лицитација – Kurir.mk

ВЕРНИК ГО КУПИ КРСТОТ ЗА 95.000 ДЕНАРИ НА ЛИЦИТАЦИЈА – попот среде црква тврди дека парите им требаат за да ги платат сметките за струја, а не за нив! (ВИДЕО)

Дарко Андоновски — Fri, 20 Jan 2023 10:01:36 +0000

Поделено мислење утрово на социјалните мрежи се води околу лицитацијата која се случила вчера во текот на денот по фаќањето на светиот крст во штипско Ново Село. Имено на видеото кое се појави на социјалните мрежи се гледа како попот среде црквата во Ново Село во Штип го нуди светиот крст на лицитација. Крајната цена на крстот достигна 95 илјади денари, а во меѓувреме додека течеше лицитацијата попот тврдеше дека парите им требале за да ги подмират сметките за струја, но не и за нивни лични потреби. Вашето мислење слободно оставете ни го во коментар...

Лицитација со бројот на Албанци во Македонија, од 25 до над 30%! Македонците немаат став

Тале Кристо — Sun, 24 Jan 2021 20:40:04 +0000

Без оглед на тврдењата на владата, фактите и изјавите на луѓе од власта, особено на Албанците и албанските функционери во владечаката коалиција и државата потврдуваа - овој попис е доминантно политичка и национална (етничка) операција, пишува Вечер.мк. Начинот на кој е донесен Законот за попис, со политичко насилство врз опозицијата и наметнување на мајоризација врз половина гласачи во Македонија е првиот чекор кој дава сомнеж во намерите и целите на овој попис сред епидемија со корона вирус. Второ, само кај нас, и никаде во Европа, за граѓани на државата ќе се сметаат и тие кои се отселени и подолго до една година, а нивни роднини со фотокопии ќе докажуваат нивни идентитет и статус. Со оглед дека околу половина иселени од Македонија последниве две децении се Албанци, а сите дуги се помалку од половина иселени, јасно е дека со овој и ваков попис на иселени лица како да се тука се прави фалисфикување на вистинскиот број и етничката припадност на граѓаните на Македонија кои живеат и плаќаат данок во нашата држава. Овие несоновани податоци за поголем број Албанци - резиденти во државата потоа ќе се (зло)употтребува за етничко позиционирање во домашната и меѓународна политика, за вработување во државната администрација, за функции во обвинителствата, царината, судовите, МАНУ, Народна банка, за распределба на пари до државниот буџет... Дека создавање непткрепен основ за агресивна етничката политика потоа е основна цел на овој и ваков попис доказ се, дополнително, и изјавите на албанските функционери. Екс мининистерот за образование од ДУИ Арбр Адеми изјави дека очекува Албанците да бидат околу 30% на пописот, а ако се покажело дека се помалку од 20% тој нема да ги признае изборите. Изет Меџити од ДУИ беше поскромен, па очекува Албанците “секако да бидат повеќе од 25%“ на пописот. Од Алијанса за Албанците очекуваат околу 30% Албанци на попсот. Лицитацијата е тука, никој од македонските политичари не се осмелува да биде дрзок како Албанците и да каже своја проценка и очекување за бројот на Македонците. На темата попис лицитира и Али Ахмети во интервју за гостиварската локална телевизија ТВ Глоби и посочи дека сите кои живеат во земјава и имаат имот ќе бидат попишани. Тој уверува дека институциите ќе си ја вршат нивната работа, па така сите кои живеат во земјава и надвор од неа ќе бидат опфатени. Ахмети зборувајќи на темата појасни и како се попишува дијаспората. – “Во врска со пописот имаше дебати, вклучително и јавни дебати. Тоа е статистичко прашање, а не политичко претпријатие, а таа операција мора да се заврши. Тоа од нас го бараат и релевантни меѓународни институции како ООН и од ЕУ. Мора да имаме попрецизна статистика за економијата на земјата, за имотот на земјата, за населението во земјата и никој нема да биде исклучок. Прво ќе се регистрираме тука, а потоа оние кои се во странство преку валидни документи од нивните роднини тука или преку Државниот завод за статистика. Се знае колку постојано живеат тука, а колку надвор. Но сепак, сите се жители на оваа земја“, подвлече претседателот на ДУИ. За очекувањата од резултатите, тој напомена дека Албанците не може да бидат помалку од 25 проценти, колку што биле и во 2002 година. Бројката ја образложи со констатацијата дека Албанците во Македонија имаат стапка на наталитет кој последниве години е зголемен, но избегна да каже дека стапката на иселување на Албанците од Македонија е повеќе од дупло поголема во однос на ислеувањето на Македонците. А бројот на Албанци и Македонци, резиденти кои живеат во Македонија, може основано да се процени преку податоците во МВР комбинирани со другите институции кои водат евиденција. И, на крај, Албанците партиципираат на избори едвај 18-20% особено кога ќе се земе предвид фактот дека тие имаат убедливо најголема излезност во општините каде Албанците се мнозинство. Имено, во согласност со ажурираните податоци за издадени државјанства, во Македонија, според споменатите извори, има нешто повеќе од 2,4 милиони издадени државјанства, од кои 1.883.612 (72,66 отсто) се декларирале како Македонци, 375.601 (16,7 отсто) – Албанци, 53.879 (2,66 отсто) – Роми, 77.959 (3,85) – Турци, 35.939 (1,78 отсто) – Срби, 17.018 (0,84 отсто) – Бошњаци, 9.695 (0,48) – Власи и 20.993 (1,03) – други. Тоа значи дека вкупно 27,34 отсто од македонските државјани не со македонска етничка припадност туку - сите заедно - се од редовите на Албанци, Турци, Роми, Срби, Власи или Бошњаци... Овие податоци од декември 2018-та година , за кои се зборува се во јавноста, најмногу се во дискрепанца во однос на официјалната бројност на етничките Албанци, споредено со пописот во 2002 година, кога беше утврдено дека 25 отсто од населението се Албанци. – “Бројот на државјани е секогаш поголем од бројноста на населението во државата, па не е изненадувачка бројката на издадени државјанства. Што се однесува на бројноста на населението во Република Македонија, на 1.1.2018 утврдена е бројка од 2.075.301 жител. Тоа е утврдено со процени, кои не се докрај прецизни но се блиску до тоа, со споредбени методи, односно со користење на податоците од пописот во 2002 година, како и податоците за прирастот на населението од секоја година потоа и за надворешните миграции. Сепак, сметам дека не може да се зборува со стопроцентна сигурност за валидноста на податоците за процентуалната етничката застапеност во оваа бројка на населението вели демографот Дончо Герасимовски во изјава за Нова Македонија од 5. декември 2018-та. Пописот, наместо да биде техничка операција ќе биде нова експлозија на незадоволство и етничка мајоризација која во веќе нестабилното оптштество дополнително ќе ги влоши меѓуетничките односи во Македонија, и ќе ја зголеми недовербата на граѓаните во државните институции.

