летен камп – Kurir.mk

Потпретседателот на ВМРО-ДПМНЕ, Александар Николоски со обраќање на најголемиот политички летен камп во Европа

Магдалена Андонова — Thu, 21 Jul 2022 13:32:58 +0000

На покана на Фондација за малцинства ,,Pro Minoritate" потпретседателот на ВМРО-ДПМНЕ Александар Николоски ќе има свое обраќање на најголемиот летен камп во Европа „Балвањос, универзитетски и студентски камп“ кој се одржува оваа година по 31ви пат традиционално во Трансилванија - Романија по пауза од две години поради корона пандемијата. На овој камп учествуваат голем број видни политичари од целиот свет, сериозни тинк тенк организации, новинари, професори на реномирани меѓународни универзитети и активисти во сите полиња од општеството. На кампот е предвидено Николоски да има свое обраќање на тема „Интеграцијата на Западен Балкан - бесконечен процес? “ каде што покрај Николоски на темата ќе имаат обраќање и Габор Борзели – директор на Фондацијата Роберт Шуман, Ласло Орлос извршниот директор на непрофитната организација „Западен Балкан - Зелен Центар“ и аналитичарот Истван Шакали. На овој настан предвидено е да учествуваат Виктор Орбан премиерот на Унгарија, Барбара Колм од Австрија потпретседател на Националната Банка на Австрија, Џон Фунд новинар од Фокс Њуз од Америка, Диедрик Бумсма писател и советник во Амстердам, професорот од Америка Каплан Џефри, Михали Варга министер за финансии на Унгарија, Јудит Варга министер за правда на Унгарија, Истван Наѓ министерот за земјоделие на Унгарија, како и бројни други влијателни политичари од регионот и светот.

Стефковски испрати 250 ученици на летен камп

Ивона Петрова — Wed, 22 Jun 2022 07:22:17 +0000

Градоначалникот на општина Гази Баба Бобан Стефковски денеска ги испрати учениците од основните училишта од општина Гази Баба на училишен летен камп. Општина Гази Баба оваа година за прв пат го субвенционира организирањето на летниот камп со што општината покрива дел од трошокот за учество на учениците во кампот. -Утрово имав чест да ги испратам и да им посакам среќен пат и убав престој во училишниот летен камп на учениците од основните училишта на територија на општина Гази Баба. За прв пат оваа година, општина Гази Баба ги субвенционира учениците кои преку основните училишта се пријавиле за учесници на летниот камп. На летниот камп ќе учествуваат 250 ученици од 11те основни училишта. Овој проект се реализира во соработка со општинскиот сојуз на училишен спорт на општина Гази Баба. Оваа мерка е уште една во низата нови мерки кои ги реализираме со цел поддршка и мотивирање на најмладите жители на општина Гази Баба, напиша Стефковски. Покрај субвенционирањето на летниот камп, општина Гази Баба оваа година за прв пат додели и еднократна парична помош за сите првоодделенчиња како и награда за учениците на генерација.

Neuron English 2021 летен камп за прв пат во Македонија

Тале Кристо — Wed, 16 Jun 2021 09:58:29 +0000

Брендот Neuron English е добро позната марка во неколку земји низ светот. Во Neuron English се вкрстуваат когнитивните јазични вештини, како и јазикот за да му овозможат на секое дете да научи англиски јазик. Ние користиме игри базирани на невронауката Неурон со помош на часови предводени од стручни професори, обучени за истите. Се работи за еден вид летен камп, поразличен од летните кампови што се одржуваат во нашите земји. Neuron English за прв пат се воведува во Македонија, а истиот ќе се одржи во Скопје, во населбата Аеродром, почнувајќи од 21 јуни до 16 јули. Кампот трае 4 седмици,во кои децата добиваат часови од понеделник до четврток од 9 до 12 часот, а во петок имаат научна екскурзија поврзана со темата. Деца на возраст од 6 до 14 години можат да учествуваат во кампот. Цената е 20 евра неделно, многу пониска во споредба со другите земји, за да може секој да земе учество и да се запознае со тоа што го нуди Neuron English кампотДецата според програмата на Кембриџ ги учат професори кои се стручно обучени за истата, професор Љупка Наскова Љубисављевиќ и професор Теодора Ингилизовска, кои за прв пат го воведуваат Неурон кампот во Македонија, со цел да им помогнат на децата во раната возраст полесно да го научат англискиот јазик. Покрај учењето, децата добиваат дружење, социјализација, едукативни екскурзии, развој на логички и когнитивни вештини преку онлајн платформата за учење. Децата со овој летен камп добиваат сертификати директно од Велика Британија. Neuron English Macedonia | Facebook е страницата на Neuron English во Македонија.

