лиценци – Kurir.mk

Граѓаните бараат одговор од власта: Зошто се дадени 40 милиони евра за лиценци?

Ивана Ефремовски — Tue, 19 Sep 2023 06:32:37 +0000

Се уште нема одговор од власта и институциите, зошто се дадени рекордни пари за тендери за лиценци, во три години, 15 па 25 милиони евра, за една иста услуга? Дали причината се колегијалните односи, помеѓу Ковачевски со Марко Андонов од Аитоникс, кој во тоа време бил колега на Ковачевски, тогаш министер, а сега премиер? - посочуваат од ВМРО-ДПМНЕ. -Во 2021-ва година Андонов, колегата на Ковачевски, владата го прифатила за конзул на Грузија во Македонија и притоа му отвора конзулат. Како е можно во нормална држава, на странски дипломати, да се доделува ваков тип на договори, односно лиценци за програми, кои треба да овозможат и безбедност? Може власта да ги крие одговорите пред јавноста, но не за долго. Одговорност ќе има веднаш, по формирањето на новата влада, предводена од ВМРО-ДПМНЕ, порачуваат од партијата.

Осум клубови добија лиценци за настап во Европа

Бошко Тасиќ — Tue, 17 May 2022 17:11:40 +0000

Како што информираат од ФФМ, Комисијата за лиценцирање ја заврши постапката и им издаде лиценци за евро настап на седум прволигашки клубови и на Силекс за сезоната 2022/23. Ова значи дека Шкупи, А. Пандев и Шкендија нема да имаат никаков проблем да играат на евро сцената ова лето, исто како и Силекс или Македонија ЃП кои во петок во финалето во Купот на Македонија ќе го дадат последниот наш европски претставник. Покрај овие пет клубови, лиценци добија и Работнички, Струга ТЛ и Ренова.

Кривични пријави за лица од охридско и струшко: Вршеле превоз на патници со автобуси, а немале лиценци

Ивана Ефремовски — Tue, 29 Mar 2022 15:59:43 +0000

СВР Охрид поднесе кривична пријава против правно лице од Охрид и Б.Р.(59) од с.Куратица, охридско, вработен во правното лице како возач, поради постоење основи на сомнение за сторено кривично дело „вршење јавен превоз без поседување на лиценца“. На 02.03.2022 кај с.Подмоље, на стариот пат Охрид–Струга, при контрола бил затекнат пријавениот како управува автобус, сопственост на правното лице, односно како врши превоз на патници без лиценца за превоз на патници. СВР Охрид поднесе кривична пријава против правно лице од Охрид и Б.Ј.(35) од с.Куратица, охридско, вработен во правното лице како возач, поради постоење основи на сомнение за сторено кривично дело „вршење јавен превоз без поседување на лиценца“. На 04.03.2022 на ул.„15 Корпус“, при контрола, бил затекнат пријавениот како управува автобус, сопственост на правното лице, односно како врши превоз на патници без лиценца за превоз на патници. СВР Охрид поднесе кривична пријава против правно лице од Охрид и И.Б.(61) од с.Мислодежда, струшко, вработен во правното лице како возач, поради постоење основи на сомнение за сторено кривично дело „вршење јавен превоз без поседување на лиценца“. На 08.03.2022 на ул.„Гоце Делчев“, при контрола, пријавениот бил затекнат како управува автобус, сопственост на правното лице, односно како врши превоз на патници без лиценца за превоз на патници со конкретното возило.

СО ФАЛСИФИКУВАНИ ДОКУМЕНТИ САКАЛЕ ДА ПОМИНАТ ГРАНИЦА: Откриен уште еден случај на вршење јавен превоз без лиценца

Тале Кристо — Tue, 04 Jan 2022 10:56:56 +0000

Денеска (04.01.2022), полициски службеници од Полициската станица за граничен премин и граничен надзор Ново Село извршиле контрола во две товарни возила, со тетовски регистарски ознаки, сопственост на правно лице од с.Мала Речица, тетовско. При контролата било утврдено дека возилата не поседуваат уредна документација, односно лиценците и изводите за вршење превоз во внатрешен и меѓународен патен сообраќај се фалсификувани. Од претставник на Државниот инспекторат за патен сообраќај при Министерството за транспорт и врски возилата биле исклучени од сообраќај и им биле одземени сообраќајните дозволи. Додека, пак полициски службеници од СВР Струмица ги одзеле лиценците и изводите за вршење превоз во внатрешен и меѓународен патен сообраќај за понатамошна постапка. За настанот бил известен Јавен обвинител и по целосно документирање на случајот ќе бидат поднеснеи пријави по член 284-а за „вршење на јавен превоз без лиценца” и по член 378 – „фалсификување исправа” од Кривичниот законик.

