лерој сане – Kurir.mk

Сане е повреден, ќе го пропушти натпреварот со Јапонија

Ивана Ефремовски — Tue, 22 Nov 2022 09:57:27 +0000

Напаѓачот на германската репрезентација и Баерн Минхен, Лерој Сане ќе го пропушти првиот натпревар на „панцирите“ Светското првенство во 2022 година. Германците ќе играат против Јапонија утре на 23 ноември во Доха. Крилниот напаѓач нема да може да игра поради повреда на коленото. Во средината на октомври, на 26-годишен Германец му била дијагностицирана повреда на тетивата, по која Сане пропушти околу 3 недели. Не е познато колку ќе трае целосното закрепнување од сегашната повреда. (МИА)

Сане: Баерн е еден од фаворитите во Лигата на шампионите

Ивона Петрова — Sun, 26 Dec 2021 15:57:16 +0000

Играчот од средниот ред на Баерн, Лерој Сане го сподели своето мислење за шансите на тимот да го освои германското првенство и Лигата на шампионите во сезоната 2021/2022. – Не сакаме некој да ни се доближи на табелата во Бундеслигата. Сакаме да станеме шампиони. Во Лигата на шампионите, како и обично, малите детали и условите за игра во одреден ден се клучни во ова натпреварување. Сè уште немам освоено трофеј, па затоа сум особено мотивиран. Што се однесува до фаворитите во Лигата на шампионите, во моментов мислам дека сме најсилни во Европа заедно со Манчестер сити, Ливерпул и Челзи. Но, треба да ни биде јасно дека формата на тимовите може брзо да се промени до крајот на сезоната, изјави Сане. На 16 февруари Баерн ќе го одигра првиот натпревар од осминафиналето од Лигата на шампионите против Салцбург. Реваншот ќе се одржи на 8 март.

Трет месец по ред: Сане прогласен за најдобар играч на Баерн

Магдалена Андонова — Wed, 22 Dec 2021 09:45:21 +0000

Крилниот напаѓач на Баерн, Лерој Сане беше прогласен за најдобар играч на клубот во ноември. Дваесет и петгодишниот фудбалер на Баварците доби 44% од гласовите во анкетата на навивачите. Роберт Левандовски го освои второто место (22%), трет е Томас Милер (10%). Сане беше најдобар играч на Баерн и во септември и октомври. На пет натпревари во ноември, Сане постигна два гола и направи две асистенции. (МИА)

Сане: Сакам да го достигнам нивото на кое бев пред повредата

Ивана Ефремовски — Mon, 22 Nov 2021 19:25:06 +0000

Напаѓачот на Баерн, Лерој Сане пред натпреварот од Лигата на шампионите со Динамо Киев проговори за состојбата по повредата. -Се обидувам да ја преточам негативната енергија во позитивна. Сега во однос на физичката подготвеност се чувствувам многу добро, влегов во добар ритам. Сакав да покажам што можам и да се вратам на нивото на кое бев пред повредата. Повторно постигнав добар напредок, изјави Сане за официјалната веб-страница на Баерн. Натпреварот Динамо – Баерн ќе се одигра утревечер со почеток во 18:45 часот. По четири кола во Е-групата во Лигата на шампионите, лидер е Баерн со максимални 12 бода, Барселона е втора со 6, Бенфика има 4, Динамо Киев е последен со 1 бод. (МИА)

Сане може да се пресели во Челзи во текот на зимскиот преоден рок

Ивона Петрова — Tue, 07 Sep 2021 07:03:39 +0000

Крилниот напаѓач на Баерн Минхен, Лерој Сане, може да се врати во Премиер лигата, пренесува „ Talksport“. Според британската спортска радио-станица, 25-годишниот фудбалер има намера да го напушти германскиот клуб во зимскиот преоден рок. Челзи, Арсенал и Тотенхем покажуваат интерес за Германецот. Фаворит за Сане е Челзи кои настапува во Лигата на шампионите. Сане се приклучи на минхенскиот клуб во јули 2020 година. Од 2016 до 2020 година, Германецот играше на англиското првенство за Манчестер сити.

