лига 1 – Kurir.mk

Мбапе го повтори рекордот на Паје во Лига 1

Тале Кристо — Sat, 22 Apr 2023 08:57:03 +0000

Фудбалерот на Пари Сен-Жермен, Килијан Мбапе постигна два гола синоќа на натпреварот од 32. коло на францускиот шампионат против Анже (2:1). Сега на сметката на 24-годишниот Французин се 214 голови плус асистенции во Лига 1 (157 гола и 57 асистенции). Мбапе го повторил рекордот на турнирот кој го држеше играчот на Марсеј, Димитри Паје. Во оваа статистика земени се предвид само натпреварите почнувајќи од сезоната 2006/07 кога почнаа да се бројат овие податоци.

Натпревар од Лига 1 одложен поради лошата состојба на теренот по музички фестивал

Ивона Петрова — Sun, 14 Aug 2022 10:40:10 +0000

Натпреварот од второто коло во францускиот шампионат меѓу Лориен и Лион е одложен за друг термин. Оваа одлука е донесена поради лошата состојба на тревникот на „Стад ду Мустоар“ во Лориен. Од 6 до 11 август во арената се одржуваше музички фестивал, поради што тревникот, покриен со церада, беше сериозно оштетен. Лион на официјалната веб-страница го изрази своето жалење што Лориен не направи сЕ што е можно за да ја спречи оваа ситуација. Натпреварот Лориен – Лион требаше да се одигра денес од 13 часот.

Мбапе се изедначи со Ибрахимовиќ по голови за ПСЖ во Лига 1

Ивона Петрова — Thu, 21 Apr 2022 06:10:06 +0000

Пари Сен-Жермен го совлада Анже (3:0) во 33. коло од францускиот шампионат. Стрелец на првиот гол беше Килијан Мбапе. Така, 23-годишниот Французин стигна до бројката од 113 постигнати голови во Лига 1. Во овој показател се израмни со екс напаѓачот на парижаните Златан Ибрахимовиќ. На првото место е Единсон Кавани со 138 погодоци. Мбапе оваа сезона забележа 40 настапи во сите натпреварувања, постигнувајќи 32 гола и 22 асистенции. За потсетување, во март Мбапе го престигна Ибрахимовиќ во головите за ПСЖ во сите натпреварувања.

Нејмар е најплатен играч во Лига 1

Ивона Петрова — Tue, 22 Mar 2022 11:40:26 +0000

Изданието L’Equipe објави рангирање на најплатените играчи во фудбалскиот шампионат на Франција. Во топ 20 на рангирањето има 18 играчи на ПСЖ. Најмногу во Лига 1 добива Нејмар, напаѓачот на парискиот тим – 4,083 милиони евра месечно. Второто место на рангирањето го зазеде соиграчот на Нејмар, Лионел Меси со 3,375 милиони евра месечно. На третата позиција е уште еден напаѓач на ПСЖ – Килијан Мбапе со 2,22 милиони евра месечно. За одбележување е дека меѓу 20-те најплатени играчи во лигата, освен фудбалерите на ПСЖ се двајцата членови на Монако, Висам Бен Једер (15. место, 650 илјади евра месечно) и Франсеск Фабрегас (18. место, 600 илјади евра месечно).

Само бод за Реал на првиот натпревар од новата сезона во Лига 1

Ивона Петрова — Mon, 21 Sep 2020 05:56:56 +0000

Актуелниот шпански шампион, Реал Мадрид, одигра само 0:0 со Реал Сосиедад, синоќа во мечот од 2. коло во новата сезона од Ла Лига. За Реал ова беше прв дуел оваа сезона. Домашниот натпревар од 1. коло со Гетафе беше одложен. На другите неделни средби: Хуеска Кадиз 0:2 Бетис – Ваљадолид 2:0 Гранада – Алавес 2:1.

Лига 1 останува со 20 екипи, Амиен и Тулуз беа преместени

Магдалена Андонова — Tue, 23 Jun 2020 14:06:13 +0000

Француските клубови во вторникот гласаа да ја задржат Лига 1 со 20 екипи следната сезона, отфрлајќи го предлогот за зголемување на бројот на екипи на 22, што би ги спасило Амиен и Тулуз од испаѓање. Двете екипи беа на последните две позиции во пласманот, кога првенството беше суспендирано на почетокот на април, поради пандемијата од коронавирус, но тие ја однесоа одлуката на лигата на судот, тврдејќи дека нивното испаѓање од елитата е „неправедно“. Претходно овој месец Врховниот управен суд на Франција го блокираше нивното испаѓање сè додека судијата не нареди на Француската лига (ЛФП) да го преиспитаат, заедно со Француската фудбалска федерација, предлогот за промена на форматот за Лига 1 во следната кампања. Ова би можело да значи и зголемување на првенството за уште два тима, бидејќи промоцијата ќе остане, а оние кои треба да испаднат ќе го задржат нивниот статут. Сепак, на Генералното собрание на клубовите од првата лига, како и на играчи и тренери, 74,49 отсто гласаа за задржување на Лига 1 со 20 екипи. – Ова следи по темелна студија за последиците врз Лига 1 со 20, 21 или 22 клуба на календарот за следната сезона и здравјето на играчите. Студијата, исто така, го разгледа финансиското влијание, распределбата на телевизиските права и импликациите врз телевизиските договори, се вели во соопштението на ЛФП. Амиен вети дека ќе ја продолжи борбата на суд, но гласањето ќе стави крај на фудбалскиот спор еднаш засекогаш, а следната сезона во Франција ќе започне на крајот на август и повеќето клубови веќе продолжуваат со тренинзите. Одлуката за прекинување на сезоната предвреме доведе до првенството да се одлучува по бројот на освоени бодови, но тоа не го смени конечниот ранг на кој било начин. Тулуз, на дното на табелата неколку месеци и со само три победи и 13 поени од 28 средби, имаше 14 поени за спас. Амиен беше на оддалеченост од само четири бода од баражот. Лориен и Ленс освоија промоција на нивно место, додека вообичаените баражи за влез / излез беа откажани. (МИА)

