леванте – Kurir.mk

Алавес со гол од пенал во 129. минута се пласира во Ла Лига – Леванте останува второлигаш! (ВИДЕО)

Ристе Здравков — Sun, 18 Jun 2023 07:23:30 +0000

Натпреварот во Алавес заврши без голови, реваншот во Валенсија требаше да го даде патникот во Ла Лига. Исто како и на првиот меч беше сиромашно со голови. Натпреварот во регуларниот тек заврши 0-0, по што мечот отиде во продолженија. Кога сите очекуваа дека пеналите ќе го решат мечот, го реши само еден шут од белата точка. Во самиот финиш беше досуден пенал за Алавес откако топката го удри Роберт Пјер во рака. Судијата проверуваше дури шест минути пред да одлучи да покаже на белата точка. Вилјалибре беше прецизен од пеналот и донесе огромна радост за Алавес и големо разочарување кај навивачите и фудбалерите на Леванте кој и следната сезона ќе ја минат во втората лига. Алавес е последниот патник во Примера, претходно директно таму се пласираа Гранада и Лас Палмас.

Enhorabuena! @Alaves pic.twitter.com/Z2MiIJ5Gzj
— Adrián Ros (@AdrianRos21) June 17, 2023

Барди го напушта Леванте, но останува во Шпанија

Бошко Тасиќ — Tue, 09 Aug 2022 07:01:37 +0000

Еден од најдобрите македонскиот фудбалски репрезентативец Енис Барди многу веројатно до крајот на летниот преоден период ќе го промени клубот. Одличниот играч за врска веќе на маса има неколку понуди од кои дел одби, а за дел се уште разгледува. Беше поврзуван со преселба во САД, Турција и Грција но од тоа се чини нема да има нешто. Последните информации говорат дека кариерата и понатаму ќе ја продолжи во Шпанија, но во тимот на Елче.

Енис Барди и Леванте ја продолжија соработката до 2024 година

Бошко Тасиќ — Mon, 14 Feb 2022 18:27:52 +0000

македонскиот фудбалски репрезентативец Енис Барди и Леванте ја продолжија соработката до 2024 година. Нашиот интернационалец има нов договор со секако подобрени услови затоа што во првичниот негов договор со Леванте има клаузула во која соработката еднстрано од страна на клубот може да биде продолжена по автоматизам. Ова секако е направено за да Енис Барди на лето не си оди бесплатно од клубот, и на него Леванте да може да заработи нешто. Клубот е во очајна резултатска ситуација, само со чудо може да се спаси од испаѓање, па Барди на овој или оној начин на лето многу веројатно ќе има нов клуб.

Леванте го продава Барди ?

Бошко Тасиќ — Sat, 25 Dec 2021 08:02:30 +0000

Дел од шпанските медиуми најавија дека македонскиот фудбалски репрезентативец Енис Барди и Хосе Кампања ќе бидат продадени зимава од Леванте , за да се заработат пари и да се покрите десет милионската загуба. Леванте има две опции, да успее да заработи некој милион евра од македонскиот репрезентативец или оваа да го загуби бесплатно, а засега нема најави дека може да има продолжување на соработката, особено нема да има ако овој клуб на крајот на сезоната се пресели во Сегунда. Во изминативе години за Барди имаше интерес од низа клубови, но тогаш немаше конкретни понуда до управата на овој тим.

Барди доби нов тренер во Леванте

Ивана Ефремовски — Thu, 07 Oct 2021 14:26:10 +0000

Шпанскиот фудбалски прволигаш Леванте, во чиј редови настапува македонскиот репрезентативец Енис Барди, го именува денеска Ксавиер Переира за нов тренер до јуни 2022 година, со опција за продолжување на соработката за дополнителни две години, соопшти клубот од Барселона. Переира на должноста доаѓа на местото на Паскал Лопез, кој доби отказ во неделата по поразот од Мајорка. Леванте е на 18. место на табелата во Ла Лига со само четири бодови и без победа во воведните осум кола. Переира по речиси една деценија се враќа во Леванте, каде беше помошник тренер од 2011 до 2013 година. (МИА)

Барселона лесно се справи со Леванте

Бошко Тасиќ — Sun, 26 Sep 2021 18:03:08 +0000

Шпанскиот фудбалски гигант Барселона конечно забележа убедлива победа откако го овлада Леванте 3-0. Барселона денеска дојде до лесен триумф над Леванте. Енис Барди поради повреда не беше во тимот на гостите.Барса тргна фуриозно, во шестата минута Депај даде гол за водство од 1-0, а само осум минути подоцна Лук де Јонг постигна гол за 2-0. Овој резултат долго беше актуелен. Во 81. минута Ансу Фати доби шанса, големиот талент кој цела година беше надвор од теренот поради повреда. На Фати му требаа само десет минути да се запише во листата на стрелците, постигна гол и ги постави конечните 3-0.

