летен одмор – Kurir.mk

Пратениците го продолжија одморот до последната недела од август

Дарко Андоновски — Mon, 21 Aug 2023 10:07:07 +0000

По одржувањето на седницата за утврдување на потребата за носење на уставните измени за што заврши само општата расправа, во Собранието според информациите објавени на собранискиот сајт, не се закажани седници на работните тела или пленарни седници. Денеска се одржаа само две прес-конференции и тоа на пратеничките групи на ВМРО-ДПМНЕ и на СДСМ. Од Кабинетот на претседателот на Собранието Талат Џафери велат дека тој е на работа и дека одржува состаноци и средби во рамки на работниот ангажман. На координацијата што се одржала на 17-ти август било договорено активностите и одржувањето на седниците на комисиите и работните тела да продолжат во последната недела од август. А првата наредна седница, според информациите од Џафери, ќе биде закажана за 5-ти септември. Пратениците се вратија на работа само за седницата закажана за 18-ти август што се однесуваше на уставните измени, а официјално годишниот одмор го започнаа по Илинден.

Вакцинираните на Кипар ќе добијат попуст за летен одмор

Дарко Андоновски — Wed, 14 Jul 2021 12:45:24 +0000

Преку „Планот спонзорирани летни одмори“ надлежното Министерство за туризам на Кипар им нуди попуст за летување на граѓаните, под услов да се вакцинирани, односно да имаат примено барем една доза или да прележале Ковид-19 во последните 180 дена, јави дописничката на МИА од Атина. Согласно програмата, во која учествуваат околу 220 хотели и туристички објекти, лицата кои ги исполнуваат условите можат, во периодот од 15 јули до 31 август 2021 година да добијат 35 отсто попуст, а цените се до 80 евра дневно за двокреветна соба со појадок и неопходно е да останат најмалку три вечери. Надлежното министерство учествува со покривање на 35 отсто од трошоците, а програмата е во рамките на мерките на кипарската Влада соопштени на почетокот на месецов за охрабрување и забрзување на процесот на вакцинација во земјата.

Планирате одмор во Хрватска? Ова се правилата за влез во државата

Дарко Андоновски — Fri, 02 Jul 2021 13:40:22 +0000

Во Хрватска без ограничувања може да влезат сите граѓани на ЕУ кои поседуваат дигитална потврда. Македонските граѓани пак, со оглед дека не се дел од ЕУ, во Хрватска може да влезат со потврда за примена доза против болеста, со потврда, одноно Сертификат за прележана болест или со негативен тест кој не треба да биде постар од 48 часа, доколку станува збор за брз антиген тест или ПЦР тест не постар од 72 часа.

Грција ги отвора границите: Србите ќе може да одат таму на одмор, еве што им е потребно

Ивона Петрова — Mon, 29 Mar 2021 10:29:59 +0000

Оваа година граѓаните на Србија ќе можат да одат на одмор во Грција со потврда дека биле вакцинирани со која било вакцина, со негативен ПЦР тест или брз тест, а грчките граници најверојатно ќе бидат отворени за српските туристи во средината на април, иако сезоната официјално започнува на 14 мај, изјавија денес во Белград министрите за туризам на Србија и Грција, Татјана Матиќ и Харис Теохарис, јави дописникот на МИА од Белград. Грчкиот министер на прес-конференција кажа дека неговата земја ќе ги прифати сите вакцини, вклучувајќи ги кинеските и руските, иако тие се уште не се прифатени на ниво на ЕУ. -Сите вакцини ќе бидат прифатени за влез во Грција и оние кои се имунизирани ќе бидат насочени кон зелената лента на границата, со што би се намалил метежот. Оние што немаат сертификат за вакцинација ќе им треба негативен ПЦР тест или антигенски тест, кажа Теохарис. Кога станува збор за децата, тој објасни дека на децата до 10 години нема да им треба вакцина или ПЦР тест, а на оние постари од 10 години потребен им е негативен тест. Министерите за туризам, Татјана Матиќ и Теохарис, во Белград потпишаа Заедничка изјава за соработка меѓу двете министерства за време и по пандемијата. Според министерката за туризам на Србија, целта е да им се овозможи на граѓаните на Србија да влезат во Грција и меѓусебно да се признаат дигиталните сертификати, и потенцираше дека се надева дека тоа ќе се случи наскоро, односно дека туристите од Србија наскоро ќе можат да влегуваат во Грција.

