левандовски – Kurir.mk

Роналдо, Меси, Халанд, Бензема, Левандовски и Салах се меѓу финалистите на „Глоуб Сокер“ во категоријата „Најдобар играч на годината“

Тале Кристо — Thu, 03 Nov 2022 13:47:01 +0000

Познати се финалистите на Глоуб Сокер наградите во категоријата „Најдобар играч на годината“. Во потесниот избор влегоа: Карим Бензема, Тибо Куртоа (двајцата од Реал Мадрид), Роберт Левандовски (Барселона), Лионел Меси, Килијан Мбапе (двајцата од ПСЖ), Ерлинг Халанд (Манчестер сити), Кристијано Роналдо (Манчестер јунајтед), Луис Дијаз, Мохамед Салах и Садио Мане (тројцата од Ливерпул). Номинирани за наградата играч на годината во избор на навивачите преку Тикток се: Кевин де Брујне, Ерлинг Халанд (двајцата од Манчестер сити), Карим Бензема (Реал Мадрид), Роберт Левандовски (Барселона), Лионел Меси (ПСЖ), Мохамед Салах (Ливерпул) и Кристијано Роналдо (Манчестер јунајтед). Церемонијата на доделување на наградите ќе се одржи во Дубаи (ОАЕ) на 17 ноември. Најтрофеен досега е Кристијано Роналдо – наградата за најдобар играч на годината ја доби шест пати.

Левандовски најдобар фудбалер во светот во 2020 година

Тале Кристо — Fri, 18 Dec 2020 07:40:50 +0000

Полскиот напаѓач на европскиот првак Баерн Минхен, Роберт Левандовски е прогласен за најдобар фудбалер во светот во 2020 година, во изборот на ФИФА. Левандовски го освои признанието „The Best“ на виртуелна свечена церемонија во седиштето на ФИФА во Цирих, во конкуренција на напаѓачот на Јувентус, Португалецот Кристијано Роналдо, и аргентинскиот капитен на Барселона, Лионел Меси. Германскиот стратег на клупата на Ливерпул, Јирген Клоп, ја освои наградата „Тренер на годината“, станувајќи првиот, кој признанието го освоил по вторпат, откако беше прогласен за најдобар и минатата година. Наградата за најдобар тренер во женска конкуренција ја освои селекторот на Холандија, Сарина Вигман. Сонародникот на Клоп, Мануел Нојер од Баерн Минхен, е прогласен за најдобар голман во 2020 година, додека наградата „Ференц Пушкаш“ за најубав гол во годината што изминува ја освои јужнокорејскиот напаѓач на премиерлигашот Тотенхем, Хјон-Мин Сон, за погодокот на мечот од ланската сезона против Барнли. Тинејџерот на италијанскиот нисколигаш Оспедалети, Матија Агнезе, кој спаси живот на противнички играч, откако фудбалерот падна во бессознание на теренот при еден воздушен дуел, ја доби наградата за ферплеј на ФИФА. Наградата за „Навивач на годината“ ја освои Меривалдо Франсиско Да Силва, кој за да ги гледа домашните натпревари на Ресифе пешачел за секој меч по 60-ина километри од својот дом до стадионот на омилениот клуб.

Левандовски е третиот играч во историјата на Бундеслигата кој постигнал 250 гола

Тале Кристо — Thu, 17 Dec 2020 08:41:25 +0000

Напаѓачот на Баерн, Роберт Левандовски постигна два гола на мечот од 12. коло во германскиот шампионат против Волфсбург (2:1). Според прес-службата на Бундеслигата, 32-годишниот играч на Баерн ја надмина границата од 250 постигнати голови. Левандовски стана третиот играч во историјата на лигата што го сторил тоа. Претходно, само Герд Милер и Клаус Фишер имаат вакво достигнување кога станува збор за ефикасноста во најквалитетната германска фудбалска дивизија.

Левандовски може да го пропушти мечот со Холандија поради проблеми со мускулите

Тале Кристо — Tue, 17 Nov 2020 12:57:55 +0000

Учеството на полскиот репрезентативен напаѓач Роберт Левандовски на натпреварот од групната фаза на Лигата на нации со Холандија е под знак прашалник. Во неделата, во второто полувреме од натпреварот со Италија (0:2), 32-годишниот фудбалер се пожали на болки во мускулите. Беа забележани болни сензации во напред и по натпреварот. Во исто време, фудбалерот на Баерн одигра четири натпревари по ред 90 минути. Натпреварот Полска – Холандија е закажан за утре (18 ноември).