Леванте го продава Енис Барди?

Бошко Тасиќ — Mon, 28 Jun 2021 20:04:28 +0000

Како што наведува „Супер Спорт“, шпанскиот фудбалски клуб Леванте ќе мора да добие нешто повеќе од 16 милиони евра за да ја покрие загубата и финансиските проблеми а сите тие проблеми може да ги реши со продажба на нашиот репрезентативец Енис Барди.

Македонецот претходно се поврзуваше со повеќе клубови кои беа заинтересирани за неговиот потпис, меѓутоа Леванте не беше расположен за продажба на еден од своите најдобри поединци, но сега ситуацијата се промени по тоа прашање.

25 годишниот Барди има активен договор со шпанскиот прволигаш до идната година, меѓутоа истиот има опција и за дополнителни две години.

Куман по ремито против Леванте: Не е својствено за Барселона да прими три гола во едно полувреме, многу грешевме

Тале Кристо — Wed, 12 May 2021 06:49:59 +0000

Барселона синоќа одигра 3:3 на гостувањето кај Леванте и покрај водство со 2:0 што каталонскиот тим го имаш по првото полувреме. Тренерот Роналд Куман ги критикуваше своите избраници за лошата игра во одбрана. – Тешко е да се објасни што се случи. Во првото полувреме, тимот одигра добро, но го намали интензитетот на играта во второто. Многу грешевме. Реагиравме правилно на 2:2, но потоа лошо се браневме. Не е нормално да се прима три гола во 45 минути, секако не за тим како Барса. Сезоната е тешка, има многу натпревари, но тимот е во состојба да ги издржи. Но, кога ќе го започнете второто полувреме не толку интензивно како што игравте во првото, ги инспирирате вашите противници. Нашата цел беше да ги добиеме сите три преостанати натпревари, но сега сè е многу тешко. Како тренер, морам да бидам одговорен. Ние сме многу разочарани од резултатот, рече Куман. Барселона по 36 натпревари има 76 бода и е на 2. место во Ла Лига, лидер е Атлетико Мадрид со 77, Реал е трет со 75, но мадридските екипи имаат натпревар помалку.

Барди : Пресреќен сум за погодокот и што освоивме бод против лидерот

Бошко Тасиќ — Wed, 17 Feb 2021 21:15:10 +0000

Македонскиот фудбалски репрезентативец Енис Барди игра во одлична форма откако вечерва му даде гол во 17-та минута на шпанскиот лидер Атлетико Мадрид обезбеди бод за својот Леванте и ова е втор гол за фудбалерот за врска после дво ипол месечната пауза поради повреда, откако против Валјадолид во Купот погоди од слободен удар .

„Пресреќен сум за голот. Долго време не играв, па сега среќен сум што со голот освоивме бод против лидерот. Ова беше тежок меч, зашто загубивме на претходниот дуел дома, но покажавме дека можеме да играме и да се надигруваме со најдобрите, затоа сега сите среќни ќе си одиме дома“, вели Барди. „Атлетико е таков тим кој те тера да се браниш, а и ние знаевме дека се тим со преполн квалитет. Во првото полувреме не ја имавме многу топката во посед, во вториот се поправивме, но мислам дека завршивме добра работа“, ја доврши својата изјава македонскиот репрезентативец.

По тримесечна пауза Барди се врати на теренот

Тале Кристо — Sat, 23 Jan 2021 08:31:02 +0000

Македонскиот фудбалски репрезентативец Енис Барди синоќа го одигра првиот меч за шпанскиот прволигаш Леванте по речиси тримесечна пауза поради повреда на рбетот. Леванте на домашен терен ги подели бодовите со Ваљадолид, одигрувајќи 2:2 во натпревар во кој Барди влезе од клупата за резервни играчи во 84 минута на местото на Хорхе Мирамон. За македонскиот играч за врска ова беше прв официјален натпревар од осми ноември минатата година по што Барди започна со рехабилитација по дијагностицираната лумбална дискус хернија. Леванте по 19 натпревари во Ла Лига е на средина на табелата со 23 бодови, а во следното коло ќе му гостува на актуелниот првак Реал Мадрид.