лидија димова – Kurir.mk

Соработникот на Димова доби условна казна, треба да врати 15.000 евра на Агенцијата

Ивана Ефремовски — Tue, 21 Feb 2023 13:47:26 +0000

Александар Гочев, соработникот на поранешната директорка на Националната агенција за европски образовни програми, Лидија Димова, кој призна вина е условно осуден на затворска казна, но треба да исполни два услови. Две годни да не направи ново кривично дело, но и во рок од шест месеци да врати 15 илјади евра во касата на Националната агенција. Поранешната директорка се гони за кривично дело „злоупотреба на службена положба и овластување“ и „измама“ на штета на средства на Европската заедница. Александар Гочев за кривично дело „измама“, исто така, на штета на Европската заедница и Ана Павлиду за „несовесно работење во службата“. Гочев призна вина, а Димова најави дека ќе ја докажува својата невиност пред суд.

Судењето за Лидија Димова продолжува на 3 март

Тале Кристо — Thu, 02 Feb 2023 12:34:32 +0000

Судењето за случајот со „злоупотреба на службена положба и овластување“ и „измама“ на штета на средства на Европската заедница продолжува на 3 март. На почетокот на судењето второобвинетиот призна вина со што кривичната постапка за Гочев беше одвоена и закажана за 21 февруари, а судењето продолжи само за првообвинетата Лидија Димова, поранешна директорка на Националната агенција за европски образовни програми и мобилност која се товари за "злоупотреба на службена положба и овластување“ и „измама“ на штета на средства на Европската заедница и третообвинетата Ана Павлиду за „несовесно работење во службата“. Одбраната на Димова дополни уште три лица на листата сведоци, кои биле ангажирани непосредно во јавните набавки и службените патувања на Националната агенција. Застапникот на обвинението, обвинителката Сузана Мирческа Кузмановска, во своето излагање потенцира дека поради тоа што станува збор за правно лице истражувањето траело подолг временски период. На тоа одбраната се надоврза истакнувајќи дека баш поради тоа што станува збор за специфицно правно лице доколку имало злоупотреба ќе реагирале и од надлежен орган од ЕУ кој има за цел да го следи трошењето на европските фондови. Одбраната на Лидија Димова истакна рече дека ќе докаже оти спроведената истрага била нецелосна. Процесот го води судијката Фанка Јанчулева Михаиловска, а застапник на обвинението е обвинителката Сузана Мирческа Кузмановска.

Второобвинетиот Гочев го призна делото, Лидија Димова и Ана Павлиду не чувствуваат вина и судењето против нив продолжува

Тале Кристо — Thu, 02 Feb 2023 11:02:57 +0000

Лидија Димова и Ана Павлиду кои се товарат за "злоупотреба на службена положба и овластување“ и „измама“ на штета на средства на Европската заедница и третообвинетата Ана Павлиду за „несовесно работење во службата“, рекоа дека не се чувствуваат виновно со што судењето против нив продолжува. Второобвинетиот Александар Гочев кој се товари за кривично дело „измама“ во случајот со „злоупотреба на службена положба и овластување“ и „измама“ на штета на средства на Европската заедница денеска во Основниот кривичен суд призна вина. Гочев кој на почетокот побара судењето да биде одложено поради отсуство на неговата одбрана рече дека вината не ја негирал и пред да почне судењето. Судијката која го води процесот Фанка Јанчулева Михаиловска, одлучи кривичната постапка за Гочев да биде одвоена со цел второобвинетиот да може да ја даде изјавата во присуство на бранител. Рочиштето за Гочев ќе се одржи на 21 февруари. Првообвинетата Лидија Димова, поранешна директорка на Националната агенција за европски образовни програми и мобилност која се товари за "злоупотреба на службена положба и овластување“ и „измама“ на штета на средства на Европската заедница и третообвинетата Ана Павлиду за „несовесно работење во службата“, рекоа дека не се чувствуваат виновно со што судењето против нив продолжува.

Почна судењето против поранешната директорка на Националната агенција за европски образовни програми и мобилност, Лидија Димова

Тале Кристо — Thu, 02 Feb 2023 09:39:06 +0000

Во Основниот кривичен суд денеска почна судењето против поранешната директорка на Националната агенција за европски образовни програми и мобилност, Лидија Димова. Судењето претходно беше одложено, бидејќи првообвинетата не се појави под оправдување дека имала влошена здравствена состојба. Поранешната директорка на Националната агенција за европски образовни програми и мобилност, Лидија Димова, се гони за кривично дело „злоупотреба на службена положба и овластување“ и „измама“ на штета на средства на Европската заедница. Александар Гочев за кривично дело „измама“, исто така, на штета на Европската заедница и Ана Павлиду за „несовесно работење во службата“. Процесот го води судијката Фанка Јанчулева Михаиловска, а застапник на обвинението е обвинителката Сузана Мирческа Кузмановска.

