лепенец – Kurir.mk

Притвор за скопјанецот кој ја претекнувал колоната, обдукција на загинатите во Лепенец

Ивана Ефремовски — Mon, 19 Jun 2023 05:52:16 +0000

Јавен обвинител од Основното јавно обвинителство Скопје прибира докази за тешката сообраќајна несреќа која се случи завчера на патот Скопје - Блаце, а во која загинаа три лица чии тела вчера попладне беа извадени од реката Лепенец. -По извлекувањето на автомобилот „БМВ“ со косовски регистарски ознаки и трите тела на починатите патници од водите на реката Лепенец ќе биде издадена наредба за обдукција, а јавниот обвинител ги координира сите дејствија со цел обезбедување докази за расчистување на настанот, информираат од Јавното обвинителство. Додека во целост не бидат испитани сите околности и не биде утврдена причината за сообраќајната несреќа, јавниот обвинител до Основниот кривичен суд Скопје вчера достави предлог за определување краткотраен притвор во траење од 48 часа за лицето кое беше задржано по несреќата. -Станува збор за 64-годишен жител на Скопје кој управувал со автомобил „Фолксваген туран“ со скопски регистарски ознаки и кој во критичниот момент ја престигнувал колоната возила во која бил и косовскиот автомобил. Предлогот за определување краткотраен притвор е поднесен бидејќи постојат околности кои укажуваат на опасност од бегство, се наведува во соопштението од Јавното обвинителство. На патот Скопје - Блаце завчера во автомобилот „БМВ“ со косовски таблици удрил „Фолксваген туран“ со скопски таблички, по што возилото паднало во реката Лепенец. Во него се возеле четири патници, членови на едно семејство, од кои 21-годишно момче е спасено и однесено во болницата „8 Септември“ во Скопје. (МИА)

Се огласија од обвинителството: Телата на тројцата починати на обдукција, возачот во краткотраен притвор

Ивана Ефремовски — Sun, 18 Jun 2023 20:00:14 +0000

Јавен обвинител од Основното јавно обвинителство Скопје денеска го продолжи увидот на местото на тешката сообраќајна несреќа која се случи вчера на патот Скопје-Блаце. По извлекувањето на автомобилот „БМВ“ со косовски регистарски ознаки и трите тела на починатите патници од водите на реката Лепенец ќе биде издадена наредба за обдукција, а јавниот обвинител ги координира сите дејствија со цел обезбедување докази за расчистување на настанот. Додека во целост не бидат испитани сите околности и не биде утврдена причината за сообраќајната несреќа, јавниот обвинител до Основниот кривичен суд Скопје вечерва достави предлог за определување краткотраен притвор во траење од 48 часа за лицето кое беше задржано по синоќешната несреќа. Станува збор за 64-годишен жител на Скопје кој управувал со автомобил „Фолксваген туран“ со скопски регистарски ознаки и кој во критичниот момент ја престигнувал колоната возила во која бил и косовскиот автомобил. Предлогот за определување краткотраен притвор е поднесен бидејќи постојат околности кои укажуваат на опасност од бегство.

Детали за трагедијата: Малолетник и неговите родители од Косово пронајдени починати во Македонија

Ивана Ефремовски — Sun, 18 Jun 2023 18:04:31 +0000

Пронајден е автомобилот „бмв“ со косовски таблици и безживотните тела на тројцата патници во реката Лепенец во близина на местото каде вчера попладне падна по сообраќајна несреќа, потврдуваат од Министерството за внатрешни работи за МИА. - Од страна на полициски службеници од Специјалната антитерористичка единица Тигар, денеска во реката Лепенец се пронајдени починати трите лица по кои се трагаше по вчерашната сообраќајна несреќа на патот Скопје –ГП Блаце, информираат од МВР. Оттаму велат дека е пронајдено и возилото „бмв“ во кое тие се превезувале, а се потврдуваат и претходните информации дека по наредба на јавен обвинител, возачот на возилото „фолксваген туран“ Б.Б. е лишен од слобода и задржан за понатамошно постапување. Вчера попладне во возилото „бмв“ со косовски таблици удрил „фолксваген туран“ со скопски таблички по што возилото паднало во реката Лепенец. Во него се возеле четири патници, членови на едно семејство, од кои 21-годишно момче е спасено и однесено во болницата „8 Септември“ во Скопје. Во возилото биле и неговата мајката, таткото и 16-годишниот брат. (МИА)