Во Франција одлучија да не ја прошируваат Лига 1 на 22 екипи

Тале Кристо — Fri, 19 Jun 2020 17:20:52 +0000

Раководството на Професионалната фудбалска лига на Франција едногласно гласаше против проширување на Лига 1 со 22 во сезоната 2020/21, објавено е на официјалната веб-страница на организацијата. Во врска со почетокот на сезоната во Франција, се разгледуваше можноста за промена на форматот на турнирот, меѓутоа, раководството на францускиот фудбал дојде до заклучок дека експанзијата е невозможна, со оглед на последиците од кризата и финансиските проблеми на клубовите. Така, најверојатно, Амиен и Тулуз, кои ја завршија сезоната на последните места на пласман, ќе ја напуштат елитната дивизија. За потсетување, по предвремениот прекин на сезоната ПСЖ беше прогласен за шампион на Франција.

Шефот на Лион повторно изрази незадоволство од прекинувањето на Лига 1

Ивона Петрова — Fri, 05 Jun 2020 08:51:57 +0000

Претседателот на Олимпик Лион го повика судот да ја разгледа и поништи одлуката за завршување на сезоната порано во Франција. Жан-Мишел Ола ја нарече „апсурдна“ одлуката да се стави крај на првенството во Лига 1. Раководството на Лион го однесе случајот во окружниот суд во обид да ги натера фудбалските власти во земјата да наредат доигрување на преостанатите десет кола во сезоната. – Апсурдно е Лигата да заврши на овој начин додека другите земји ја завршуваат сезоната. Германија веќе го игра своето првенство и Шпанија ќе започне следната недела. Лигата ја донесе таа одлука, но може да ја откаже. Јас сум шокиран што дискутираме дали да играме фудбал или не, категоричен е Ола пред француските медиуми. Тој е на мислење дека се уште може да има плеј-оф во сезоната 2019-2020. – Можеме да тренираме три или четири недели и да го завршиме шампионатот до средината на август. Лион ќе ги продолжи своите активности на 8 јуни и ќе ги следи сите здравствени протоколи одобрени од надлежните, рече претседателот на Олимпик Лион. Одлуката за суспендирање на Лига 1 е донесена на 30 април, а Пари Сен Жермен повторно стана шампион во Франција. Првенството беше присилно прекинато кон средината на март поради пандемијата „Ковид-19“.

Фудбалерите на ПСЖ ќе добијат златни кутии за „Ајфон“ за освојувањето на Лига 1

Ивона Петрова — Tue, 12 May 2020 07:02:41 +0000

Компанијата „Дизајн голд“, партнер на фудбалскиот клуб Пари Сен-Жермен, најави дека на сите играчи ќе им подели кутија за „Ајфон“ изработена од 24-каратно злато, во чест на победата во францускиот шампионат 2019/20. Кутиите ги содржат имињата на играчите, нивниот број на дресот и логото на Лига 1. ПСЖ беше прогласен за шампион пред одигрување на сите натпревари од сезоната, бидејќи првенството е прекината поради коронавирусот. Парижаните беа во предност, пред второпласираниот Марсеј со 12 бодови.

Амиен, кој треба да испадне од Лига 1, своите права ќе ги бара на суд

Ивона Петрова — Fri, 01 May 2020 08:02:56 +0000

Амиен, кој испадна од Лигата 1 по прeдвремениот крај на сезоната во Франција поради пандемијата на коронавирус, ќе ги разгледа причините за одлуката пред да го однесе случајот пред суд, соопшти францускиот фудбалски клуб. – Ова не е фер затоа што Амиен не може да ги брани своите интереси на теренот и да го задржи своето место во првата лига. Ќе се бориме со сите средства дозволено да докажеме дека одлуката не е фер и дека правото е целосно на наша страна, рече претседателот на Амиенс, Бернар Жоенен. Пари Сен-Жермен, кој имаше 12 бодови предност на првото место во Лига 1, беше прогласен за шампион на Франција. Идентификувани беа учесниците во Лигата на Европа и Лигата на шампионите, како и оние кои се префрлија во Втората лига. Раководството на Француската лига препорача замрзнување на привремениот пласман во Лига 1 и прифаќање на истиот како конечен. Одлуката значи дека Марсеј и Рен ќе учествуваат во Лигата на шампионите заедно со ПСЖ. Лил, Римс и Ница се квалификуваат во Лигата на Европа, додека Амиен и Тулуз испаднаа од првата дивизија. Лидерите во Лига 2, Лориен и Ленс се стекнаа со прволигашки статус. Новата фудбалска сезона во Франција се очекува да започне на 22 август.