Лепа Брена – Kurir.mk

СИНОТ НА БРЕНА СЕ „НАБИЛДА“ И СЕГА Е ВИСТИНСКИ ЅВЕР – пејачката некогаш ронела солзи поради неговите 163 килограми, а денес изгледа непрепознатливо (ФОТО)

Дарко Андоновски — Fri, 03 Nov 2023 09:06:14 +0000

Синот на пејачката Лепа Брена со години се бореше со вишокот на килограмите, додека пред неколку години со помош на здравата исхрана не се реши да го смени животот од корен. Тој успеал да ослабе дури 40 килограми, а доказ дека напорно тренира и вежба се фотографиите кои редовно ги споделува од теретана. Овој пат тој се насочува на нешто сосема друго, а не на ослабување. „Растеме полека“, напиша тој на најновата фотографија алудирајќи на мускулите кои ги „билда“ во теретана. Сепак иако ослабел толку многу, Виктор не планира да престане да вежба и во теретана оди неколку пати во неделата, пренесуваат српските медиуми. За потсетување, Виктор во 2020 година во еден момент имал дури 163 килограми, а пејачката се грижела за неговото здравје особено да не добие некоја болест од нездравиот начин на живот. -Боба и јас од секогаш сме подготвувале вечера уште кога децата беа мали и затоа Виктор дојде до бројка од 163 килограми. Многу патев поради тоа, ми беше толку многу тешко што плачев постојано, призна пејачката во една прилика.

ЛЕПА БРЕНА ОСЛАБЕЛА 17 КИЛОГРАМИ И ВЕЌЕ НЕ ЈА ВИКАЛЕ ТРАФОСТАНИЦА – пејачката ова мени од 5 дена го применува со години наназад (ФОТО)

Дарко Андоновски — Fri, 27 Oct 2023 20:40:48 +0000

Помина долго време откако пејачката Лепа Брена се бореше со вишокот килограми. Но, сè уште се зборува за тоа, бидејќи многумина ги интересира како успеала да ја дотера линијата до совршенство. Брена за шест месеци ослабела 17 килограми. Таа е позната по своите витки и долги нозе, а откри како успеала да се ослободи од вишокот. Рекла дека навистина било невозможно да се држи до диета шест месеци, но на крајот успеала. Тоа што ја натерало да почна да слабее е коментарот на келнер на почетокот на кариерата, кој и рекол: „Мислев дека ќе дојде пејачка, кога дојде трафостаницата!“.

View this post on Instagram

A post shared by Lepa Brena (@lepabrenaa)

Ваквиот коментар ја повредило пејачката, но и ја мотивирало да се промени. Бидејќи брзо сфатила дека нешто се случува со нејзиното тело, решила да го доведе во совршена состојба. „Наутро обично јадев едно или две јајца. Се погрижив да се органски јајца , не се варат до бесвест, за да не добиете ниту еден витамин од целата приказна. Секогаш имало месо, кое било на скара или варено. За вечера било парче риба или месо, со салата – раскажала таа за исхраната, додека се знае дека од почетокот на кариерата до денес не се вратила на поранешната линија од која не била задоволна. Пејачката смета дека умереноста е клучот за добра линија и здравје. Еве како изгледа нејзиниот план за исхрана: Ден 1 Појадок: Мусли од овесна каша, бадеми и свежо овошје Ручек: Риба на скара и зеленчук на пареа. Вечера: пијалок, супа или голема чинија со младо сирење. Ден 2 Појадок: Салата и 2 варени јајца. За салата ви требаат: 1 шолја зелка, ½ шолја моркови, ½ шолја цвекло, 1 лажица масло. Подготовка на салатата: откако ќе ги префрлите состојките, прелијте ги со масло. Ручек: чинија со зеленчук, 200 гр риба на скара, салата од свеж зеленчук, по желба. Вечера: Салата. Потребни ви се: 1 морков, 1 краставица, 1 шолја црвена зелка, ½ праз, 1 чаша зелена салата, рукола, бебешки спанаќ, 1,5 лажица масло, ½ лажица сок од лимон, 150 гр пилешко на скара/лименка туна, и чаша јогурт. Подготовка: Откако ќе ги исечете состојките до саканата дебелина, изблендирајте ги и уживајте во здрава ужина. Ден 3 Појадок: Омлет со брокула и сирење. Ручек: чинија со зеленчук, 150 гр стек на скара, салата од свеж зеленчук. Вечера: Медитеранска салата од туна. Потребни ви се: ¼ зелена салата, 100 гр домати, ¼ црвен кромид, ½ краставица, ½ зелена пиперка, 20 гр фета сирење, 20 гр маслинки, ½ лажица оригано, ½ конзерва туна во маслиново масло, 15 ml оцет/сок од лимон, ½ лажица масло, 200 мл јогурт.

