лидс – Kurir.mk

Алардајс нов тренер на Лидс

Ивона Петрова — Wed, 03 May 2023 17:30:32 +0000

Поранешниот англиски селектор Сем Алардајс (68) е назначен денеска за нов тренер на Лидс со задача да се обиде да му обезбеди на клубот од Западен Јоркшир опстанок сезонава во Премиер лигата. Шеесетиосумгодишниот Алардајс доаѓа на местото на Шпанецот Хави Гарсија (58), кој поради слаби резултати доби отказ на четири кола пред крајот на англиското првенство. „Бев шокиран. Не мислев дека ова ќе се случи во оваа фаза од сезоната. Мислев дека нема да има работни ангажмани“, изјави Алардајс за англиските медиуми, додавајќи оти за одлуката да ја прифати понудата од Лидс му биле потребни две секунди. „Добро ќе беше да имав повеќе време на располагање, но имаме четири натпревари и се надевам дела ќе успееме да го задржиме овој прекрасен клуб во Премиер лигата“, истакна Алардајс, чие деби ќе биде в сабота на гостувањето кај актуелниот шампион и лидер на табелата Манчестер сити. Лидс во моментов се наоѓа на 17 место со 30 бодови, колку што има и Нотингем Форест едно место подолу со послаба гол-разлика.

Лидс ќе се обиде да избори опстанок со нов тренер

Бошко Тасиќ — Tue, 02 May 2023 13:52:21 +0000

Фудбалскиот клуб Лидс реши да го отпушти Хави Грација и опстанок во Премиер лигата ќе брка со познатиот тренер Сем Алердајс. Популарниот „Биг Сем“ по којзнае кој пат во кариерата ќе превземе екипа која се бори за опстанок. Низ кариерата многу често излегувал како победник во вакви тешки ситуации. Алердајс ќе биде третиот менаџер на Лидс оваа сезона, по Џеси Марш и Хави Грасија, кои пристигнаа во февруари. Лидс има 30 бода исто колку и Лестер и Нотингем, а Евертон 29 и овие четири екипи ќе водат жестока борба за опстанок.

Шпанецот Гарсија нов тренер на Лидс

Ивана Ефремовски — Wed, 22 Feb 2023 07:40:50 +0000

Шпанскиот 52-годишен фудбалски стратег Хави Гарсија е нов тренер на Лидс со кого потпиша „флексибилен“ договор и го замени на клупата Џеси Марч, објави клубот од Премиер лигата. Американецот Марч беше отпуштен пред две недели по серијата слаби резултати поради кои Лидс се најде во зоната на испаѓање по 23 одиграни кола. „Лидс Јунјатед со задоволство објавува дека клубот ги договори условите со Хави Гарсија за ангажман на позицијата главен тренер на првиот тим, доколку му биде издадена работна дозвола‘, се наведува во клупското соопштение. Гарсија не е непознат тренерски лик во Премиер лигата. Од јануари 2018 до септември 2019 година Шпанецот Гарсија го тренираше Ватфорд и со клубот играше во финале на ФА купот. (МИА)

Тен Хаг по ремито со Лидс: Недозволиво лошо го почнавме натпреварот

Ивана Ефремовски — Thu, 09 Feb 2023 07:33:29 +0000

Во заостанат натпревар од 8. коло во Премиер лигата, Манчестер јунајтед синоќа на домашен терен одигра нерешено со Лидс 2:2. Јунајтед се спаси од пораз со два гола постигнати во последната третина од натпреварот. Тренерот Ерик Тен Хаг не е задоволен од начинот на кој неговите избраници влегоа во натпреварот. - Може да се каже дека освоивме бод затоа што е одлично да се вратиме по 0:2. Од друга страна, неприфатливо е да се започне вака. Треба да бидете подготвени за битка, но ние не бевме. Ова е првото нешто што го кажав за време на паузата. Реков дека мораме да се увериме дека сме подготвени. И во второто полувреме веднаш примивме гол - навистина е разочарувачки. Треба да ја одржувате концентрацијата во текот на целиот натпревар. Во последните 20 минути создадовме многу шанси, но реализацијата не беше толку добра, изјави Тен Хаг. Манчестер јунајтед се наоѓа на 3. место со 43 бода од 22 натпревара. Лидер на табелата во Премиер лигата е Арсенал со 50 бода од 20 натпревари. (МИА)

Мекени се пресели од Јувенту во Лидс

Бошко Тасиќ — Tue, 31 Jan 2023 05:58:56 +0000

Американскиот фудбалер Вестон Мекени официјално е нов играч на англискиот премиерлигаш Лидс Јунајтед. Крилниот играч доаѓа во најдобрата лига на Островот на позајмица до крајот на сезоната и таа ќе тежи 1,5 милиони евра. А потоа, Лидс ќе може да го откупи за 35 милиони евра. Во договорот постојат и други клаузули врзани со неговиот придонес во тимот. Вкупната сума за трансферот на Мекени од Јувентус во Лидс ќе дојде до 41,5 милиони евра кога ќе се сумираат сите работи. 24-годишниот Американец во Јувентус играше од 2020 година, а претходно беше дел од Шалке 04.

