Нов личен рекорд на Лука Дончиќ во НБА

Тале Кристо — Sat, 13 Feb 2021 09:42:28 +0000

Кошаркарот на Далас маверикс, Лука Дончиќ, постави рекорд по број на постигнати поени во НБА лигата. Тој ноќеска на натпреварот против Њу Орлеанс (143:130) постигна 46 поени за 40 минути на теренот, оствари осум скока и направи 12 асистенции. За 21-годишниот словенечки репрезентативец, кој беше избран од Атланта на драфтот во 2018 година и веднаш беше тргуван од Далас, ова е личен рекорд по број на постигнати поени во најсилната кошаркарска лига на светот. Во моментов Далас е рангиран на 9. место во Западната конференција со биланс од 13 победи и 14 порази.

Де Геа со личен рекорд

Дарко Андоновски — Thu, 19 Apr 2018 09:19:00 +0000

Голманот на Манчестер Јунајтед, Давид де Геа, кој вчера за првпат ја носеше капитенската лента на тимот од „Олд Трафорд“ постигна личен рекорд. На синоќешниот дуел против Борнемут, Шпанецот го зачува голот и тоа за него беше 21-ва „чиста мрежа“ од почетокот на сезоната, што е негов најдобар резултат откако игра за Јунајтед. Во Премиер лигата Де Геа веќе има 17 натпревари, во кои не е совладан оваа сезона, три повеќе од голманот на Манчестер Сити, Едерсон, кој е втор. Со добрите одбрани Де Геа се најде во идеалниот тим на сезоната во Премиер лигата, избран од страна на Здружението на професионални фудбалери во Англија. Тој е и меѓу номинираните за играч на сезоната.

личен рекорд – Kurir.mk

Нов личен рекорд на Лука Дончиќ во НБА

Де Геа со личен рекорд