леопард – Kurir.mk

Германија ќе испорача 178 тенкови „Леопард 1“ на Украина

Тале Кристо — Tue, 07 Feb 2023 18:27:00 +0000

Германскиот совет за безбедност одобри испорака на 178 тенкови „Леопард 1“ на Украина од индустриските резерви, што е значително повеќе од претходно најавеното, јави денеска „Шпигел“, повикувајќи се на неименуван извор. Британските медиуми најавуваат дека најголем дел од тенковите ќе бидат испорачани следната година, додека неколку ќе пристигнат во Украина во текот на летото. Германија веќе донесе одлука да испорача во Украина 14 тенкови „Леопард 2“ од своите воени резерви, а одлуката беше донесена по неколкумесечниот меѓународен притисок.

Шпигел: Шолц даде зелено светло за испорака на тенкови „Леопард“ во Украина

Ивона Петрова — Tue, 24 Jan 2023 20:29:07 +0000

Германскиот канцелар Олаф Шолц одлучи да испрати тенкови Леопард 2 во Украина и да им дозволи на другите земји како Полска да го сторат истото, објави вечерва магазинот Шпигел. Претходно денеска, Полска официјално побара одобрение од Берлин за извоз на тенковите, а германската Влада најави дека ќе одговори на ова прашање што е можно поскоро. Според весникот, одлуката се однесува на најмалку една батерија тенкови „Леопард 2 А6“. Другите сојузнички земји, како што се скандинавските, изразиле намера, заедно со Германија, да испорачаат своите „леопарди“ на Киев, пишува „Шпигел“. Шолц досега инсистираше на тоа Германија да не дејствува одвоено од нејзините сојузници во НАТО во испраќањето нови категории тешко вооружување, поради загриженоста дека таквите потези може да предизвикаат ескалација со Москва. Германските официјални лица секогаш јасно кажуваа во приватни разговори дека ќе испратат или ќе дозволат други да испратат „Леопарди“ во Украина само доколку САД го испратат својот главен борбен тенк „М1 Абрамс“. Весникот „Вол Стрит Џурнал“ денеска објави дека САД би можеле нивните тенкови „М1 Абрамс“ да ги испратат во Украина како дел од поширок меѓународен пакет што ќе ги вклучува и германските „Леопарди“.

Моравјецки: Полска ќе поднесе барање за одобрение за испорака на тенкови Леопард во Украина

Тале Кристо — Mon, 23 Jan 2023 11:09:17 +0000

Полска ќе поднесе барање за дозвола од германската влада за испорака на борбени тенкови „Леопард“ од германско производство на Украина, најави премиерот Матеуш Моравјецки. „Ќе побараме такво одобрение, но ова е секундарно прашање“, рече Моравјецки во Познан, западна Полска. Дури и ако Полска на крајот не добие одобрение од Берлин, рече тој, тие сакаа да дејствуваат во рамките на мала коалиција. „Ако Германците не се во оваа коалиција, ние сепак ќе ги преместиме нашите тенкови во Украина заедно со другите“, додаде Моравјецки.

Леопард напаѓал луѓе: Вознемирувачка снимка се појави на Твитер

Ристе Здравков — Tue, 27 Dec 2022 12:34:40 +0000

Во нападот на леопард во индиската сојузна држава Асам денес се повредени 13 луѓе, вклучувајќи три шумари, пренесува Хиндустан тајмс. Според зборовите на очевидци, инцидентот се случил околу Институтот за истражување врнежи во шума, а леопардот излегол од шума која се наоѓа во склоп со овој институт и напаѓал минувачи. -Во овој напад се повредени 13 луѓе, ваквото однесување на леопардот е невообичаено бидејќи не напаѓа луѓе, изјавија од полицијата. Повредените се префрлени во болница, а од таму соопштуваат дека пациентите се стабилни.

#WATCH | Assam: 13 persons including three forest staff were injured after being attacked by a leopard in Jorhat. All injured persons were immediately admitted to a local hospital. All the injured persons are out of danger: Mohan Lal Meena, SP, Jorhat (26.12) pic.twitter.com/TQ92Z248NR
— ANI (@ANI) December 27, 2022

ХОРОР: Го грабнал бебето кое спиело со родителите и го растргнал до смрт

Ивана Ефремовски — Wed, 05 Jun 2019 12:19:17 +0000

Леопард влегол во куќа на западот на Индија, од креветот извлекол деветмесечно бебе, а потоа го растргнал и убил, јавува „Дејли меил“. Животното го извлекло деветмесечното машко бебе додека спиело со своите родители, кои во утринските часови забележале дека им го нема детето. Организирале потрага, која го пронашла телото на малечкиот Сварај неколку километри од својата куќа во селото Гадбори. Ова не е изолиран случај леопард ненадејно да напаѓа жители на Индија. Само оваа година се регистрирани повеќе случаи. Неодамна леопард нападна и уби мајка и дете додека спиеле пред својата куќа, пред тоа леопард влегол во село и во тесните селски улички нападнал и повредил петмина селани, а леопард растргна бебе и минатата година.

Овој “ѕвер“ се нема појавено повеќе од 100 години: Погледнете го мистичниот леопард во уникатен момент (ФОТО+ВИДЕО)

Ивана Ефремовски — Wed, 13 Feb 2019 11:28:16 +0000

Мистичното суштество со својата камера го овековечил британскиот фотограф Вил Бурард Лукас во дивините на Кенија. Црниот леопард е млад мажјак, а патувал со поголеми леопарди со боја карактеристична за тој вид. Инаку, црната боја на крзното на овој леопард е резултат на меланизам, процес спротивен на албинизам и својствен е по темната пигментација. Ова е прв пат еден црн леопард да биде фотографиран во Африка во последните 100 години. Фотографот рекол дека конечно го остварил својот сон од детството - да го фотографира ова ретко суштество. Црните леопарди се нешто помали од оние со нормална боја, а црната боја на крзното се наследува. Под одредени агли, може да се видат шарите карактеристични за леопардите. Црниот леопард во природата може да се најде на просторите на југозападна Кина, Мјанмар, Непал, јужна Индија, Јава и јужниот дел на Малајскиот полуостров. Исто така се присутни во Африка, јужно од Етиопија.