Автобус остави на улица лице со посебни потреби граѓаните помогнаа – ЈСП: Возачот ќе биде санкциониран

Дарко Андоновски — Tue, 05 Apr 2022 08:10:48 +0000

Ова е еден од проблемите со кои често се соочува Еркан, лице со посебни потреби. „Се чувствував лошо, нехумано е автобусот да не застанува на станица иако те видел. Ме виде како стојам на станицата, плус децата му рекоа да ја отвори рампата за да се качам, вели Еркан Ќахили. Со истиот проблем и денеска се соочи Еркан. -Може ли рампата? Екипата на ТВ21 го придружуваше момчето до автобуската станица. Двокатен автобус дојде на неговата станица, сите се качија освен Еркан, бидејќи не се приспособени за лица со пречки во движењето. Еркан долго чекаше да пристигне еден од новите автобуси, единствени кои ги нудат овие услови. Но, кога дојде повторно имаше неволја. На возачот му рековме да ја спушти рампата, но граѓаните беа тие што помогнаа. На крајот возачот дојде само да ја затвори рампата. Ваква дискриминација не се случува првпат во јавниот превоз, вели Еркан. Но, со овие видеа сака да ја подигне свеста кај другите лица со посебни потреби, кои токму поради овие бариери се изолирани дома. „Не е прв пат, но прв пат снимав за да имам доказ дека тоа навистина се случува затоа што го имам презентирано неколку пати, но нема ефект, вели Ќахили. Лицата со посебни физички потреби се соочуваат со многу тешкотии, почнувајќи од школувањето, кое во најголем број случаи не ги обезбедува потребните услови, пристап до институции, потоа кафулиња и немање соодветни тоалети за нив. Министерот за труд и социјална политика ветува подобрување на условите, но не кажа ништо конкретно како ќе го направи истото. Од Јавното сообраќајно претпријатие велат дека не ги дискриминирани лицата од оваа категорија и дека возачите кои нема да им помогнат ќе бидат санкционирани. „Рампи има на сите автобуси, поточно кинескиот „Јутонг“, кои работат на систем НА електроника, а во украинските „Лаз“ и МАН се мануелни. Во дел од кинеските возила рампите не се функционални, во фаза се на сервисирање. Станува збор за доста осетлив електронски систем за управување, велат од ЈСП. Еркан вели дека има и добри возачи, кои го поздравуваат и му подаваат рака секогаш кога ќе го видат, ги повикува и другите да бидат повнимателни, бидејќи како што вели, секој може да се најде во таква ситуација.

Штитеник со посебни потреби исчезнал од Домот за рехабилитација на деца и младинци

Ивона Петрова — Thu, 29 Mar 2018 12:31:08 +0000

Дваесет и петгодишен штитеник со посебни потреби вчера исчезнал од Домот за рехабилитација на деца и младинци од Скопје. Случајот во полиција вчера го пријавил воспитувач од Домот кој изјавил дека штитеникот Д.Б. исчезнал истиот ден околу 18 часот. Се преземаат мерки за пронаоѓање на лицето.

лице со посебни потреби – Kurir.mk

Автобус остави на улица лице со посебни потреби граѓаните помогнаа – ЈСП: Возачот ќе биде санкциониран

Штитеник со посебни потреби исчезнал од Домот за рехабилитација на деца и младинци