View this post on Instagram

A post shared by Lepa Brena (@lepabrenaa)

Подготовка: Измешајте туна, зелена салата, домат, црвен кромид, краставица и бибер. Додадете сирење и маслинки и јогурт. Дополнително измешајте, ставете сирење, маслинки и прелијте со оцет или сок од лимон. Ден 4 Појадок: Омлет и салата. Ручек: чинија со манџа, 200 гр бело месо на скара, салата од свеж зеленчук. Вечера: Цезар салата. Ден 5 Појадок: Мафини со пиперки, печурки и јајца. Ручек: чинија со зеленчук, 200 гр риба на скара, салата од свеж зеленчук. Вечера: Сезонска витаминска салата со коцки месо.

View this post on Instagram

A post shared by Lepa Brena (@lepabrenaa)

И таа е позната пејачка: Синот на Лепа Брена има нова девојка – поради ОВА таа е уникатна (ФОТО)

Ивана Ефремовски — Fri, 27 Oct 2023 09:03:04 +0000

Виктор Живојиновиќ, помладиот син на Лепа Брена, не сака да се истакнува во медиумите, но неговиот љубовен живот постојано е во очите на јавноста. Имено, пред извесно време Виктор ја прекина долгогодишната врска, а сега веќе подолго време ужива со атрактивната колешка на мајка си и поранешна ѕвезда на Гранд. Станува збор за убавата и згодна пејачка Лена Чолак, препознатлива по својата необична фризура. Таа е уникатна по тоа што со години има две бои за коса и неодамна реши да ја смени. -Виктор и Лена се познаваат подолго време, бидејќи била ангажирана да пее на приватните прослави на семејството Живојиновиќ. Дури и тогаш му го привлекла погледот на Виктор, но меѓу нив никогаш ништо не се случило. На Виктор му се допаѓа колку е амбициозна и спонтана Лена, особено е задоволен што таа не ја гради својата кариера на скандали. Не се надеваше дека таа ќе се појави на настанот на кој се наоѓаа, па кога го виде тоа беше многу среќен, изјавил изворот за „Стар“ пред подолго време. Сега, според пишувањата на српските медиуми, работите се промениле, па Виктор и Лена се заедно. Инаку, Лена привлекува големо внимание со своите слики на Инстаграм, а поради нејзината убавина и добро тело ретко кој останува рамнодушен.

View this post on Instagram

A post shared by 𝑳𝑬𝑵𝑨 𝑪𝑶𝑳𝑨𝑲 ®️🎤🎸 (@lenacolak)

ЛЕПА БРЕНА ДВЕ ГОДИНИ ЖИВЕЕЛА ВО СКОПЈЕ – во оваа елитна населба се преселила откако сопругот Боба отворил нов бизнис во Македонија, еве за што се работи (ВИДЕО)

Дарко Андоновски — Thu, 19 Oct 2023 08:59:36 +0000

Емотивно и отворено како никогаш досега, Лепа Брена во ексклузивната исповест говори за животот во Југославија, бизнисот со Боба во Скопје, надминувањето на животните премежја низ кои поминувала со својата фамилија како и за актуелните проекти како брендот „Lady B“ и „Lepa Brena Project“, преставата која ја врати регионалната публика на театарската сцена. Таа во дел од интервјуто вели како во 1996-та година се преселила во Македонија каде нејзиниот сопруг Боба отворил генерално застапништво за Мерцедес кој се викал „Стар Македонија“. -Ние живеевме на Водно, некои две години поминав во Македонија, Скопје и просто прифаќате некои животни околности, вели Брена. Во интервјуто Брена се присети и на нејзината кукла - барбика која ја поврза со актуелниот истоимен филм „Barbie“ кој го освојува светот. Откри како таа се сеќава на барбиката Лепа Брена по која своевремено лудуваа сите млади девојки.

СТЈУАРДЕСА БЕЗ ВЛАКНА НА ЈАЗИКОТ ОТКРИ ШТО ПРАВАТ ВО АВИОН: Еден пејач си го земал кусурот од 2 евра, една пејачка барала да не седи во средниот ред, а Цеца е посебна!