Левандовски стана магистер по физичко образование

Тале Кристо — Wed, 07 Oct 2020 06:59:32 +0000

Напаѓачот на Баерн, Роберт Левандовски стана магистер по физичко образование на Универзитетот за спорт и образование во Полска. Во 2017 година, фудбалерот помина курсеви за физичко образование и администрација, пренесува „La Otra Cara Deporte“. Левандовски одигра 47 натпревари и постигна 55 голови во сезоната 2019/20. Полјакот стана најдобар стрелец на Баерн, освојувач на Суперкупот на Европа, германски шампион, шампион во Лигата на шампионите и најдобар стрелец на турнирот, како и најдобар напаѓач и играч на УЕФА на годината.

Левандовски прв фудбалер во Бундеслигата кој стана најдобар стрелец во три последователни сезони

Магдалена Андонова — Sat, 27 Jun 2020 17:50:49 +0000

Напаѓачот на Баерн Минхен, Роберт Левандовски постигна најмногу голови во германската Бундеслига која заврши денес. Полскиот фудбалер стана првиот играч во историјата на првенството кој ја освои титулата најдобар стрелец во три последователни сезони. На сметка на Полјакот оваа сезона се 34 погодоци за 31 натпревар. Левандовски и денес постигна гол во триумфот над Волзсбург со 4:0. Претходно, Левандовски беше прогласен и за најдобар играч во Бундеслигата за оваа сезона. По Левандовски на листата на стрелците се Тимо Вернер од Лајпциг со 28 гола на 34 натпревари и Џејдон Санчо со 17 гола на 17 натпревари. (МИА)

Левандовски постави рекорд и го однесе Баерн во финалето на купот

Тале Кристо — Thu, 11 Jun 2020 06:59:32 +0000

Напаѓачот на Баерн, Роберт Левандовски го постигна победничкиот гол во полуфиналето на Купот на Германија со Ајнтрахт (2:1). За 31-годишниот Полјак ова беше рекорден 45. гол за баварскиот тим на 39 натпревари од сезоната. Претходно, во сезоната 2016/17, Левандовски постигна 43 гола на 47 натпревари. Во финалето на германскиот фудбалски куп, Баерн ќе игра со Баер Леверкузен.

Флик за казните на Левандовски и Милер: Разочарувачки е, но мора да ја прифатиме ситуацијата

Тале Кристо — Sun, 07 Jun 2020 14:41:43 +0000

Тренерот на Баерн, Ханси Флик призна дека не е задоволен од казните за Роберт Левандовски и Томас Мулер. Вчера двајцата добија жолти картони во победата од 4:2 над Баерн (Леверкузен) и ќе го пропуштат следниот натпревар на екипата во Бундеслигата, кој е против Борусија (Менхенгладбах). – Разочарувачки е, но не можеме да ја промениме и мора да ја прифатиме ситуацијата. Вие сте емотивни на теренот, но разговарав со судијата Мануел Графе. Тој рече дека Левандовски го удрил противникот и затоа добил картон. Не го видов, па не можам да коментирам. Томас ја блокираше топката кога имаше фаул, па жолтиот картон беше во ред. Ќе се потпреме на двајца други играчи. Ова е понекогаш добро, но важно е и за двајцата да играат 90 минути против Ајнтрахт во среда, изјави Флик. Во текот на неделата, Баерн ќе се соочи со Ајнтрахт во полуфиналето на Купот на Германија и ќе може да смета на Левандовски и Милер.

Левандовски ја игра најпродуктивната сезона во својата кариера

Тале Кристо — Sat, 06 Jun 2020 18:27:52 +0000

Напаѓачот на Баерн, Роберт Левандовски, постави нов личен рекорд. Тој со денешниот погодокот против Баер во натпреварот од 30-то коло од Бундеслигата ја игра најефикасната сезона во неговата кариера. Триесет и едногодишниот Полјак има 44 гола во сите натпреварувања. Тој претходно постигна 43 гола во една сезона. Левандовски има 30 голови (28 натпревари) во Бундеслигата, трет пат постигнува ваков резултат во досегашниот дел од сезоната. Претходно така беше во 2015/16 и 2016/17. Левандовски е лидер и во најдобрите пет европски првенства. По него следуваат Чиро Имобиле од Лацио (27 гола, 26 натпревари), Тимо Вернер (РБ Лајпциг, 25 голови, 30 натпревари), Кристијано Роналдо (Јувентус, 21 погодок, 22 натпревари), Џејми Варди (Лестер, 19 голови, 26 натпревари) и Лионел Меси (Барселона 19 гола, 22 натпревари).