Трагедија: Тројцата патници пронајдени починати во возилото во Лепенец

Ивана Ефремовски — Sun, 18 Jun 2023 17:46:25 +0000

Пронајден е автомобилот БМВ со косовски таблици и телата на тројцата патници во реката Лепенец во близина на местото каде вчера попладне падна по сообраќајна несреќа, потврдуваат извори од истрагата за МИА. Возилото го пронашле нуркачите од полициската специјална единица Тигри и во моментов се извлекува. Вчера попладне во возилото БМВ со косовски таблици удрил Фолксваген туран со скопски таблички по што возилото паднало во реката Лепенец. Во него се возеле четири патници, членови на едно семејство, од кои 21-годишно момче е спасено и однесено во болницата „8 Септември“ во Скопје. Во возилото биле и неговата мајката, таткото и 16-годишниот брат. (МИА)

Пронајден автомобилот кој падна во Лепенец, уште се трага по патниците

Ивана Ефремовски — Sun, 18 Jun 2023 16:20:27 +0000

Специјалната единица Тигри го пронајде автомобилот марка БМВ, којшто вчера попладне по сообраќајна несреќа, падна во реката Лепенец, потврдуваат за ТВ 24 од МВР. Засега нема информации што е со трите лица од семејството кои останаа заглавени во автомобилот. Од вчера е спасен само 21 годишник, кој успеал сам да излезе од возилото и веднаш бил префрлен во Градската општа болница. Според информациите, станува збор за семејство од Косово, односно татко, мајка и два сина. Помладиот син е на возраст од 16 години. Надлежните велат дека изчезнатите лица се бараат на неколку локации, се користат чамци и се бараат со дронови. Во акцијата учествуваат и полицајци и војници од Македонија и Косово.

СПАСЕНОТО МОМЧЕ ОД ЛЕПЕНЕЦ ЌЕ ОСТАНЕ ВО ГОБ „8 СЕПТЕМВРИ“: „Не е во животозагрозувачка состојба, но е во шок по трагедијата“

Ристе Здравков — Sun, 18 Jun 2023 12:50:56 +0000

На одделението за Трауматологија во ГОБ „8 Септември“ е задржан на лекување 21-годишниот Ш.П, државјанин на Косово, единствениот досега кој успејаа да го извлечат од водите на Реката Лепенец, по вчерашната сообраќајна несреќа на Блаце. Директорот на градската болница, д-р Христијан Костов за Фактор изјави дека момчето веќе требало да биде отпуштено, но сепак заради понатамошна опсервација е задржано на одделението за Трауматологија. -Веднаш откако е примен, врз 21-годишниот пациент. Ш. П. од соседно Косово, направени се детални иследувања. Нема скршеници, но има огреботини по кожата и набиеници по телото. Требаше да биде отпуштен уште утринава и да го земат блиски роднини од Косово, но тој сепак денеска ќе биде задржан на овој оддел. Неговата состојба воопшто не е животозагрозувачка, но е во шок по трагедијата. Инаку, претходно како што објави Фактор од свои извори, реката Лепенец уште се препарува, односно се трага по уште тројцата патници кои беа во возилото БМВ кое падна во реката. Извори на Фактор брифираат дека станува збор за цело семејство од Косово, мајка, татко, и 16 годишен син. Според ЦУК водите на Лепенец се препаруваат детално, а во потрагата е вклучен и дрон. Регионалниот Центар за управување со кризи на Велес, пак, извести дека е забележено безживотно човечко тело во реката Вардар, кај с. Уланци, Општина Градско, од стрна на СВР Велес. -Полицијата се обидела да го лоцира на неколку пунктови но безуспешно, па поради големиот водостој безживотно тело се движи кон Општина Неготино. За оваа е известена ДЗС и Локалната самоуправа, велат од ЦУК. Не соопштија други детали, дали станува збор за еден од патниците во возилото БМВ кое по сообраќајќата на Блаце падна во Реката Лепенец. Повеќе информации ќе има во текот на денот. извор: faktor.mk

Помеѓу лицата кои паднаа во реката Лепенец има еден малолетник

Ристе Здравков — Sun, 18 Jun 2023 10:40:01 +0000

Помеѓу лицата кои со возило со косовски регистарски таблички при вчерашната сообраќајна несреќа паднаа во реката Лепенец на патот Скопје – ГП Блаце има еден малолетник, информираат денеска од Министерството за внатрешни работи – Според пријавеното, покрај возачот имало и тројца сопатници М.П.(48), Ш.П.(21) и 16-годишен малолетник. По несреќата сопатникот Ш.П. е изваден од реката и пренесен во ГОБ „8 Септември“ каде од лекар му биле констатирани телесни повреди, а по останатите три лица се трага од страна на екипи од Одделот за специјални полициски операции, стои во соопштението од МВР. Станува збор за лицата кои исчезнаа при вчерашната сообраќајна несреќа, кога возило со косовски регистарски таблички падна во реката Лепенец на патот Скопје – ГП Блаце. По наредба на јавен обвинител возачот на другото возило е лишен од слобода и задржан за понатамошно постапување. фото: tv 21

