лига европа – Kurir.mk

Алкалоид во групната фаза, Вардар 1961 во квалификациите за Лига Европа

Ивона Петрова — Tue, 11 Jul 2023 14:44:26 +0000

Актуелниот македонски вицепрвак Алкалоид ќе игра во групната фаза во ракометната Лига Европа, додека двократниот европски шампион Вардар 1961 преку квалификации ќе се обиде да биде вториот македонски тим кој идната сезона ќе настапува во второто по ранг европско клупско натпреварување, одлучи денеска ЕХФ. Вардар 1961 се враќа на европската сцена по пауза од една година и во квалификациите можни противници ќе му бидат Рајн Некар, Гранољерс, Брага, Винтертур и Истад. Ждрепката за квалификациите е закажана за 18 јули во Виена, а натпреварите ќе се играат на 26/27 август и 2/3 септември. Ракометарите на Алкалоид, пак, жрепката за групната фаза ќе ја чекаат од вториот „шешир“.

Македонските екипи ги дознаа можните противници во Конференциската лига!

Дарко Андоновски — Wed, 21 Jun 2023 13:36:51 +0000

Македонските екипи попладнево со жрепка во Нион ги дознаа можните противници за второто квалификациско коло во Конференциската лига на УЕФА. Освојувачот на националниот Куп, Македонија Ѓорче Петров, ќе игра против азербејџански Сабах, доколку во воведното коло успее да го елиминира РФС од Летонија. Фудбалерите на Шкендија со евентуален успех на стартот од квалификациите против велшки Хаверфордвест во второто коло за противник ќе го имаат победникот од дуелот меѓу Б36 Торшавн од Фарските Острови и естонски Паиде, додека Шкупи ќе игра против бугарскиот претставник Левски во случај да ја мине првата пречка во литвански Хагелман. Доколку македонскиот првак Струга во воведното квалификациско коло во Лигата на шампиони претрпе елиминација од литвански Жалгирис, за противник во второто квалификациско коло во Лигата на конференции ќе има екипа од прелиминарната рунда која дополнително ќе биде позната. Првите натпреварите од второто квалификациско коло во Лигата на конференции се на програмата на 27 јули, а реваншите на 3 август.

ВИДЕО: Лудница во Севиља, се слави седмата титула во Лига Европа

Ивона Петрова — Fri, 02 Jun 2023 09:35:53 +0000

Десетици илјади навивачи на фудбалскиот клуб Севиља, предводени од градоначалникот Антонио Муњоз, излегоа вчера вечер на улиците на овој град на југот на Шпанија да го прослават освојувањето на трофејот во Лига Европа. Севиља во средата во финалето одиграно во Будимпешта ја совлада Рома по подобро изведување пенали и по рекорден седми пат триумфираа во второто по ранг европско клупско натпреварување. „Ви благодариме што ја исполнивте Севиља со радост“, рече Муњоз на приемот што за освојувачите на фудбалската Лига на Европа го организираше во градскиот совет. Претседателот на шпанскиот прволигаш Хозе Кастро рече дека во минатото морепловецот Кристофер Колумбо носел сребро од Америка во градското пристаниште во Севиља, а сега тоа го прават неговите фудбалери. „Ви благодарам на сите што ни помогнавте да го освоиме овој трофеј“, изјави пред насобраните навивачи тренерот на Севиља, Хозе Луис Мендилибар, кој седна на клупата на Севиља на средина од сезоната како привремено решение, а по големиот успех доби потврда од клупскиот претседател дека ќе ја предводи екипата и во следната сезона.

Осминафинална жрепка во Лига Европа и Лигата на конференции

Дарко Андоновски — Fri, 24 Feb 2023 08:41:35 +0000

Во седиштето на УЕФА во Нион денеска со жрепка ќе бидат одредени двојките за осминафиналето во второто и третото по ранг европско клупско натпреварување, Лига Европа и Лигата на конференции. За точно напладне е закажана осминафиналната жрепка во Лига Европа, а еден час подоцна ќе бидат одредени и двојките за осминафиналето во Конференциската лига. Осумте победници во групната фаза во Лига Европа (Арсенал, Бетис, Фенербахче, Ференцварош, Феенорд, Фрајбург, Реал Сосиедад и Унион Сент – Жил) изборија директен пласман и се одредени за носители, а преку плејоф натпреварите кои беа комплетирани синоќа им се приклучија Јувентус, Баер Леверкузен, Спортинг, Севиља, Унион Берлин, Манчестер јунајтед, Рома и Шахтјор Доњецк. Првите натпревари ќе се играат на 9 март, а реваншите се на програмата една недела подоцна. Финалето во Лига Европа ќе се игра на 31 мај на „Пушкаш Арена“ во Будимпешта. Во Конференциската лига директен пласман во осминафиналето обезбедија Вест Хем, Ница, АЗ Алкмар, Слован Братислава, Виљареал, Ѓургарден, Башакшехир и Сиваспор, а преку плејофот им се приклучија Андерлехт, Гент, АЕК Ларнака, Фиорентина, Лацио, Базел, Лех и Шериф. Првите натпревари се на програмата на 9 март, а реваншите на 16 идниот месец. Финалето во Конференциската лига ќе се одигра на 7 јуни во Прага.