Одложено судењето против Лидија Димова, не се појавила на суд

Магдалена Андонова — Mon, 14 Nov 2022 10:06:24 +0000

Судењето против поранешната директорка на Националната агенција за европски образовни програми и мобилност, Лидија Димова, е одложено за 2 февруари, откако првообвинетата денеска не се појави во Основниот кривичен суд – Скопје. Како што информираше судијката Фанка Јанчулева Михаиловска, обвинетата со поднесок до Судот побарала одложување на рочиштето поради влошена здравствена состојба. Одложување побарала и јавната обвинителка, бидејќи поради неодложни службени обврски била спречена да присуствува на првото насрочено рочиште. Советот реши да го одложи судењето за 2 февруари 2023 година. Поранешната директорка на Националната агенција за европски образовни програми и мобилност, Лидија Димова, се гони за кривично дело „злоупотреба на службена положба и овластување“ и „измама“ на штета на средства на Европската заедница. Александар Гочев за кривично дело „измама“, исто така, на штета на Европската заедница и Ана Павлиду за „несовесно работење во службата“. Процесот го води судијката Фанка Јанчулева Михаиловска, а застапник на обвинението е обвинителката Сузана Мирческа Кузмановска.

Димова: Заташкувањето на сообраќајката во Бугарија ќе има последици по сите нас, а не само по несреќните лица што загинаа и нивните семејства

Катерина Бојаџиева — Fri, 26 Nov 2021 19:49:16 +0000

Заташкувањето на сообраќајката во Бугарија ќе има последици по сите нас, а не само по несреќните лица што загинаа и нивните семејства. Визната либерализација виси на конец! Отворен Балкан може да напредува!, пишува разрешената директорка во Националната агенција за европски образовни програми и мобилност, Лидија Димова.

Во истрагата против Лидија Димова ќе се вклучи и Европската канцеларија за истраги

Магдалена Андонова — Thu, 18 Nov 2021 19:08:46 +0000

Европската канцеларија која е надлежна за истраги поврзани со измами при Европската комисија, ОЛАФ, ќе се вклучи во истрагата што ја води Обвинителството за гонење на органзиран криминал и корупција против поранешната директорка на Националната агенција за европски образовни програми и мобилност, Лидија Димова. Обвинителката што го води предметот очекува средба со претставници на ОЛАФ која е од клучно значење за истрагата. По предметот активно се постапува во насока на обезбедување на дополнителен доказен материјал од надлежните институции. Предметниот обвинител очекува да биде реализирана средбата со претставници на ОЛАФ која е од клучно значење во предметот – велат од Обвинителството за „Фокус“. Поради обемноста на прибраниот доказен материјал, како и ограничувањата што произлегле како резултат на пандемијата, обвинителот побарал дополнително време за спроведување на процесни дејствија од републичкиот јавен обвинител. Други детали од Обвинителството не соопштуваат. Истрагата за Димова трае повеќе од една година и се уште нема обвинение откако обвинителот побара дополнителни шест месеци за да продолжи да истражува. Димова беше разрешена и против нејзе беше отворена истрага откако беше обелоденето дека во изминативе три години Националната агенција доделила грантови од програмата „Еразмус 2“ во износ од 270 илјади евра на фризерница. Сопственикот истовремено бил и надворешен експерт во Националната агенција, а беше објавено и дека во благајната на Агенцијата недостасуваат 15 илјади евра.

Муцунски: Како да зборуваме за правда кога Ден Дончев и Лидија Димова не одговараа и не знаеме каде се, а во државава имаме политички затвореници?

Ивана Ефремовски — Thu, 01 Apr 2021 18:59:03 +0000

Една од работите кои се нотирани во извештајот на Стејт департментот е дека продолжува да функционира спрегата помеѓу политичките елити и правосудниот систем. Затоа што реалната ситуација во Македонија е дека е дека одговорност има за сиромашните и за тие кои немаат политички и бизнис конекции. Тие ја чувствуваат неправдата на правосудниот систем во државава, изјави во „Вин вин“ на Телма, Тимчо Муцунски, пратеник и секретар за меѓународна соработка на ВМРО-ДПМНЕ. Тој потенцира дека не може да зборуваме за правда во оваа држава и да веруваме дека постои правосуден систем кога за случаи како тој на Ден Дончев и Лидија Димова ниту има кривична разрешница ниту знаеме каде се. - Ние зборуваме за одговорност. Би потсетил за случајот на Ден Дончев и за случајот со злоупотребите во Фондот за европско образовни програми и Лидија Димова, за кои до овој момент јавноста не слушнала дека има постапување од точка на кривично правен прогон, истрага, обвинение. Не е доволно само да држат прес конференции колку се транспарентни, туку и кога има вакви забелешки мора да има постапување на правосудството, истакна Муцунски. Тој нагласи дека во оваа држава имаме и политички затвореници, а тоа се луѓе кои лежат по 15 години затвор за дело кое што не го направиле, тоа се луѓето осудени за настаните од 27 април. - Тие луѓе не се терористи. Судијата кој ја даде таа пресуда за 27 април, го унапредија за Уставен судија. Како граѓаните да веруваат во транспарентен правосуден систем. А луѓе за кои цела држава слушна и виде дека направиле криминал не знаеме ни каде се сега. Како имаме правда во Македонија и да веруваме дека постои правосуден систем?, вели Муцунски.

