Лидија Ристевска – Kurir.mk

ДА ПОМОГНЕМЕ: Лидија пред уште една голема битка – да застане на нозе, недостигаат уште 5000 евра до целта

Ивана Ефремовски — Sat, 24 Oct 2020 16:10:07 +0000

Во 2001-ва година на Лидија Ристевска од Битола и е дијагностицирана Мултипла Склероза, невролошка автоимуна хронична болест која често доведува до телесни и сознајни попречености. Оттогаш таа добро се снаоѓаше со симптомите, се до пред 2 и пол години кога доби силен напад кој ја доведе до целосна парализа, проблеми со дишење и голтање и други. Во декември минатата година ја направи првата трансплантација со матични клетки во Москва, Русија, од кога ги почувствува првите подобрувања: се поврати сензибилитетот и дишењето се нормализира. Моментално Лидија се наоѓа на повеќемесечна рехабилитација со роботика во Србија, каде полека започнува со првите движења. Втората трансплантација на матични клетки е треба да се изврши оваа година. Од оваа трансплантација се очекува дека Лидија ќе може да застане на нозе и да почне самостојно да функционира. На Лидија и недостигаат уште 5000 евра до целта, коишто таа не може сама да си ги обезбеди. Да и помогнеме на Лидија да ја заврши мисијата до крај и да може повторно да ужива во прошетките во природа, да почне повторно да плива - нејзино страсно хоби, и пред се да може повторно да и се посвети на својата ќерка, која моментално ја презема улогата на својата мајка. Лидија им се обраќа на сите хумани луѓе да донираат во рамки на своите можности за да се соберат потребните средства на време и да замине на закажаната втора трансплантација. Можете да донирате на следниов начин:

Да донираме од срце, да помогнеме Лидија да успее до крај

Ивана Ефремовски — Wed, 20 May 2020 10:50:49 +0000

Лидија Ристевска боледува од прогресивна “мultiplex ѕcleroza“ која и предизвикува квадриплегија на сите четири екстремитети, како и тешкотии при голтање и дишење и многу останати тешки симптоми. Сега се потребни средства за втората трансплатација со матични клетки. Заедно со неа успеавме еднаш, ќе успееме пак да ја победиме и оваа битка. Третманот со матични клетки и едномесечна рехабилитација лини 30.000 евра.

На Лидија ѝ се заканува целосна парализа, а потребните пари никако да се соберат: Ова е итен апел за помош!

Ивана Ефремовски — Wed, 28 Aug 2019 11:27:39 +0000

Лидија подолго време се обидува да ги собере потребните парични средства за да замине на трансплантација на матични клетки во Русија. Од месец март до сега никако да успее да ги собере потребните пари. Иако ситуацијата е итна Лидија не може да замине и постои ризик од целосна парализа. Недостигаат 18.000 евра. Дали Лидија ќе замине во Русија и еден млад живот ќе успее во борбата зависи од нас. Нашите 100 денари за Лидија значат шанса за живот. Ајде да донираме за Лидија, да споделиме, да тагнеме пријатели, да ја рашириме оваа вест и да ги собреме потребните пари за Лидија! 143 121 Телеком 143 474 Вип/Оне

ДА ЈА ПОКАЖЕМЕ ХУМАНОСТА НА ДЕЛО- на Лидија и недостасува половина сума за закажаната трансплатацијата со матични клетки

Дарко Андоновски — Wed, 08 May 2019 18:52:51 +0000

Драги наши сограѓани, голем број знаете за состојбата за напреднатата прогресирачка Мултиплекс склероза кај Лидија Ристевска која тивко ја уништува и дека единствената можност да успее е трансплатацијата со матични клетки во Русија. Недостижно е тоа без ваша помош драги мои. Третманот е 45.000 евра кои треба да ги има за еден месец бидејќи веќе е закажано за јуни поради тешката состојба. Недостигаат уште 25.000 евра за таа да замине на овој третман. Ве замолуваме и апелираме за помош да успее во ова што и е единствена надеж. Сите хумани луѓе сите помоќни фирми ги молиме да помогнат да ја собереме потребната сума. ВИ БЛАГОДАРИМЕ МОЖЕБИ ЌЕ СПАСИТЕ ЖИВОТ! Ж.с-ка 500600016598443 Стопанска банка АД Битола IBAN MK 07500080003654013 SWIFT CODE STBBMK22 Stopanska banka AD Bitola Донациски броеви T mobile 143 - 121 VIP ONE 143 - 474

Итен апел за помош: Ѝ требаме на Лидија Ристевска

Катерина Бојаџиева — Mon, 08 Apr 2019 19:54:02 +0000

Лидија Ристевска боледува од прогресивна Мултиплекс склероза со сериозни симптоми како попреченост во моториката, тешкотии при голтање и дишење. Мора итно да замине во Русија за трансплатација на матични клетки. Третманот е еднократен и чини 45.000 евра во специјалната болница Пирогов во Москва, а интервенција е потребна веднаш поради влошена состојба односно е со веќе закажан термин на 24-ти јуни. Секако се потребни средства за други трошоци како за патни, престој и рехабилитација. Ж.с-ка: 500600016598443 Стопанска Банка АД Битола IBAN: MK 07500080003654013 SWIFT CODE: STBBMK22 Stopanska banka AD Bitola Донациски броеви T mobile: 143 121 VIP: 143 474