Лери Кинг – Kurir.mk

Почина легендарниот водител Лери Кинг

Тале Кристо — Sat, 23 Jan 2021 14:28:30 +0000

На 87 годишна возраст во болница во Лос Анџелес почина легендарниот и долгогодишен водител на „Си-Ен-Ен“ Лери Кинг. Во 2017 година на Кинг му беше дијагностициран рак на белите дробови, преживеа и неколку срцеви удари и имаше други здравствени проблеми, а на почетокот на месецот беше хоспитализиран поради ковид-19. Легендарниот водител стана славен во 70-те години од минатиот век со неговата емисија на радио „Шоуто на Лери Кинг“. Потоа доби сопствено шоу на „Си-Ен-Ен“ „Лери Кинг во живо“, кое се емитуваше од 1985 до 2010 година. Од 2012 до 2020 година се префли на „Хулу“ и „РТ Америка“ со шоуто „Лери Кинг сега“.

Хоспитализиран Лери Кинг

Ивона Петрова — Sun, 03 Jan 2021 07:43:19 +0000

Познатиот американски телевизиски новинар Лери Кинг е хоспитализиран откако бил тестиран позитивно на Ковид-19, пишува весникот „Дејли мејл“. Како што објави весникот, 87-годишниот Кинг, кој е познат по интервјуата емитувани на Си Ен Ен, е префрлен в болница откако еден од гостите во неговата емисија бил хоспитализиран во Лос Анџелес.

Лери Кинг се разведе од својата седма сопруга која е 26 години помлада од него

Катерина Бојаџиева — Wed, 21 Aug 2019 08:28:09 +0000

Познатиот американски ТВ-водител Лери Кинг се раздели со својата сопруга Шон Саутуик Кинг по речиси 22 години брак. Таа му беше седма сопруга. Кинг (85) вчера ги поднел документите за развод во Врховниот суд на Лос Анџелес. Причината што ја посочил, гласи: „ненадминливи разлики” со својата 26 години помлада сопруга. Ова за многумина е изненадување, оти нивниот брак важеше за еден од најстабилните во светот на славните во САД. Тие имаат и два сина. Лери Кинг се ожени со Шон 1997 година и таа беше негова седма сопруга по Фреда Милер, Анет Каје, Алејн Акинс, Мики Сетфин, Шерон Лепор и Џули Александер.