Во Царината се евидентирани изводите од лиценци на автобусот на „Беса транс“, но најверојатно се приложувани невалидни документи

Ивона Петрова — Fri, 17 Dec 2021 11:49:26 +0000

Во Царинската управа евидентирани се изводите од лиценци што ги доставувал автобусот на „Беса транс“ кој повеќе од 120 пати поминал низ граничните премини на државава, но најверојатно се приложувани одредени фалсификувани или невалидни документи, изјави денеска директорката на Царинската управа Славица Кутиров. – Имаме детална евиденција дека истиот автобус повеќе од 120 пати е евидентиран во нашиот систем вклучувајќи и број од извод од лиценци за кои секојдневно се зборува дека не биле евидентирани. Кај нас се евидентирани и најверојатно се приложувани одредени фалсификувани или невалидни документи. Но, за тоа истрагата е веќе во рамки на Јавното обвинителство и повеќе детали во следниот период тие можат да кажат, рече Кутиров, одговарајќи на новинарско прашање по денешната прес-конференција во Стопанската комора на Северна Македонија. Потсети дека е направена и внатрешна контрола во Царинската управа при што се санкционирани царинските службеници кои таа вечер биле на смена. Во автобуската несреќа во Бугарија загинаа 45 лица, а седуммина беа повредени, на враќање од туристичко патување од Истанбул.

РКЕ одзема лиценци на три компании, немале складишни капацитети за чување на резерви на нафтените деривати

Ивона Петрова — Sun, 12 Sep 2021 07:46:29 +0000

Регулаторна комисија за енергетика и водни услуги (РКЕ) донесе одлуки со кои ги одзема лиценците за вршење на енергетска дејност на три друштва за трговија на големо со сурова нафта, нафтени деривати, биогорива и горива за транспорт. -На Друштвото за градежништво, трговија и услуги ГУЛИВЕР ИНЖЕНЕРИНГ ДООЕЛ му се одзема лиценцата за вршење на енергетската дејност трговија на големо со Еуродизел БС. Исто така одземена е лиценцата за вршење на енергетска дејност за трговија на големо со мазут - М1 (НС) на Друштвото за трговија, градежништво и услуги ПЕРТИНАКС ДООЕЛ Скопје. Додека на Друштвото за трговија со технички гас и опрема БАШИНО ГАС извоз-увоз ДООЕЛ Велес е одземена лиценцата за трговија на големо со течен нафтен гас (ТНГ), информира РКЕ. Одлуките за одземање на лиценци се донесени затоа што посочените трговци на големо немаат складишни капацитети за чување на резерви на нафтените деривати, што всушност се основни средства и услов за вршење на енергетска дејност. „Донесовме одлуки со кои ги одзедовме лиценците на тројца трговци за поединечни нафтени деривати за кои утврдивме дека не ги исполнуваат условите од Законот за енергетика и Правилникот за лиценци. Гуливер нема да смее да увезува и тргува со Еуродизел БС, додека Пертинакс нема повеќе лиценца за тргување и увоз со мазут - М1 (НС), а Башиногас нема да смее повеќе да увезува и тргува со течен нафтен гас (ТНГ). Овие трговци не поседуваат соодветни складишни капацитети за чување на дериватите – што претставува основно средство за работа и е услов за добивање на лиценца. РКЕ во изминатиот период теренски ги зајакна контролите врз трговците и со истите ќе продолжи.“ изјави Марко Бислимоски, претседател на Регулаторната комисија за енергетика и водни услуги.

Арсовски го праша јавно Костадинов: Дали праша поради која причина, зошто била задолжена владата да даде две лиценци на веќе познати фирми од струмичко

Ристе Здравков — Thu, 21 May 2020 18:20:02 +0000

Димче Арсовски, потпаролот на ВМРО-ДПМНЕ вечерва на „Само Вистина“ јавно го запраша Костадин Костадинов за лиценците дадени за марихуана во време на вонредна состојба. „Верувам дека седум дена имаше прилика да се распрашаш и да се запознаеш со случајот и уште еднаш би сакал да те прашам бидејќи седум дена молчи вашата пи-ар служба, вашата партија, вашите функционери, Владата молчи. Еве да те прашам уште еднаш дали праша поради која причина, зошто била задолжена владата да даде две лиценци на веќе познати фирми од струмичко“, го запраша Арсовски соговорникот Костадинов. Притоа Арсовски потсети дека едната фирма е на Тони Котев претседател на СДСМ, Ново Село, и добил лиценца за одгледување на марихуана во време на вонредна состојба. Втората фирма е каде што менаџер е исто роднина на Тони Котев, и воедно и син на осуден градоначалник за шверц со цигари и близок пријател на Зоран Заев, Боро Стојчев. „Еве имаш прилика на јавноста да и објасниш дали ова е грижа за здравјето на граѓаните, каде што наместо да се грижите за здравјето на граѓаните и да се обидете да ја намалите пандемијата, вие делите лиценци за одгедување на марихуана. Очигледно во моментов дека бизнисот со канабис е поважно од здравјето на граѓаните“, истакна Арсовски.