Дарко Андоновски — Wed, 11 Oct 2023 17:09:16 +0000

Познато е дека познатите личности доста време поминуваат патувајќи во авион, како би стигнале на некои настап или одмор. Многу од нив не кријат дека се плашат од летање, па и дури дека пијат по некоја чашка алкохол како би го пребродиле тој страв. Српските медиуми поразговарале со анонимна стјуардеса која открила детали кои за некого се шокантни, но за некого сосема нормални. Таа работи на сите летови од Белград кон Европа, а тоа се најчесто земјите како Германија, Шведска, Франција, Кипар... -Многу познати личности ме изненадиле, а некои за кого сум имала убаво мислење ме разочарале, а додека за некои додека сум имала одредени предрасуди се природни и опуштени, за разлика од она што се прикажуваат во јавноста, вели таа. Таа раскажува дека водителката Сања Маринковиќ направила цела драма бидејќи не сакала да ја качи торбата во пределот за багаж објаснувајќи и дека тоа е само процедура при полетувањето. -Уште еден кој ме разочара со однесувањето е Аца Лукас, иако му пруживме ВИП третман и со сите членови на бендот го сместивме во првите редови, тој не покажа ниту малку благодарност. Прво го удри, а не го затвори делот за оставање багаж над главата каде што седеше, за време на летот плати храна и пијалак за целиот бенд, но не беше толку љубезен кон посадата, а воедно си го зеде и кусурот од две евра, вели таа. Од друга страна додава оние што пријатно изненадиле биле Јелена Карлеуша, Цеца Ражнатовиќ, Џани и Лепа Брена. -Карлеуша го нема оној агресивен став како во медиумите, најнормално седела со своите танчари, се распрашуваше околу парфемите, дури и купи еден од 20 евра, а го испочитува и секој кој сакаше да се фотографира со неа. Од тогаш го променив мислењето за неа. Цеца беше со сестрата Лидија на Кипар, двете беа фини кон нас, а Лепа Брена е скроз природна, се гледа дека славата ниту малку не ја променила, вели таа. Додава дека Дара Бубамара секогаш лета тип-топ средена и скоцкана и дека не и е проблем да седи на средното седиште помеѓу двајца други патници. Сепак оној кој барал да биде преместен од таквото седиште бил пејачот Џани, завршува таа.

ЗЕМА ВРТОГЛАВА СУМА НА ПАРИ ЗА ДА ПЕЕ НА ГЕЈ СВАДБА – Лепа Брена им пееше на уво додека се бакнуваа и прегрнуваа, двајцата се познати! (ФОТО)

Дарко Андоновски — Mon, 09 Oct 2023 13:06:59 +0000

Лепа Брена пеела на геј свадба во Палма де Мајорка, која младенците ги чинела дури 50.000 евра. Пејачката дошла на забавата на покана на белграѓанец, кој со години гради кариера во светската модна индустрија, а со партнерот е во врска 10 години. Како што дознава српски „Курир“, за овој ангажман добила 30.000 евра, но младенците потрошиле уште 20.000. Штотуку венчаниот пар и обезбедил кралски третман – на аеродромот „Никола Тесла“ во Сурчин, од каде што полетала, ја чекал приватен авион, а на островот била шест дена, во луксузен хотел каде ноќевање надвор од сезона чини 500 евра. Младенците не штеделе пари, бидејќи стилистот од Србија е жесток обожавател на пејачката уште од детството. Според извор запознаен со деталите од оваа свадба, тој сакал Брена да пее на неговата свадба и сега му се остварило. За веселбата на парот се уште се зборува, а атмосферата да биде комплетна придонела и Лепа Брена.

ОБЈАВЕНА СНИМКА ОД ЛЕПА БРЕНА ВО ГАРДЕРОБАТА: Сите гледаа што држи пејачката во раката, ваков порок не очекуваа од неа (ВИДЕО)

Дарко Андоновски — Tue, 03 Oct 2023 14:33:31 +0000

Регионалната ѕвезда Лепа Брена беше гостинка на вториот концерт на својата снаа, младата и успешна пејачка Александра Пријовиќ. Моментот кога тие две ја изведуваа нумерата „Пожели среќу другима“ расплакаа многумна во публиката, но и тие две, па баш токму тој момент се смета за најемотивен на трите концерти. Лепа Брена за овој момент се подготвувала долго, а сега исплива снимка на која може да видиме како пејачката се подготвува за својот настап. Додека фризерот и ја средува косата, Брена смирено седела облечена во костим, со цигара во рака. Ова е редок момент да ја видиме српската ѕвезда со овој „додаток“ во рацете, па многумина се прашуваат дали тоа е еден од нејзините пороци. Погледнете:

