од кредитот, државата исплатила превисоки камати. Имавме средба на почетокот, меѓутоа треба уште еднаш да разговараме и уште со да речам високи претставници од Управниот одбор на М-НАВ. Значи уште некои две, три интервјуа треба да се направат и да се заврши тој случај. Затоа што ние му дадовме малку поширока димензија, не гледавме само како ЈО во делот на Рашковски, туку ја земавме целата јавна набавка што М-НАВ ја спровело уште од 2013 или 2014 година, така што предметот беше многу обемен и од тие причини по споро се работи заради нели е толку времето, рече таа. Во емисијата можам да кажам дека поради не навремено повлекување на траншите од кредитот, Јавното претпријатие односно пак се тоа јавни пари се плаќаат многу високи камати и тоа е поразително, но тоа не е случај само со М-НАВ тоа е и со други случаи кои што покренуваат кредити. Не се води сметка, некако како недомаќински да се трошат средствата. Ненавременото повлекување предизвикува камати, тоа некој го плаќа, тоа кошта, и тоа не треба да се дозволи и практикува, објасни Ивановска.

Леонардо: Не бараме замена за Гатузо

Ристе Здравков — Sat, 29 Dec 2018 10:49:16 +0000

Тренерот на Милан, Џенаро Гатузо во скоро време нема да биде сменет. Според изјавата на спортскиот директор Леонардо, клубот не бара замена за главниот тренер. -Гатузо е нашиот тренер и никогаш не сме барале негова алтернатива. Ние не контактиравме со други тренери, како што се шпекулираше. Претходно беше објавено дека Гатузо во брзо време ќе биде разрешен. Милан утревечер од 20 часот и 30 минути игра со Спал.

Спортскиот директор на Милан откри зошто не дошло до трансферот на Милинковиќ Савиќ

Матеја Петровски — Fri, 17 Aug 2018 17:36:13 +0000

Спортскиот дирекот на Милан, Леонардо изјави дека денеска разговарал со Матеја Кежман, но дека преговорите околу доаѓање на Сергеј Милинковиќ Савиќ никогаш не ни започнале, од едноставна причина што српскиот репрезентативец бил прескап за клубот. -Не кријам дека разговарав со неговиот агент Кежман, но уште од почетокот знаевме дека доста скап и недопирлив за нас, поради ситуацијата со УЕФА околу финансискиот фер-плеј. Кај нас секое доаѓање е поврзано со заминувањата, изјави Леонардо на промоцијата на трите последни засилувања, Бакајоко, Лаксалт и Кастиљехо. Медиумите минативе денови пишуваа дека Милан на Лацио му понудил 40 милиони евра веднаш и уште 80 милиони следното лето, за трансферот на Милинковиќ Савиќ. Српскиот фудбалер и оваа година ќе настапува во Лацио, но извесно со поголема плата.

Леонардо: Невозможно е да го привлечеме СМС ова лето

Ивона Петрова — Mon, 06 Aug 2018 20:58:53 +0000

Спортскиот директор на Милан, Леонардо на денешната промоција на Паоло Малдини како нов технички директор на „росонерите“, на новинарско прашање изјави дека за клубот е невозможно привлекувањето на Сергеј Милинковиќ-Савиќ, познат како СМС, од Лацио во текот на летово. Милан беше поврзуван со трансфер на Србинот, но поставената цена од Римјаните е превисока за „црвено-црните“. - Не можеме да купиме топ играч, бидејќи финансискиот ферплеј не ни го дозволува тоа, изјави Леонардо. Тој потоа искажа и неколку зборови за неговиот добар пријател и колега, Малдини. - Кога ќе погледнете кон Паоло Малдини, тогаш знаете, дека се ќе биде совршено, како што треба. Сакаме да работиме со сериозни професионалци, а Паоло е токму таков. Тој сака да биде тука, а неговата кариера кажува се што е потребно да се знае, заврши Леонардо. МИА