леукемија – Kurir.mk

Берлускони има леукемија

Ивона Петрова — Thu, 06 Apr 2023 07:36:47 +0000

На поранешниот италијански премиер Силвио Берлускони му е дијагностицирана леукемија, изјави во четвртокот извор близок до италијанскиот политичар. Изворот го потврди извештајот на Corriere della Sera кој објави за болеста на Берлускони/ Тој од средата е на интензивна нега во кардиолошкото одделение на миланската болница „Сан Рафаеле“, откако имал проблеми со дишењето. Милијардерот, кој своето богатство го стекна со комерцијална телевизија, во последниве години често завршуваше во болница поради здравствени проблеми.

Нова технологија за лекување леукемија дава резултати

Ивана Ефремовски — Tue, 13 Dec 2022 09:05:56 +0000

Лекари од Лестер во Велика Британија соопштија дека тинејџерка која боледува од Т-леукемија е во ремисија по нова терапија со генетска модификација на донирани Т-клетки. Научниците за прв пат ја сменија „основата“ на една буква од генетскиот код на донираните Т-клетки и на тој начин кај пациентката овозможија тие да ги напаѓаат само болните клетки, како и да не ги напаѓа здравите клетки по хемотерапијата. – Ова беше најсофистицираниот инженеринг на клетки до сега и го отвора патот за други третмани и на крајот подобра иднина за болните деца, изјави имунологот професор Васим Касим, еден од водачите на проектот. Пред овој третман, тинејџерката била подложена на хемотерапија и трансплантација на коскена срцевина во обид да се ублажи болеста, но никогаш не постигнала целосна ремисија, но по генетското модифицирање на донираните Т-клетки, таа повеќе од шест месеци е без леукемија. Т-клеточната леукемија е рак кој влијае на класата на бели крвни зрнца познати како Т-клетки, така што тие почнуваат да растат пребрзо и на тој начин го попречуваат производството на крвни зрнца во телото, а стандардните третмани вклучуваат трансплантација на коскена срцевина и хемотерапија. (МИА)

Сопругата на Синиша Михајловиќ објави прва фотографија од болницата откако му се врати пеколната болест: Ти си лав со меко срце (ФОТО)

Дарко Андоновски — Wed, 20 Apr 2022 11:43:05 +0000

Аријана Михајловиќ, сопругата на тренерот на Болоња, Синиша Михајловиќ објави емотивна порака од болничката соба каде што српскиот тренер е на нова терапија по враќањето на леукемијата. На Михајловиќ му беше дијагностицирана агресивен тип на леукемија во јули 2019 година, но тој успеа да се врати по повеќе тури хемотерапија и пресадување на коскена срж. Болеста се врати минатиот месец и Михајловиќ повторно е во болница, од каде го води тимот на Болоња преку видео-пораки. „Мораме да бидеме цврсти без да ја загубиме нежноста. Ти си лав со меко срце. Изненадување“, напиша Аријана.

View this post on Instagram

A post shared by Arianna Rapaccioni Mihajlovic (@ariannamihajlovic)

Аријана и Синиша минатата година добија внука, откако нивната ќерка Виргинија се ожени со фудбалерот Алесандро Вољако.

Мајката на Синиша Михајловиќ откри детали за состојбата на синот: Мислев дека ја победи болеста, во болница е

Ивона Петрова — Thu, 31 Mar 2022 07:54:35 +0000

Фудбалскиот тренер Синиша Михајловиќ во 2019 година соопшти дека има леукемија, а по едногодишните третмани и трансплантацијата на коскена срж, во април 2020 година објави дека ја боледил болеста. Пред неколку дена Синиша објави дека болеста му се вратила и го чека нова битка. Информер разговарале со неговата мајка која живее во Нови Сад. Таа открива дека Синиша веќе два дена е во болница, а со него се неговата сопруга Аријана. -Синиша и неговата сопруга тргнаа од Рим за Болоња. Мојот син е во истата болница каде и првиот пат се бореше со болеста. Истите доктори го лекуваат. Ќе почне со терапија, а резултатите покажаа дека метастази се појавиле само на едно место. Друго ништо не знаеме засега. Знам дека мојот син е борец, но јас мислев дека болеста веќе ја победи и ми е тешко поради тоа, вели Викторија.