По сексапилното тело на Каролина Гочева полудеа жените- долго криеше како се држи во форма, но во минијатурно бикини откри сѐ (ФОТО)

Дарко Андоновски — Tue, 06 Oct 2020 08:07:20 +0000

Познатата македонска пејачка Каролина Гочева реши да ги изненади фановите на Инстаграм и објави фотографија на која таа е во бикини.

View this post on Instagram

Конечно лето! ☺️☀️🌴

A post shared by Karolina Goceva (@karolinagocheva) on Sep 28, 2020 at 9:33am PDT

Каролина заедно со својот сопруг ги користи топлите есенски денови и уживаат во се уште топлото сонце на плажа.

View this post on Instagram

🌠✨💫

A post shared by Karolina Goceva (@karolinagocheva) on Sep 30, 2020 at 9:23am PDT

Преубавата македонска пејачка важи за дама со стил која за својот приватен живот не говори многу во јавноста.

View this post on Instagram

Најубавиот дел од денот 🌅🌴🌊

A post shared by Karolina Goceva (@karolinagocheva) on Oct 1, 2020 at 9:27am PDT

Инаку една од нашите најзгодни пејачки не е тајна дека веќе подолго време телото го одржува следејќи го светскиот тренд и вежбајќи ЕМС тренинзи или попознати како електро мускулна стимулација.

Заев од утре на одмор

Дарко Андоновски — Fri, 17 Jul 2020 13:26:12 +0000

Преговорите за формирање на новата влада ќе продолжат по Илинден, со запазување на законските рокови, по што државата ќе добие функционални и легитимни институции, велат од СДСМ. Од партијата информираат дека лидерот на СДСМ Зоран Заев од утре ќе користи неколку денови одмор, кои ќе ги помине во државата. – Имајќи го предвид изминатиот период исполнет со корона криза и предизборни кампањи, СДСМ се залага во деновите до и околу Илинден граѓаните да може да здивнат од политичките активности на партиите. После Илинден, согласно законските рокови, влегуваме во процес на дефинирање на владината коалиција водена од СДСМ. Законските рокови ќе бидат целосно запазени, државата ќе добие функционални и легитимни институции, соопштуваат од партијата.

Мас оптимистичен дека ќе има летен одмор во странство

Тале Кристо — Mon, 18 May 2020 08:54:23 +0000

Министерот за надворешни работи на Германија, Хајко Мас е оптимист дека летните одмори во странство ќе бидат можни оваа година. Мас денеска ќе разговара со своите колеги од Шпанија, Австрија, Италија, Грција, Хрватска, Португалија, Малта, Словенија, Кипар и Бугарија преку видео конференција за олабавување на патните ограничувања. Целта на средбата е координирана акција за отворање на границите за туристите. Германија има намера да го задржи предупредувањето за патувањето за целиот свет до 14 јуни, но потоа Мас сака постепено да се откаже предупредувањето, доколку нема бран враќање на новиот коронавирус. Прво, предупредувањето ќе биде укинето за европските земји.

Британците летово веројатно нема да можат да одат на одмор во странство

Дарко Андоновски — Tue, 12 May 2020 12:02:46 +0000

Британците веројатно ова лето нема да можат да патуваат на годишен одмор во странство поради пандемијата на коронавирусот, изјави министерот за здравство Мет Хенкок. На прашањето дали луѓето треба да прифатат дека ова лето нема да има патувања во странство, тој во емисија на ИТВ рече: „Мислам дека тоа веројатно е така“. Додека британската Влада полека се обидува да отвори некои сектори на економијата, одредени форми на физичко растојание ќе бидат потребни уште некое време. Британскиот премиер Борис Џонсон изјави дека е планирано воведување на 14-дневен карантин за патниците кои доаѓаат од странство, со цел да се спречи втор бран на епидемија на коронавирусот.