Еурофарм Пелистер поразен од дански Архус во ракометната Лига Европа

Тале Кристо — Tue, 07 Feb 2023 20:18:03 +0000

Македонскиот вицешампион Еурофарм Пелистер загуби вечерва на гостувањето во Данска од Скандерборг Архус со 24-22 во рамки на 7. коло од групата Д во ЕХФ Европската лига. За битолскиот состав ова е трет пораз во низа на меѓународната сцена, откако минатата недела ги загуби двата воведни дуели и во регионалната СЕХА лига од Војводина и Нексе на гостински терен. Еурофарм Пелистер имаше предност од 11-9 во самиот финиш на првото полувреме, но Архус со два брзи гола ја анулираше негативата по што го отвори вториот дел со серија од 3-0. Уследи нова серија од 6-0 на данскиот тим за предност од 21-13 што до крајот на натпреварот беше недостижна за Еурофарм Пелистер. Пешевски и Радовиќ постигнаа по четири голови за битолскиот тим, а Лесјак на голот запиша 12 одбрани. Со ефект од две победи, едно реми и четири порази Еурофарм Пелистер е четвртопласиран во групата во Лига Европа пред следната пресметка против португалски Агуаш Санташ на 14 февруари во Битола.

Спектакл во Лига Европа, Барселона против Манчестер јунајтед

Дарко Андоновски — Mon, 07 Nov 2022 15:23:58 +0000

Плејофот во фудбалската Лига Европа ќе донесе дуел на два гиганти кои заедно имаат освоено 97 големи трофеи, откако денешната жрепка во Нион одлучи Барселона да игра против Манчестер јунајтед. Преостанатите двојки се: Јувентус – Нант Спортинг – Митјиланд Шахтјор – Рен Ајакс – Унион Берлин Баер – Монако Севиља – ПСВ Салцбург – Рома. Натпреварите од плејофот ќе се играат во февруари, а победниците ќе им се приклучат во осминафиналето на победниците во групната фаза во Лига Европа – Арсенал, Бетис, Фенербахче, Ференцварош, Феенорд, Фрајбург, Реал Сосиедад и Унион Сент-Жил. Финалето е на програмата на 31 мај во Будимпешта.

Еурофарм Пелистер во вториот шешир пред ждрепката за Лига Европа

Тале Кристо — Wed, 05 Oct 2022 08:04:13 +0000

Македонскиот ракометен суперлигаш Еурофарм Пелистер од вториот шешир ќе ја дочека ждрепката за групната фаза на ЕХФ Лига Европа. Со битолчани во групата се уште и екипите на Кадетен Шафхаузен, Гранољерс и Иштад. Составот на другите шешири е: Шешир 1: Бенфика, Фуксе Берлин, Екс Прованс, Скјерн Шешир 3: Мотор Запорожје, Татран Прешов, Валур, Балатонфуреди Шешир 4: Флензбург, Гепинген, Спортинг, Бидасоа Шешир 5: Монпелје, Бенидорм, Веспрем КФТ, Скандерборг Архус Шешир 6: Нексе Нашице, Алпла Хард, Ференцварош, Агуаш Сантас Ждрепката е закажана за утре во 11:00 часот, а групниот сегмент почнува на 25 октомври.

Лига Европа: Ракометарите на Бутел поразени од австриски Алпла Хард

Ивана Ефремовски — Tue, 27 Sep 2022 19:08:53 +0000

Македонскиот ракометен прволигаш Бутел загуби вечерва на гостински терен од австриски Алпла Хард со 26-21 во рамки на првиот натпревар од 2. квалификациско коло во Лига Европа. Австрискиот тим, кој во претходното коло го елиминираше битолски Еурофарм Пелистер 2, беше во константно водство, кое на полувреме изнесуваше три голови разлика (11-8). Бутел одржуваше резултатска неизвесност до средината на второто полувреме, кога домаќините со серија од 3-0 поведоа со 19-14. Австријците ја зачуваа предноста од пет голови разлика до крајот на натпреварот и му оставија тешка задача на македонскиот тим да ја анулира негативата на домашен терен. Реваншот се игра на 4 октомври во Скопје, а поуспешниот тим ќе обезбеди пласман во групната фаза во ракометната Лига Европа во која, засега, сигурен македонски претставник е Еурофарм Пелистер. (МИА)

Ракометната Лига Европа од следната сезона со 32 екипи

Ивона Петрова — Sat, 24 Sep 2022 16:52:24 +0000

Бројот на тимови кои ќе настапуваат во ракометната Лига Европа од следната сезоната ќе се зголеми од 24 на 32 екипи, а ќе има измени и во форматот на квалификации. Таква одлука денеска донесе Извршниот одбор на Европската ракометна федерација (ЕХФ) на редовниот конгрес во Луксембург. Групната фаза во Европската лига од сезоната 2022/23 ќе брои 32 екипи, а ќе се игра само едно квалификациско коло. Во новиот состав фиксно место во групите ќе имаат 16 екипи, а уште 16 екипи ќе им се приклучат преку квалификациското коло. Извршниот одбор на ЕХФ, исто така, ги одобри регионалните лиги – СЕХА, Балтичката лига, Лига БЕНЕ и МОЛ лигата.

ВОЗНЕМИРУВАЧКИ: Моментот кога навивачот на Келн падна од трибина (ВИДЕО)

Бошко Тасиќ — Thu, 08 Sep 2022 20:57:53 +0000

Дуелот меѓу Ница и Келн ќе се памти по големит еинциденти кои ги направија навивачите на двата тима, посебно тоа што се случуваше пред почетокот на мечот.Навивачите се тепаа, беа фрлени многу факели и искршени столчиња. Најлошо помина еден навивач на Келн кој во еден момент падна од горниот дел од трибината и остана неподвижен на долниот дел од другата трибина. https://twitter.com/i/status/1567914675509100545