Арсовски: Додека земјите во регионот започнаа со вакцинација против КОВИД-19, Владата на Заев лицитира со датуми и бројка на вакцини кои никако да пристигнат

Тале Кристо — Mon, 18 Jan 2021 20:38:58 +0000

„Додека целиот регион со петни жили се обидуваат да најдат што поголема бројка на вакцини за своите граѓани очигледно е дека кај нас воопшто не се интересираат челниците на власта вклучително и премиерот Заев, министерот Венко Филипче и сите оние останати кои што изминатиов период ги гледавме целовремено на медиумите со прес конференции како известуваа за корона пандемијата во Република Македонија. Така да, морам да потенцирам додека сите други влади од регионот, но и од Европа, оние кои што сериозно го сфаќаат своето функционирање и здравјето на граѓаните во нивните држави, се бореа, се трудеа, бараа, лобираа да најдат што повеќе вакцини, тука кај нас во Република Македонија гледаме само прес конференции на кои што тековно се известува за ситуацијата, а практично во најголем дел тие прес конференции на некој начин ги смируваа лажно граѓаните, појасни Димче Арсовски, портпарол на ВМРО-ДПМНЕ во своеото гостување на „Радио Лидер“. Арсовски додаде дека другите држави бараа вакцини, нашата влада ја тресеја скандали. Со ова темпо со кое се движи државата тешко дека македонските граѓани ќе добијат вакцини против КОВИД-19. Оваа влада потроши повеќе од милијарда евра за справување со епидемијата, но резултатите не се почувствуваа, напротив се повеќе граѓани заболеа од КОВИД – 19, се повеќе граѓани останаа на улица. „Нашата соседна држава Србија односно нивната влада ќе ни донира 8.000 вакцини, нормално таа донација може со сигурност да видам дека се работи како милостина кон македонската вдржава, бидејќи самите гледаат дека оваа Влада е неспособна да обезбеди вакцини“, појасни Арсовски. Арсовски посочи дека позитивен пример е како албанскиот премиер се избори за својата држава, за своите граѓани да имаат вакцини против КОВИД-19. А, владата на Заев наместо така да се избори, тиесамо лицираат со бројки на вакцини и со датуми кога ќе пристигнат истите. „Политиката на оваа влада е „Купи ден – помини“, секојдневно измислуваат што ново да ги излажат граѓаните за да нивната неспособност и нивниот неуспех го сокријат. За жал додека македонскиот народ ги трпи оваа неспособност на владата предводена од СДСМ, сите земји во регионот веќе почнаа со вакцинирање“, нагласи Арсовски.

Османи контра СДСМ: Не е сега време на лицитација и популизам

Тале Кристо — Wed, 25 Mar 2020 19:52:30 +0000

Не се согласуваме со ставот на СДСМ како прва мерка да биде намалување на платата на луѓето во јавната администрација на ниво на минимална плата, затоа што сметаме дека постојат други начини на штедење и кратење и сметам дека тоа треба да ни биде последна мерка, вели вицепремиерот за европски прашања Бујар Османи во гостување во отвпреното студиот на ТВ 24. Во однос на предлогот на министерката за правда Рената Треноска Десковска, за укинување на финансирањето на политичките партии Османи смета дека сега не е време за лицитација и популистички предлози. Не може никој да лицитира без да седне на маса и да координира со политичките партии, додава Османи.