Уапсен скопјанец за несреќата со возилото што падна во Лепенец

Ристе Здравков — Sun, 18 Jun 2023 10:11:31 +0000

Се уште не се најдени возачот и двајцата сопатници од возилото „БМВ“ со косовски регистрации. Полицијата со повеќе екипи трага по нив, а откако автомобилот удрил во друго возило и паднал во водите на Лепенец. Од МВР излегоа со детали, го нашле и возачот на вториот автомобил кој според првичните информации учествувал во претекнувањето на патот Скопје-Блаце. „Вчера околу 15.20 часот е пријавено дека на патот Скопје- ГП Блаце се случила сообраќајна несреќа во која учествувале патничко возило „фолксваген туран“ со скопски регистарски таблички, управувано од Б.Б.(64) од Скопје и патничко возило „бмв“ со косовски регистерски таблички, управувано од Н.П.(60) од Косово, кое по несреќата паднало во реката Лепенец. Во возилото „бмв“, според пријавеното, покрај возачот имало и тројца сопатници М.П.(48), Ш.П.(21) и 16 годишен малолетник“, велат од МВР. По несреќата сопатникот Ш.П. е изваден од реката и пренесен во ГОБ „8 Септември“ каде од лекар му биле констатирани телесни повреди, а по останатите три лица се трага од страна на екипи од Одделот за специјални полициски операции. „Увид на местото на настанот извршиле Јавен обвинител и екипа од СВР Скопје, а по наредба на јавен обвинител возачот на возилото „фолксваген туран“ Б.Б. е лишен од слобода и задржан за понатамошно постапување“, додаваат од МВР.

Сѐ уште се трага по исчезнатите лица во реката Лепенец

Ристе Здравков — Sun, 18 Jun 2023 09:10:44 +0000

Сѐ уште се трага по исчезнатите лица во реката Лепенец, информираше за МИА, директорот на Центарот за управување со кризи, Стојанче Ангелов. Ангелов рече дека се трага во исклучително тешки услови. – Реката е длабока и многу брза и носи предмети со неа кои претставуваат опасност на нуркачите, рече тој. Станува збор за лицата кои со возило со косовски регистарски таблички при вчерашната сообраќајна несреќа паднаа во реката Лепенец на патот Скопје – ГП Блаце. Во возилото, покрај возачот, имало и тројца сопатници. Едно лице е извадено од реката и пренесено во ГОБ „8 Септември“, а по останатите три лица се трага. Според првичните информации од Основно Јавно обвинителство, до несреќата дошло кога автомобил „Фолксваген туран“ со македонски регистарски ознаки претекнувал колона автомобили. – Во моментот кога стигнал паралелно до автомобил со „БМВ“ косовски регистарски таблички кој се движел во истата колона, двете возила се доближиле и странично се удриле, по што косовскиот автомобил со четворица патници излетал од патот и се превртел во реката Лепенец, стои во соопштението од ЈО. Дополнуваат дека причините за сударот сѐ уште се утврдуваат. фото: alsat-m

Возило со косовски таблички паднало во реката Лепенец, се трага по три лица

Ивана Ефремовски — Sat, 17 Jun 2023 18:10:24 +0000

Возило со косовски регистарски таблички паднало во реката Лепенец на патот Скопје – ГП Блаце. Во возилото покрај возачот имало и тројца сопатници. Едно лице е извадено од реката и пренесено во ГОБ „8 Септември“, а по останатите три лица се трага, информираат од Министерството за внатрешни работи. - Денеска (17.06.2023) околу 15 часот е пријавено дека на патот Скопје-ГП Блаце се случила сообраќајна несреќа во која учествувале патничко возило „фолксваген“ со скопски регистарски таблички, управувано од Б.Б. од Скопје и патничко возило „бмв“ со косовски регистерски таблички, управувано од Н.П. од Косово, кое по несреќата паднало во реката Лепенец, стои во соопштението од МВР. Оттаму дополнуваат дека во возилото „бмв“, покрај возачот, имало и тројца сопатници. -Едно лице е извадено од реката и пренесено во ГОБ „8 Септември“, а по останатите три лица се трага, велат од МВР, дополнувајќи дека по лицата трагаат екипи од Одделот за специјални полициски операции. (МИА)