летни гуми – Kurir.mk

На колку време треба да се менуваат гумите: На секои четири години или поретко?

Ивона Петрова — Tue, 24 Oct 2023 17:11:42 +0000

Со доаѓањето на постудените денови, неопходнo е да се заменат летните гуми со зимски, а законот вели дека тоа мора да се направи најдоцна до 15 ноември. Автомобилот и неговото одржување е се поскапо, па многу луѓе се трудат да заштедат пари. Секако, безбедноста е на прво место, а многу возачи одговорно ја следат препораката 4х4х4, што значи дека возилото мора да има четири идентични гуми кои мора да се менуваат на секои четири години, а тие (без разлика на староста) да имаат минимум 4 милиметри шари. Меѓутоа, како што индустријата за гуми напредуваше многу во последните години, Автомото сојузот на Словенија (AMZS) ја промени својата препорака и сега го продолжува периодот на безбедно користење на 6 до 8 години. Секако, менувањето гуми не може да се одложува на неодредено време, бидејќи гумите постари од 10 години губат флексибилност и со тоа држат поради хемиските промени поради стареење, пишува N1 Словенија. Правилниот притисок во гумите е клучен Правилниот притисок во гумите е директно поврзан со својствата на гумата при возење. Важно е да ги следите препораките на производителот, кои обично можете да ги најдете на налепницата на столбот на вратата од возачката страна или на капачето на резервоарот за гориво. Исто така, пред патувањето, кога планирате дополнително да го оптоварите автомобилот, важно е да го поправите притисокот во гумите. Зимски гуми во зима и летни гуми во лето Покрај изгледот и длабочината на шарата, зимските и летните гуми се разликуваат и по составот на самата гума. Зимските гуми се помеки при пониски температури, а производителите на пневматици советуваат да се постават на температури пониски од 7 Целзиусови степени. Накратко, дури и најлошите зимски гуми се подобри од новите летни гуми кога се вози на ниски температури.

Замената на зимските гуми го намалува ризикот од несреќи

Магдалена Андонова — Mon, 04 Apr 2022 14:25:36 +0000

Замената на зимските гуми со летни не е задолжителна, но на возачите им се препорачува тоа да го прават бидејќи на тој начин се намалува ризикот од сообраќајни незгоди во градски услови. Летните пневматици даваат најдобри перформанси на температури над 7 степени, а зимски подолу, па, доколку возачите не ги заменат гумите, ќе ги потрошат и нема да можат да ги користат следната сезона. Летните гуми се направени за да обезбедат многу подобар проток на вода што придонесува за пократко растојание за сопирање и потоа се случуваат помалку сообраќајни несреќи, особено во градски услови.

Автобусите на ЈСП на снег возат со летни гуми?

Ивона Петрова — Thu, 10 Jan 2019 11:02:05 +0000

Веќе два дена без престан вее снег во Скопје, а автобусите на ЈСП возат со летни гуми. Возачите се загрижени се повеќе за својата и за безбедноста на патниците. Дури и земаат одмори за да не возат во овие зимски услови кога ЈСП нема обезбедена зимска опрема за автобусите. Освен што возат со летни гуми, дури и парното на повеќето автобуси не функционира, а мајсторите не можат да постигнат да ги поправат, бидејќи и тие немаат услови и соодветни алати за поправање, велат извори од ЈСП. Незадоволството освен кај револтираните граѓани кои што чекаат дури и 40-тина минути автобус кој е на честа линија како 5-ка, 15-ка, се јавува и кај вработените. Тие дури и се повеќе се разочарани од претпријатието, и бараат работа по други фирми и по други држави. Со ваков тек по кој оди ЈСП повеќе од очигледно е дека директорот не се грижи за вработените и за самото претпријатие, изгледа дека оди по стапките на градоначалникот на Град Скопје. Иако јавна тајна е дека тој дури не се појавува ниту на работа, вработените ретко го гледаат на работно место, а почесто по разно разни кафеани во придружба со градоначалникот на Град Скопје.