Фотографијата каде сопругата и бебето му ја држат раката ја откри големата трагедија – познатиот голман не ја победи борбата со леукемијата!

Дарко Андоновски — Tue, 29 Mar 2022 09:46:08 +0000

Белгискиот голман Мигел ван Дам, ја загуби битката со леукемијата на 28-годишна возраст. Ван Дам беше член на тимот на Серкл Бриж, и после пет години не успеа по петти пат да ја добие битката со болеста.

View this post on Instagram

A post shared by KYANA (@kyanadobbelaere)

Ван Дам кариерата ја почнал како напаѓач во Лембеке, а потоа бил прокомандуван на голманската позиција. На 17 годишна возраст заминува во Серкл Бриж, и го засили познатиот тим.

Miguel Van Damme is vannacht helaas overleden. We willen zijn familie en vrienden enorm veel sterkte wensen.#samensterker pic.twitter.com/BsSDwffm3a
— Oud-Heverlee Leuven (@OHLeuven) March 29, 2022

Овој голман ја победи болеста и се врати на терен, и се чинеше дека целосно оздравел, но тука не беше крајот на борбата. Тој повторно победи, а леукемијата повторно се враќаше четири пати. Петтиот пат не успеа да победи против оваа болест.

😢 Miguel Van Damme est décédé aujourd'hui après des années de lutte contre la leucémie
Toutes nos condoléances aux proches de Miguel pic.twitter.com/5GgVnqnMz7 — Ma Pro League (@MaProLeague) March 29, 2022

Инаку зад себе остави сопруга и едно дете.

View this post on Instagram

A post shared by Miguel Van Damme (@miguelvd16)

Медиумите пишуваат детали за Синиша Михајловиќ: Долго знаел дека болеста се врати, имал операција која ја криел од сите

Ивона Петрова — Mon, 28 Mar 2022 10:17:39 +0000

Тренерот на Болоња, Синиша Михајловиќ соопшти дека повторно се бори со леукемијата, а „Газета“ открива детали мешу кои дека тој веќе некое време знаел дека болеста му се вратила. На 26 февруари Болоња за време на натпревар, Синиша почувствувал некои симптоми. По тоа, според пишувањата на италијанските медиуми, тој имал медицинска интервенција која не била безначајна, како што пишува „Газета“ Миха наводно на никого не му кажал дека имал операција, а на стручниот штаб и играчите за својата состојба им соопштил пред да каже јавно за тоа. -Како и секогаш играм отворено. Последните години правам длабоки анализи по болеста, но последните резултати за жал покажаа аларм дека постои ризик од враќање на болеста. На почеток од следната недела ќе морам да отсуствувам и ќе бидам хоспитализирам. За разлика од пред две ипол години, сега знам што треба да правам, објави Михајловиќ.

Заѕвони ѕвончето на Детската клиника – Четиригодишно девојче ја победи леукемијата

Тале Кристо — Mon, 31 Jan 2022 14:03:59 +0000

На Клиниката за детски болести во Скопје успешно е излекувано девојче кое девет месеци се лекувало од акутна леукемија. -Ни беше драго што лекувањето за девојчето заврши без никакви последици и што таа можеше да го чукне ѕвончето. Тоа значи дека среќата кај децата мораме да ја поддржуваме и почитуваме, а оттука почнува и среќата на возрасните, рече денеска директорката на Клиника д-р Софијанова. На Клиниката за детски болести наскоро се планира да се отвори и нов оддел за онкологија, најави министерот за здравство Беким Сали кој беше во оваа клиника. -Онколошкиот центар на клиниката за педијатрија е еден од поуспешните во регионот, рече Сали. Наредните месеци новиот регионален онколошки центар ќе биде ставен во употреба со капацитет од 25 до 30 деца. Моментално на клиниката има околу 20 деца со леукемија.