Николоски: Скандалот со Лидија Димова е една од причините зошто Македоноија не започна преговори со ЕУ

Дарко Андоновски — Tue, 24 Nov 2020 18:26:29 +0000

Александар Николоски, Потпретседател на ВМРО-ДПМНЕ во своето гостување во емисијата „Што не е јасно“ зборуваше за скандалот за Лидија Димова односно за злоупотреба на пари од Европската агенција за образовни програми и посочи дека тоа е и една од причината поради кои Македонија не ги отпочне преговорите со ЕУ. Според Николоски овој случај нема врска ни со владеење на право, ниту со систем има исклучи врска со внатрепастискафракциска битка со СДСМ. -Бев гостин на една друга национална телевизија и таму и исто така и таму зборувавме за датум за преговори тогаш беа многу среќни претставниците на власта затоа што имало позитивен извештај на ЕУ. Тоа беше минатата година во јуни и јас реков овој извештај не соодветствува на реалноста и неколку земји членки на ЕУ подготвуваат свои извештаи и тоа беше тогаш скандализирано, како е тоа возможно за после неколку дена да се покаже дека неколку земји членки на ЕУ навистина имаа свои извештаи за состојбата во Македонија кои не соодвествуваа на извештајот на ЕУ и заради таа причина Македонија во октовмри 2019 исто така не доби датум за почеток на преговори. На истата емисија реков дека една од причините зошто Македонија тогаш нема да добие датум за почеток на преговори е злоупотреба на пари од Европската агенција за образовни програми кој што се пари кои ги дава ЕУ на локална агенција предводена од владата и од претставник на шарената револуција кои треба да ги менаџира тие пари. Јас кажав дека има индиции за криминал, тогаш тоа беше демантирано и бев напаќан за сега да стигнеме да имаме јавно објавен скандал, разрешување на директорката и истрага за истата работа, рече Николоски. Тој во своето гостување посочи дека ќе било доблесно Заев да праша како ги тој имал сите информации. -Ќе беше доблесно да се јави Заев да праша како ги имаш сите овие информаци. -Јас би ги ставил сите мои контакти на располагање на Македонија затоа што мене една работа ми е пред освојувањето на власта и победата на ВМРО-ДПМНЕ, а тоа е добробитта на Македонија. Отварањето на овој случај нема врска ни со владеење на право, ниту со систем има исклучи врска со внатрепастиска фракциска битка со СДСМ, додаде Николоски.

Судот им ги одзеде пасошите на Лидија Димова и на поранешен соработник во Националната агенција

Дарко Андоновски — Wed, 04 Nov 2020 13:53:54 +0000

Судот донесе решенија со кои го уважи предлогот на разрешената директорка Лидија Димова и на поранешниот надворешен соработник во Националната агенција за европски образовни програми, Александар Гочев да им определи мерки: oдземање на патната или друга исправа за преминување на државната граница, обврска за повремено јавување во судот и забрана за вршење на одредени работни дејствија, соопштија од Кривичниот суд. На 2 ноември судија на претходна постапка го прифати и предлогот за определување мерки за претпазливост за Зоран Златковски, сопственик на фризерницата В.Е.З. Трејд, за која „А1он“ објави дека од Националната агенција добила 270 илјади евра. Мерки за обезбедување на присуство, не беа побарани само за пензионираната благајничка, Ана Павлиду. Против овие решенија странките имаат право на жалба пред Кривичниот совет. Разрешената директорка денеска ги избегна камерите и новинарите, без да даде одговор дали навистина сторила злоупотреба на европски фондови, за што ја товари Обвинителството за организиран криминал и корупција. Таа од судот излезе со нејзината адвокатката која на прашањата за Димова одговори: „Во друга прилика”. Пред неа, на распит беше и Александар Гочев, второосомничен во случајот кој го води Обвинителството. Кривичната пријава против Лидија Димова, Александар Гочев, Зоран Златковски и Ана Павлиду ја поднесе Финансиската полиција, а Обвинителството покрена истрага. Делата за кои се сомничат се злоупотреба на службена положба и овластување, злоупотреба на европски фондови и несовесно работење во службата.