Полска ги отвора хотелите за летните одмори

Ивона Петрова — Wed, 29 Apr 2020 08:25:36 +0000

Хотелите во Полска ќе бидат отворени за летните одмори, изјави денеска за државното радио, владиниот портпарол Пјотр Мјулер. Тој додаде дека новите случаи на заразени со коронавирусот продолжуваат да се зголемуваат во државата. Се очекува денеска полската Влада да ја објави својата одлука за отворање на некои индустрии и услуги што беа затворени поради пандемијата. Во Полска, традиционално летните одмори се од јули до август, но се уште не е јасно дали ќе биде така и оваа година. Владата веќе го продолжи затворањето на училиштата во земјата до 24 мај.

Владата открива кога и каде ќе одат на одмор премиерот и министрите

Ивана Ефремовски — Mon, 22 Jul 2019 12:54:25 +0000

Владата на Република Македонија ја информира јавноста каде и кога ќе одат на летен одмор премиерот и министрите. Претседателот на Владата на Република Македонија Зоран Заев дел од годишниот одмор ќе го искористи во деновите после празникот 2 Август, Илинден. Премиерот Заев и неговото семејство деновите од одморот ќе ги поминат во Охрид и во Грција. Заменик претседателката и министерка за одбрана Радмила Шекеринска оваа година ќе биде на годишен одмор од 25 јули до 5 август, и ќе замине на активен одмор во Скандинавија. Заменик претседателот во Владата и министер за внатрешни работи - Оливер Спасовски нема одлучено дали ќе оди и каде би одел, додека заменик претседателот задолжен за економски прашања Кочо Анѓушев, само неколку дена од својот одмор ќе ги помине во Грција на почетокот на Август. Заменик претседателот во Владата задолжен за европски прашања, Бујар Османи, планира својот годишен одмор да го реализира од 2 до 10 август, а за своја дестинација оваа година ја одбра Албанија. Заменик претседателот и министер за политички систем и односи меѓу заедниците Садула Дураки сѐ уште го нема соопштено својот план за годишниот одмор. Министерот за надворешни работи Никола Димитров до сега нема одлучено дали и каде ќе оди на годишен одмор, исто како и министерот за здравство Венко Филипче. Министерката Дескоска одреден период од својот летен одмор ќе помине во Охрид, но сега за сега без определени датуми заради претстојните разговори за Законот за Јавно обвинителство. Министерот за транспорт и врски Горан Сугарески ќе замине на еднонеделен одмор од 4 до 11 август, но до сега без одлука каде. И министерот за економија Крешник Бектеши дел од одморот ќе искористи во првата од месец август. Со семејството сѐ уште немаат направено избор за својата дестинација. Првата половина од месец август е планот за одмор и за министерот за земјоделство, шумарство и водостопанство, исто така без определена дестинација. Министерот за информатичко општество и администрација Дамјан Манчевски на почеток на август ќе замине на одмор во Италија, а министерката за труд и социјална политика Мила Царовска, со семејството ќе летува во истиот период со семејството во Турција. Надвор од земјата, дел од својот годишен одмор, ќе искористи министерот за образование и наука Арбeр Адеми, како и министерот за култура Хусни Исмаили кој ќе помине неколку дена во Албанија и неколку дена во Охрид. Министер за локална самоуправа Горан Милевски нема да оди на годишен одмор, а министерот за животна средина и просторно планирање ќе замине во Грција во периодот од 9 до 18 август. Во првата половина на август на одмор ќе замине министерот без ресор задолжен за комуникации, отчетност и транспарентност Роберт Поповски, како и министерот без ресор задолжен за дијаспора Едмонд Адеми, кој оваа година ќе замине на 7 дена во Грција. Министер без ресор задолжен за имплементација на Стратегијата за подобрување на состојбата на Ромите Музафер Бајрам, дел од годишниот одмор на почетокот на август ќе го помине во некоја од земјите од регионот. Министерката без ресор задолжени за странски инвестиции Зорица Апостолска заминува исто така на кус одмор на почетокот на август, сега за сега без одлука каде, додека министерот без ресор задолжен за странски инвестиции Елвин Хасан за свој летен годишноодморски избор ја избра Турција каде што ќе замине на 31 јули. Министерот без ресор задолжен за странски инвестиции Бардул Даути ќе замине на годишен одмор во Албанија на 1 септември.