Арсовски до Костадинов: Владата на СДСМ во време на пандемија доделува лиценца за одгледување на марихуана на синот на Боро Стојчев

Тале Кристо — Thu, 14 May 2020 21:02:40 +0000

Портпаролот на ВМРО-ДПМНЕ Димче Арсовски во дебатниот магазин „Click Plus“ на ТВ21 го запраша портпаролот на СДСМ, Костадин Костадинов дали е информиран дека Владата на СДСМ во време на пандемија кога граѓаните ги губат своите работни места, доделува лиценци за одгледување на марихуана, а меѓу другите и на синот на поранешниот градоначалник на Ново Село од СДСМ Боро Стојчев, кој беше осуден за шверц на цигари. -Дали знаете дека вашата Влада во време на пандемија доделува неколку лиценци за одгледување на канабис?! Дали знаете која е едната лиценца?! ЕКО ЕНЕРЏИ-КОСМОС ДОО С. Зубово Ново Село. Дали знаете кој е управител на таа фирма?! Перо Стојчев, син на вашиот кадар кој што беше осуден за шверц на цигари, Боро Стојчев. Поентата ми е дека и во време на вонредна состојба, во време кога граѓаните не знаат како ќе се справат со целава криза, во време кога граѓаните остануваат без работен однос и немаат примања дома, вие како СДСМ и како Влада носите одлука за доделување на лиценца на фирма која што е блиска до СДСМ. Толку ви е дојдено до здравјето на граѓаните, заврши Арсовски.

Долек: Пазарџиите од 1 јануари ќе треба да се снабдуваат со лиценци

Ивона Петрова — Wed, 26 Dec 2018 13:18:48 +0000

Од 1-ви јануари 2019 година пазарџиите ќе треба да почнат да се снабдуваат со лиценци, согласно имплементацијата на Законот за зелени пазари, со што ќе можат да го решат проблемот и нивниот статус и ќе можат слободно без никакви пречки да продолжат да работат во зелените пазари, упати повик претседателот на Комората на трговци на Македонија Екрем Долек. Лиценцата еден пазарџија за една тезга годишно ќе го чини 60 евра во денарска противвредност, додека за втора, трета или секоја следна тезга дополнителни 40 евра. -Меѓутоа, тука има проблеми и пропратни барања што во соработка со државните институции мораме да ги решаваме. Бараме целосна соработка од страна на организаторите на пазарите, затоа што издавањето лиценци е голем процес што мора да се одвива со заедничка соработка меѓу организаторите на пазарите и Комората на трговци. На пример, лиценца може да ни побара лице кое работи на пазарот во Битола, Прилеп или Охрид, а ние ќе треба да му ја издадеме, иако не сме сигурни дали тоа лице поседува тезга во одредениот пазар. Од овие причини е битна соработката со организаторите на пазарите, изјави Долек. Тој информира дека на средбата со премиерот Зоран Заев, што ќе се оддржи во најскоро време, ќе побара Владата да формира координативно тело што ќе има влијание врз пазарната инспекција, локалните инспекции и со Министерсвтото за внатрешни работи за решавање на проблемот со уличните диви продавачи на територијата на целата држава. -Тие луѓе што работат 20-30 и повеќе години по пазарите до ден денес немаат ниту еден ден стаж, а со овој закон ќе имаат голем бенефит, односно ќе имаат социјална безбедност за утре да можат да имаат пензија, изјави Долек. Пензионерите, според него, за да имаат стаж ќе треба да плаќаат по 2.000 денари годишно, бидејќи тие како Комора успеале да ги стават во поевтината тарифа земјоделец-поединец. Во однос на тоа кој може да продава на зелените пазари, правната советничка/надворешен соработник на Комората на трговци Анета Стојановска рече дека оваа прашање согласно Законот за зелени пазари е регулирано во член 7 од Законот за трговија на зелени пазари. -На тезги може да работат невработени лица кои се запишани во регистарот на Комората, физички лица регистрирани како трговци-поединци кои ја обавуваат дејноста трговија на мало на тезги и пазари и физички лица чие работење не надминува земјоделска дејност од помал обем и може да работат кои се во работен однос но се занимаваат со земјоделска дејност, рече Стојановска. МИА