Момче од Англија на 11 години има повисок коефициент на интелигенција од Ајнштајн

Дарко Андоновски — Tue, 15 Nov 2022 08:03:44 +0000

Јусуф Шах, момче кое живее во Лидс, Велика Британија, според тестот за интелигенција на Менса, е „попаметен“ и од Ајнштајн и од Стивен Хокинг. – Сите на училиште мислат дека сум многу паметен и отсекогаш сум сакал да знам дали сум во првите два отсто меѓу луѓето кои го полагаат тестот Менса, изјави момчето за „Јоркшир ивнинг пост“. Имено, 11-годишниот Шах на тестот освоил 162 поени – неговиот коефициент на интелигенција. Алберт Ајнштајн и Стивен Хокинг, за споредба, имале коефициент на интелигенција од околу 160. Инаку, шестоодделенецот сака да учи математика на Оксфорд или Кембриџ. Неговиот татко вели дека тој едноставно има природно чувство за математика. – Дури и неговите учителки секогаш кога ќе ги добиеме извештаите од училиштето велат: „Нема што да го учиме, тој веќе знае сè“!, нагласува таткото на малиот генијалец.

Лидс му го нанесе првиот пораз на Челзи во новата сезона

Дарко Андоновски — Sun, 21 Aug 2022 15:47:07 +0000

Во англиската Премиер лига викендов се играат натпреварите од 3.коло во кое Челзи го запиша првиот сезонски пораз. Попладнево „сините“ од Лондон загубија на гостувањето кај Лидс со 3:0. Головите ги постигнаа Бренден Аронсон, Родриго Морено Мачадо и Џек Харисон. Челзи средбата ја заврши со фудбалер помалку поради исклучувањето на Калиду Кулибали. Избраниците на тренерот Томас Тухел имаат четири од можни 12 кола. Челзи еднаш победи, еднаш ремизираше, а денеска беше совладан од Лидс. Пред докомплетирање на колото, Арсенал е лидер на табелата со максимални девет бода, Тотенхем, Лидс и Брајтон имаат по седум, Манчестер сити шест и натпревар помалку.

Лидс нуди пет милиони евра за најмладиот голгетер во италијанската репрезентација

Магдалена Андонова — Thu, 18 Aug 2022 17:38:10 +0000

Лидс е во преговори за ангажирање на напаѓачот на Цирих, Вилфрид Гнонто. Според новинарот Николо Шира, англискиот клуб понуди пет милиони евра за 18-годишниот Италијанец и ги договори условите на личниот договор со играчот. „Transfermarkt.com“ го процени Гнонто на 10 милиони евра. Во јуни, Гнонто дебитираше за италијанската репрезентација. Тој на 14 јуни постигна гол во натпреварот од Лигата на нации со Германија (2:5) и стана најмладиот голгетер во историјата на националниот тим. (МИА)

Арсенал блиску е до ангажман и на Рафиња

Бошко Тасиќ — Sat, 25 Jun 2022 04:25:20 +0000

Арсенал и Манчестер сити имаат договор за трансфер на Габриел Жезус, кој ќе чини 45 милиони фунти и Бразилецот речиси сигурно ќе биде нов напаѓач на Топчиите од Лондон. Арсенал најавува уште еден одличен трансфер, кој изгледаше невозможна мисија, но сега е реалност. Се работи за уште еден Бразилец, Рафиња од Лидс. Иако првично беа одбиени, сега информациите се дека двата клуба се блиску до договор, а и Рафиња нема ништо против да го носи црвениот дрес на Арсенал.

Лидсовци ја сеират Италија со Џани Алиоски, имаат и посебна порака за Роналдо (ФОТО)

Ристе Здравков — Fri, 25 Mar 2022 10:35:46 +0000

Англија ланското лето доживеа горчлив пораз во финалето на Еуро 2020 од Италија, па сеирот од Чизмата беше болен на Островот, ама осум месеци потоа Англичаните дочекаа да вратат двојно и тоа после сензацијата на Македонија и елиминацијата на европскиот првак од трката за Светското првенство. Посебно навивачите на Лидс се главни во мајтапот и тоа само поради својот некогашен најомилен фудбалер Езџјан Алиоски, кој остави силен белег на „Иланд Роуд“, па навивачите сега плачат по него, откако клубот дојде во зона грчевито да се бори за опстанок. И настрана што ја сеират Италија со Алиоски...

Alioski > Italy. #MOT pic.twitter.com/QLNUGv57tU
— Nick 🇨🇦 (@Nick28T) March 25, 2022

..., имаат и посебна порака за Португалија и Кристијано Роналдо. Во вторник Алиоски ќе му ја заврши кариерата на велемајсторот со елиминација на Португалија.

Alioski has just knocked the European Champions out of the World Cup. Next stop, ending Ronaldo’s international career. #lufc pic.twitter.com/bH954edNrm
— Andy Lowe 💙 (@AndyLoweLeeds) March 24, 2022

Italy???
— Andrew (@Tillian1243) March 24, 2022