Заврши летниот камп за млади фудбалерки во Дојран

Бошко Тасиќ — Sat, 29 May 2021 08:13:18 +0000

Во периодот од 20 до 27 мај во Нов Дојран се одржа летен камп за млади фудбалерки родени 2007, 2008 и 2009 година. На самиот камп учество земаа околу 40 талентирани девојчиња од цела Македонија кои се активни фубалерки во своите клубови. Целта на овој проект е да се едуцираат и селектираат млади девојки што го сакаат фудбалот. Се одржуваат по два тренинга дневно, а со младите фудбалерки работат лиценцирани тренери и професори по физичко образование: Катерина Милевска, Бојана Танова, Александра Ристовска , Станкица Аранасова, Јовица Блажевски и Росица Коатова. Координатор на овој проект е Добре Димовски, поранешен селектор на женската репрезентација на Македонија.

Одржан традиционалниот летен карате семинар „Валона 2020“

Дарко Андоновски — Sun, 30 Aug 2020 07:47:42 +0000

Во организација на Македоската традиционална карате федерација, од 23-29 август 2020 година во Валона, Албанија беше успешно одржан семинар, куп и полагање за ученички и мајсторски појаси „Валона 2020“. Победници по категории: кати- јуниорки: 1. Антонија Белазелкоска, 2. Јана Милевска и 3. Мила Младеновска. фукуго- јуниорки: 1. Антонија Белазелкоска, 2. Јана Милевска и 3. Мила Младеновска. Деца од 10-13 години: Кати: 1. Матеј Мангаровски, 2. Слободан Костов и 3. Михаела Костова. Деца од 10-13 години. Кихон: 1. Матеј Мангаровски, 2. Слободан Костов и 3. Михаела Костова. Деца 6-8 години кати: 1. Софија Јарчевска, 2. Филип Недев и 3. Камелија Недев. Деца 6-8 години кихон: 1. Камелија Недев, 2. Филип Недев и 3. Софија Јарчевска. За мајсторски појаси положија: Антонија Белазелкоска и Јана Милевска – 3 дан, Петар Костов – 2 дан, Камелија Недев, Матеј Мангаровски и Слободан Костов – 1 дан. За ученички појаси положија: Филип Недев – син 1, Софија Јарчевска – кафеав 2 и Михаела Костова – кафеав 1.

Заврши првата смена од летниот камп по веронаука во Рајчица

Ивона Петрова — Sat, 16 Jun 2018 12:31:53 +0000

Во манастирот „Свети Ѓорги Победоносец“, во селото Рајчица кај Дебар заврши првата од предвидените осум смени од годинашниот летен камп по веронаука. Сестра Ефимија од манастирот во Рајчица изјави дека изминатите денови ги минале во атмосфера на детска радост и љубов со 30-тина девојчиња од Скопје. - Сите тие, освен што присуствуваа на традиционалните часови по веронаука поврзани со христијанската етика и воспитување, имаа можност, преку соодветен приказ за нивната возраст, да ги допрат и осознаат и најосновните историски лекции во врска со Охридската Архиепископија, а потоа низ песна да се запознаат и со убавината на византискиот мелос. Низ креативните работилници тие ни ја покажаа нивната умешност и имагинација во цртањето на мотиви на тема „Охридската Архиепископија“, вели сестра Ефимија во изјава за МИА. Децата го посетиле и селото Гари каде имале можност да го видат храмот посветен на пресвета Богородица, како и познатиот Еленски скок. - Оваа новина во летните кампови по веронаука во нашите манастири да се посетуваат славните мијачки села е исто така важна лекција преку која децата ќе можат одблизу да се запознаат со христијанската историја на овој значаен крај за нашиот народ, истакна сестра Ефимија. Втората смена почнува во понеделник со педесетина деца од Битола и Велес. Летниот камп е во знакот на големиот јубилеј „1000 години Охридска Архиепископија“ МИА