Флик бара Сане да биде повеќе активен

Ивана Ефремовски — Sun, 29 Nov 2020 08:51:01 +0000

Тренерот на Баерн, Ханс Флик проговори за неговите критики кон напаѓачот Лерој Сане. -Лерој е во одлична форма, но, за разлика од другите, тој честопати прави непотребни загуби, згора на тоа, тој не работи многу ефикасно во ситуации еден на еден, го цитира „Goal.com“ Флик. Постојат причини за ова, веќе разговаравме со играчот, тој ќе се обиде да даде повеќе. Сепак, неговиот изглед на теренот секогаш ја зголемува динамиката на движењето на тимот, плус и самиот Сане често постигнуваше гол на последните натпревари, како резервен играч, додаде предводникот на баварскиот тим. Во сезоната 2020/21, Сане учествуваше на девет натпревари на Баерн, постигна пет гола и три асистенции. (МИА)

Сане: Сигурен сум дека имам добри шанси да ја освојам ЛШ со Баерн

Магдалена Андонова — Wed, 22 Jul 2020 12:38:20 +0000

Напаѓачот Лерој Сане зборуваше за неговата преселба од Манчестер сити во Баерн и ги оцени шансите на тимот од Минхен во Лигата на шампионите. – Сакав да сменам нешто во мојата кариера, да пробам нешто ново. Во играта на Баерн, крилните страни се многу важни, тоа ми одговара совршено. За мене е важно. Можев да се преселам тука во 2016 година, но тогаш не ги видов перспективите за себе во клубот. Тогаш беа во одлична форма Арјен Робен и Франк Рибери, а јас сè уште не бев подготвен за ова. Сè уште беше рано да одам во клуб како Баерн. Играчите на Баерн се гладни за големи победи и се фокусирани на таа цел. Клубот има сериозни задачи, сигурен сум дека имам многу реални шанси да ја освојам Лигата на шампионите со овој тим. Баерн може да победи дури и оваа година, тимот се врати многу силен и стабилен по паузата поради пандемијата, изјави Сане. Баварците во реваншот од осминафиналето на Лигата на шампионите против Челзи на 8 август влегуваат со 3:0 оставрени на првиот дуел одигран во Лондон. (МИА)

ФОТО: Сане го облече дресот на Баерн

Ивона Петрова — Fri, 03 Jul 2020 05:24:02 +0000

Лерој Сане е нов играч на Баерн, а тоа е потврдено на социјалните мрежи на клубот. Потсетуваме, Сане веќе се согласи да се пресели во Баерн во летото 2019 година. Како и да е, тој изненадувачки беше вклучен во првиот состав на Сити во дуелот за „Комјунити Шилд“, а во тој меч тешко се повреди. Тој воопшто не играше фудбал цела година, па компензацијата падна под 50 милиони евра. Клучна улога во сè имаше спортскиот директор на Баварците, Хасан Салихамиџиќ, кој преговараше за големиот трансфер за Баерн. Освен нискиот надоместок, Сане нема да има најголема плата во тимот, откако таа, наводно, ќе биде многу помала од 20 милиони евра годишно, како што побара пред неколку месеци, и ќе потпише договор до крајот на сезоната 2024/2025.

✍️ @LeroySane19 to @FCBayern. ? Confirmed. pic.twitter.com/vQM67gy9Uf
— SPORF (@Sporf) July 2, 2020

Баерн со појаснување за информациите за трансферот на Сане

Магдалена Андонова — Wed, 01 Jul 2020 13:33:43 +0000

Спортскиот директор на Баерн (Минхен), Хасан Салихамиџиќ ги негираше информациите на „Билд“ дека е договорен трансферот на Лерој Сане од Манчестер Сити, но призна дека преговорите се во тек. – Имаме плодни разговори со претставниците на Сане и Сити. Но, ние мора да бидеме трпеливи, во моментов нема што друго да кажам, изјави Салихамиџиќ за официјалната веб-страница на Баварците. Се очекува Баерн да плати помеѓу 50 и 60 милиони евра. Минхен е подготвен драстично да ја зголеми платата на крилниот напаѓач. Менаџерот на граѓаните, пеп Гвардиола веќе призна дека Сане одбивал повторно да потпише со „небесносините“. (MИА)

Флик го одобри трансферот на Сане, Баерн е заинтересиран и за Вернер

Дарко Андоновски — Wed, 15 Apr 2020 16:35:07 +0000

Германскиот фудбалски гигант Баерн ги истражува опциите за засилување на составот. Веќе се познати и првите имиња на играчи кои најверојатно ќе се преселат на „Алијанц арена“. Тренерот Ханс-Дитер Флик, одобри да се ангажира крилниот играч на Манчестер сити, Лерој Сане. Германскиот фудбалер останува примарна цел на Баварците под услов цената да му одговара на клубот. Исто така, Баерн го задржува интересот за напаѓачот на Лајпциг, Тимо Вернер, меѓутоа, клубот не е сигурен во потребата од овој трансфер. И покрај фактот дека на Флик му се допаѓа напаѓачот на Ливерпул, тој исто така покажува сериозен интерес и за Вернер.