лешок – Kurir.mk

21 година од убиството на Ѓоко Лазаревски, херојот кој сам го бранеше Лешок

Ивона Петрова — Sat, 23 Jul 2022 15:04:34 +0000

Пред 21 години, тој го бранеше своето село од припадниците на ОНА. Пред 21 години храбро војуваше за слобода на Лешок и зачувување на слободата на Македонија. Пред 21 година, Ѓоко Лазаревски кој беше припадник на МВР, го даде својот живот за селаните, за Лешок, за Македонија. Незаборавен, од оние што знаат дека нема поголема доблест и нема поголема вредност од тоа да се сака ближниот и да се сака татковината повеќе од самиот себе. Токму такво е делото на херојот Ѓоко Лазаревски. Лазаревски е еден од македонските херои на поновата историја кој со својот живот ја покажа лојалноста кон неговата татковина. Како резервист Ѓоко сам се пријавува и оди да се бори за својата татковина. Тој и четворица негови другари неколку дена активно го бранат селото од нападите. Иако добива наредба да го напушти селото, Лазаревски останува на своја одговорност, храбро соочувајќи се со нападите. Успева да ги задржи припадниците на ОНА, за да може селаните да се евакуираат и останува последен. По неколкудневната борба, Лазаревски е свесен дека повеќе неможат да го издржат притисокот и да возвратат на нападите. Тој им јавува на селаните и неговите најблиски да се евакуираат што е можно побрзо. Овој голем човек, останува храбро да се бори до крај. Погоден во главата, Ѓоко ја завршува својата битка за Македонија. По убиството на Ѓоко и освојувањето на Лешок припадниците на ОНА ќе го срушат и Лешочкиот Манастир. Многумина неговото дело го препознаваат во стиховите од поемата „Сердарот”, „Бидете смели, нечесноста не ќе не плаши. Спомнете си кој ви навредувал земја и нека срцата охрабрат Ваши”.

Затворен угостителски објект во Лешок, приведен сопственикот

Тале Кристо — Mon, 08 Mar 2021 10:17:40 +0000

На 07.03.2021 околу 23.00 часот, полициски службеници од СВР Тетово го лишиле од слобода Д.С.(30) од тетовски Лешок затоа што неговиот угостителски објект во Лешок работел по дозволеното време и во него биле послужувани гости. Д.С. бил задржан за расчистување и документирање на случајот, по што ќе биде поднесена пријава по член 206 од Кривичниот законик - „непостапување според здравствените прописи за време на епидемија“. Објектот бил времено затворен од Државниот пазарен инспекторат.

„Војводи Тетово“ го чествуваа споменот за херојот Ѓоко Лазарески

Љупчо Цветаноски — Thu, 23 Jul 2020 10:08:26 +0000

Денеска во село Лешок се одбележаа 19 години од загинувањето на нашиот херој Ѓоко Лазарески кој во 2001-та година заедно со уште тројца негови другари без поддршка на полицијата и војската ги бранеа своите најблиски, своите соселани, Лешок и Лешочкиот манастир, објавија на Фејсбук од навивачката група Војводи Тетово. – На сите нас Ѓоко Лазарески треба да ни биде пример за храброст и како се брани својата фамилија, своето село и својата држава кога е најтешко. Вечна ти слава хероју. Војводи Тетово никогаш нема да те заборават, се наведува во објавата.

Пожар во манастирскиот комплекс во Лешок

Предраг Кукиќ — Sun, 17 Nov 2019 18:52:36 +0000

Ноќеска во 02.50 часот во СВР Тетово било пријавено дека настанал пожар во просторија од Манастирскиот комплекс во с.Лешок, тетовско, при што бил опожарен ситен инвентар. Пожарот е изгаснат од Противпожарната единица од Тетово, а увид е извршен.

Ѓорчев од Лешок: Македонскиот народ е силно поврзан кон своите традиции

Ивана Ефремовски — Tue, 28 Aug 2018 18:13:11 +0000

Денеска го празнуваме големиот Христијански празник, да пренесеме добрина со која сме благословени, да пренесеме мудрост со која сме дарени, да имаме благосостојба и мир во нашите домови, пишува Влатко Ѓорчев од ВМРО-ДПМНЕ, кој за денешниот голем празник беше во Лешок. -Правејќи добри дела, создаваме трајни вредности и секој на тој начин придонесува со свој личен пример за иднината на нашата земја и развој. Лешочкиот манастир е матица во која се собира народот од Полог. Многу луѓе, молитви и празник. За многу години Успение на Пресвета Богородица, порачува Ѓорчев.