лига куп – Kurir.mk

Jунајтед елиминиран во осминафиналето на Лига купот

Ивона Петрова — Thu, 02 Nov 2023 06:25:29 +0000

Њукасл синоќа го победи Манчестер јунајтед со 3:0 во осминафиналето од англискиот Лига куп. Средбата се одржа на „Олд Трафорд“. Играчот од средниот ред Мигел Алмирон ги доведе гостите во предност во 28. минута. Луис Хол го удвои водството пред паузата, додека Џо Вилок го постави конечниот резултат. По овој пораз во англиските медиуми продолжува притисокот врз тренерот Ерик тен Хаг кој не успева да го стабилизира тимот. Следниот противник на Њукасл ќе биде Челзи.

Лига куп: Вест Хем против Тотенхем, Ливерпул го пречекува Лестер

Тале Кристо — Sat, 30 Oct 2021 13:45:59 +0000

Фудбалерите на лондонски Вест Хем ќе играат на гостински терен против градскиот ривал Тотенхем во четвртфиналето на англискиот Лига куп, додека Ливерпул ќе биде домаќин на Лестер, одлучи денешната жрепка. Откако ги елиминираше Манчестер јунајтед и Манчестер сити, четирикратниот последователен освојувач на Лига купот Вест Хем ќе мора да мине уште еден тим од „Топ шест“ за стигне до полуфиналето. Актуелниот лидер во Премиер лигата, Челзи, ќе му гостува на Брентфорд во уште една лондонска пресметка, додека третолигашот Сандерленд ќе му гостува на Арсенал. Натпреварите од четвртфиналето во англискиот Лига куп се на програмата на 20 декември.

Ливерпул и Манчестер jунајтед сакаат да се укинат Лига Купот и Суперкупот на ФА

Тале Кристо — Sun, 11 Oct 2020 16:12:12 +0000

Најтрофејните англиски фудбалски клубови Ливерпул и Манчестер јунајтед иницираат реформи во Премиер лигата. И двата клуба имаат заеднички развиено предлози што подразбираат радикална иновација. Проектот го спроведе американската компанија „Фенвеј Спорт Груп“, сопственик на Ливерпул, со поддршка на Манчестер јунајтед. Според новите предлози, Лига купот и Суперкупот на ФА ќе бидат укинати. Понатаму се дискутираше дека Лига купот може да остане, но без учество на клубови во европско натпреварување. Меѓу другото, се предлага да се намали бројот на екипи во Премиер лигата од 20 на 18, како и да се променат некои аспекти поврзани со финансиите.

Астон Вила се изедначи со Јунајтед по број на финалиња во Лига купот

Ивона Петрова — Wed, 29 Jan 2020 07:34:41 +0000

Екипата на Астон Вила ќе игра во финалето на англискиот Лига куп, откако синоќа во реванш полуфиналниот дуел го победи Лестер со 2:1 за вкупни 3:2. Клубот од Бирмингем по деветти пат во својата историја се пласираше во финалето ан ова натпреварување изедначувајќи се со Манчестер јунајтед во овој статистички индикатор. Повеќе финалиња има само Ливерпул – 12, додека Арсенал, Тотенхем и Челзи останаа на осум. Астон Вила има пет победи во ЕФЛ, последен пат го освои трофејот во 1996 година совладувајќи го во финалето Лидс со 3:0. Противник на Вила во борбата за трофејот ќе биде поуспешниот од пресметката Манчестер сити – Манчестер јунајтед. Првиот дуел заврши со резултат 3:1 за Сити, реваншот е вечер од 20:45 часот.

Сити против Јунајтед во полуфиналето на ЕФЛ

Ивона Петрова — Thu, 19 Dec 2019 07:18:23 +0000

Двете екипи од Манчестер, Јунајтед и Сити ќе играат во полуфиналето на англискиот Лига куп. Ова е епилогот по синоќешните дуели во четвртфиналето. Манчестер јунајтед на домашен терен го совлада тимот на Колчестер со 3:0, додека Манчестер сити славеше со 3:1 на гости кај Оксфорд јунајтед. Во другото полуфинале ќе се сретнат Астон вила и Лестер.

Клоп е подготвен да одбие понатамошно учество во Лига купот

Ивона Петрова — Thu, 31 Oct 2019 07:57:12 +0000

Тренерот на Ливерпул, Јирген Клоп, по победата над Арсенал во 1/8 финалето од Лига купот, ги повика фудбалските власти да најдат место на календарот за следната средба на „црвените“ во ова натпреварување. Во декември, за кога е закажано четвртфиналето, Ливерпул ќе замине на клупскиот светски шампионат. – Ако не можат да најдат соодветен датум за нас, а јас не мислам тоа да е три дена пред Божик, тогаш не можеме да играме, нашите ривали ќе одат понатаму. Ливерпул нема да биде жртва на овој проблем. Мислам дека многу луѓе од Премиер лигата го гледаа натпреварот на ТВ, надевајќи се дека Арсенал ќе го стори тоа … Извинете! – изјави Клоп за Би-Би-Си.

Ливерпул на пенали преку Арсенал до четвртфинале во Лига купот

Ивона Петрова — Thu, 31 Oct 2019 07:11:31 +0000

Спектакуларно реми со десет постигнати голови одиграа синоќа на „Енфилд“ домаќинот Ливерпул и Арсенал. По нерешените 5:5, Ливерпул победи на пенали и се избори за четвртфинале во Лига купот. Арсенал иако во два наврата водеше со два гола разлика (3:1 и 4:2), не издржа и му дозволи на противникот со гол во четвртата минута од судиското продолжение да изедначи. Покрај Ливерпул, синоќа пласман во четвртфиналната фаза обезбедија и Астон вила по победата над Вулвс со 2:1, како и Манчестер јунајтед кој со истиот резултат го совлада Челзи на гостински терен. Резултати од средбите одиграни во вторникот: Манчестер сити – Саутемптон 3:1 Бартон Албион – Лестер 1:3 Оксфорд јунајтед – Сандерленд 1:1, на пенали 4:2 Евертон – Вотфорд 2:0 Кроули Таун – Колчестер 1:3.

Тотенхем со минимална предност по првиот дуел од полуфиналната пресметка со Челзи во Лига купот

Дарко Андоновски — Wed, 09 Jan 2019 06:52:22 +0000

Минимална победа со 1:0 забележа Тотенхем над Челзи на првиот натпревар во полуфиналето на англискиот Лига куп. Единствениот погодок синоќа на „Вембли“ го постигна Хари Кејн од пенал во 27. минута. Пред да го досуди ударот од 11 метри поради прекршок над Кејн, судијата Мајк Оливер покажа „офсајд“ и им ја додели топката на Челзи, но потоа следуваше прегледување на видео снимката па со помош на ВАР беше констатирано дека не постоела недозволена позиција и домаќините добија пенал. Реваншот меѓу градските лондонски ривали е закажан за 24 јануари на „Стемфорд Бриџ“. Другата полуфинална двојка ја сочинуваат Манчестер сити и Бартон.