ТРАГЕДИЈА ГО ПОТРЕСЕ ФУДБАЛСКИОТ СВЕТ: Почина поранешниот фудбалер на ЦСКА Софија и Порто (ФОТО)

Дарко Андоновски — Sat, 30 Oct 2021 17:21:37 +0000

Поранешниот младински португалски репрезентативец Бернардо Тенгариња почина денес на 32 години откако ја загуби битката со леукемијата. Тенгариња е роден во Лисабон, како дете играл за Бенфика, а потоа во 2005 година и за младинците на Порто. Во првиот тим на Порто влегува во 2008 година но три сезони ги поминува на позајмици во Амадора, Ољаненсе и Санта Клара. Играше за Виторија Сетубал, па една сезона за ЦСКА Софија, па Чавес, а во 2017 година ја прекина кариерата во Боависта откако ја почна борбата со леукемијата. На крајот не успеа да ја победи опасната болест. Инаку Бернардо има четири настапи за репрезентацијата на Португалија до 21 година.

Првиот човек излечен од ХИВ почина од леукемија

Ивана Ефремовски — Wed, 30 Sep 2020 12:56:53 +0000

Првиот човек излекуван од ХИВ Тимоти Реј Браун почина од леукемија. Веста за излекувањето на Браун првпат беше соопштена на една конференција во 2008-ма, а две години подоцна тој го откри и својот идентитет. На Браун, кој беше познат како „Берлински пациент“, му беше пресадена коскена срцевина од донор кој природно бил отпорен на ХИВ. Тоа значеше дека веќе не му требаа антивирусни лекови и до крајот на животот не беше носител на вирусот од кој се добива сида. „Браун му даде надеж на светот дека лекувањето на ХИВ е можно“, соопшти Меѓународното друштво за сида. Педесет и четиригодишниот Браун бил роден во САД, а ХИВ му бил дијагностициран во 1995 година додека живеел во Берлин. Во 2007 заболел од тип на рак на крвта наречен акутна миелоидна леукемија и како дел од лекувањето му била пресадена коскена срцевина, што ја добил од донор кој имал ретка мутација која на луѓето им дава отпорност на ХИВ. Браун целосно се излекувал од ХИВ, но леукемијата му се вратила во почетокот на годината.

Докторите откриваат кога Михајловиќ ќе може да присуствува на натпреварите на Болоња

Ивона Петрова — Fri, 29 Nov 2019 12:31:11 +0000

Тренерот на Болоња Синиша Михајловиќ денес се обрати пред јавноста првпат по четири месеци откако соопшти дека боледува од леукемија. Како лично минал низ процесот на лекувањето може да прочитате ТУКА, а во продолжение може да дознаете кои се информациите кои денес, во присуство на Синиша, пред медиумите ги споделија докторите кои се грижеа за него. Франческа Бонифачи докторката која се грижела за Синиша вели дека до денес нема никакви компликации по извршената трансплантација. -Општата состојба е задоволителна, но секогаш е потребна внимателност. Првите 100 дена се чувствителни, враќањето кон нормалниот живот мора да биде постепен. Повремено ќе ја проценуваме можноста да биде присутен на натпреварите. Имунолошкиот систем се уште е чувствителен, тоа може да го ограничи неговото присуство да натпреварите, но не може да го ограничи неговиот борбен дух. После 100 дена не можеме да зборуваме за целосно излекување, дури по две години може да постои првата дефиниција за тоа, вели Францеска. По трансплантацијата на коскената срцевина, извршена пред еден месец, следува период на заздравување -Пвите резултати од првиот циклус се многу позитивни, ќелиите кои го носеа туморот исчезнаа, сега се продолжува со нормална функција, тоа е постигнато веќе во првиот циклус. Во вториот продолживме со истите лекови и методи, но другиот циклус пократко траеше. Се бараше компатибилен донор на коскена срцевина, а денес е точно еден месец од трансплантацијата. Синиша сакаше во разговор со вас да го затвори тој круг., истакна таа. Докторот Микеле Калво, директор на хематолошкото одделение истакнал дека процесот на заздравување оди според планираното. -Првпат говорам пред медиуми, и тоа го правам на барање на Синиша. Треба да се биде многу претпазлив на овој пат кон болеста и во терапијата. Сложена е дијагнозата, денес сум тука во име на сите доктори. Болеста ја откривме по долги тестирања, објасни докторот.