@dimitrijevokicHer Majesty Lepa Brena 👑 ♬ Jugoslovenka - Lepa Brena

ДВЕТЕ ПЛАЧЕА НА СЦЕНАТА, А ЌЕ ПЛАЧЕТЕ И ВИЕ ПО ОВА ВИДЕО: Еве што и порача Лепа Брена на снаата Александра Пријовиќ по заедничкиот настап пред 20.000 луѓе

Дарко Андоновски — Sat, 30 Sep 2023 17:35:56 +0000

Пејачката Александра Пријовиќ вчера го одржа својот втор концерт во „Белградската Арена“, а вечерва и последниот трет пред публика од 20 илјади луѓе. По вчерашниот концерт таа сподели видео на Инстаграм на кое напиша дека оваа ноќ не може да се опише со зборови. На вториот концерт во арената се појави Лепа Брена како нејзин гостин, а видеото и настапот немаше да стане вирален доколку двете не плачеа на сцената.

View this post on Instagram

A post shared by Telegraf.rs (@telegraf.rs)

По ова се огласи и Лепа Брена која на снаата и порача дека ја сака. Сепак, на сите многу им падна во очи што таа ја персира свекрвата.

ОВА видео на Лепа Брена било забрането од Армијата на Југославија: После многу години откриена е вистинската причина

Ивана Ефремовски — Tue, 19 Sep 2023 07:15:09 +0000

Лепа Брена, една од најголемите ѕвезди на поранешна Југославија, своевремено сними спот кој беше забранет од Армијата, а за кој неодамна повторно беше објавено во тамошните медиуми. Во екот на нејзината популарност во 90-тите, пејачката сними голем број атрактивни музички спотови кои ја воодушевија публиката на овие простори. Меѓутоа, едно видео снимено од Брена изгледало контроверзно и тоа не и се допаднало на тогашната југословенска армија. Од тие причини, Генералштабот го забрани емитувањето и екранизацијата на песната „Љубав је“ од 1996 година, во режија на Дејан Миличевиќ. Модниот фотограф и режисер ги коментираше настаните поврзани со контроверзното видео. -Никогаш нема да ми биде јасно зошто Југословенската армија се посрамоти од видеото со Лепа Брена. Веднаш штом два дена се емитуваше на Пинк, пристигна писмо од Генералштабот во кое строго се забранува понатамошно прикажување. Штета.... Можеше да биде видео за сите времиња. Во него Брена маршира со специјална единица, пее во касарната, околу неа вежбаат војници. Дури ни јас го немам тоа видео во архива - рече еднаш Миличевиќ, а сега повторно го коментираше целиот настан и ја откри главната причина зошто Армијата ја цензурирала Брена пред 27 години. -Новинарите не ја пренесоа мојата изјава во целост, туку ја искористија сензационално и користеа неточни информации. Спотот беше забранет по три дена бидејќи во него учествуваа само „црвените беретки“, а не сите армиски гранки. Поради моралот на војниците и изборот на само еден род, емитувањето беше прекинато и точка, истакна Дејан Миличевиќ за „Хелоу“.

Имаше најубави нозе на сцена во Југославија, а еве колку навистина е висока Лепа Брена

Ивана Ефремовски — Mon, 07 Aug 2023 07:17:13 +0000

Лепа Брена е една од најголемите музички ѕвезди на нашите простори, а кариерата ја започна во раните осумдесетти на 20 век. За кратко време привлече големо внимание и стекна слава низ државите од поранешна Југославија заедно со групата „Слатки Грех“. Во својата кариера снимила многу песни, а повеќето станале хитови кои ги пеат сите генерации. Играла во неколку филмови: „Тесна кожа“, „Без проблем“, „Камионџии возат повторно“, „Ајде да се сакаме“... Во 1991 година се омажила за познатиот тенисер Слободан Боба Живојиновиќ, а нивната венчавка била важен медиумски настан. Брена отсекогаш била позната по тоа што ги носи светските трендови на нашите простори, а и денес се паметат нејзините стајлинзи, кореографии и видеа кои ги снима низ целиот свет. Важеше за една од најубавите пејачки на нашите простори, а според податоците Брена е висока 178 сантиметри.