лига на европа – Kurir.mk

34 екипи се пријавија за ракометната Лига на Европа

Бошко Тасиќ — Tue, 11 Jul 2023 05:23:40 +0000

Европската ракометна федерација (ЕХФ) го објави списокот на екипи кои ќе играат во Лигата на Европа во женска конкуренција. За новата сезона во ова европско натпреварување се пријавија 34 екипи. Во Лигата на Европа ќе игра некогашниот европски гигант Ларвик, кој по пауза од три сезони повторно ќе има европска авантура. Меѓу учесниците ќе бидат и двата најдобри клубови од Хрватска, Локомотива Загреб и Подравка, потоа грчкиот шампион ПАОК, Јагодина и Железничар од Србија, шампионатот на Турција, Кастамону, данските Никобинг и Копенхаген… Ланската сезона титулата во Лигата на Европа ја освои екипата на Икаст од Данска, второпласиран беше Никобинг, додека бронзата ја освои Борусија Дортмунд.

Севиља преку Јувентус се избори за седмо финале во Лига Европа

Бошко Тасиќ — Fri, 19 May 2023 04:34:19 +0000

По 120 минути голема борба, Севиља со пресврт дојде до победа од 2-1 против Јувентус и со вкупни 3-2 оди во финалето од Лига Европа каде ќе игра против Рома. Јувентус прв се израдува на мечот во Севиља, во 65. минута од натпреварот Влаховиќ постигна гол по само две минути откако влезе во игра и донесе предност за својот тим од 1-0. Но, тој резултат беше актуелен само шест минути, тогаш Сусо постигна прекрасен гол за израмнување на 1-1. Тоа беше конечниот резултат по 90 минути игра, натпреварот отиде во продолженија.Во 95. минута Ламела постигна гол со глава за комплетен пресврт и победа на Севиља од 2-1. За Севиља ова ќе биде седмо финале во Лига Европа, досега имаат шест од шест, тие се најтрофејниот клуб во ова натпреварување. Во седмото финале ќе играат против Рома.

Промени во ракометната Лига на Европа

Бошко Тасиќ — Sat, 24 Sep 2022 04:39:33 +0000

Иако сезоната во Лига на Европа веќе започна, ЕХФ донесе неколку измени за следната натпреварувачка сезона, 2023/24. Од сезона 2023/24 групните натпревари во Лига на Европа во машка конкуренција ќе се играат со 32 екипи наместо со 24. Во новиот систем, 16 екипи ќе имаат директно место во групната фаза, а уште 16 ќе се приклучат по првото и единствено квалификациско коло кое се игра во формат дома-гости. Втората промена во второто по ранг квалитетно европско натпреварување е токму во квалификациските натпревари, па така наместо две квалификациски кола, ќе се игра едно квалификациско коло пред натпреварите по групи. На стартот на Лига на Европа, односно во првата фаза ќе има осум групи со по четири екипи, потоа во главната фаза ќе играат најдобрите две екипи од по секоја група, кои ќе се борат за пласман во четвртфинале. Деталениот преглед за сите промени во Лига на Европа за следната сезона ќе биде претставен во сабота пред федерациите и дополнително ќе биде објавен наредната недела.

Лига Европа: Барселона против Галатасарај, Црвена звезда го доби Ренџерс во 1/8 финалето на Лига Европа

Бошко Тасиќ — Fri, 25 Feb 2022 12:54:41 +0000

Денеска со жрепка ги дознавме паровите за осминафиналната фаза во Лигата на Европа, можеби во најзвучниот пар Барселона ќе ги одмери силите против Галатасарај. Првите натпревари ќе се играат на 10 март 2022 година, а реванш средбите седум дена подоцна. Лига Европа (сезона 2021/2022) Осминафинале, двојки – Ренџерс – Црвена звезда Брага – Монако Порто – Лион Аталанта – Баер Леверкузен Севиља – Вест Хем Барселона – Галатасарај Лајпциг – Спартак Москва Реал Бетис – Ајнтрахт Франкфурт

Барсeлона го прегази Наполи за осминафинале во Лига Европа

Бошко Тасиќ — Thu, 24 Feb 2022 22:16:20 +0000

Барса влезе во осминафиналето во кое пласман обезбедија и Глазгов Ренџерс со ремито 2-2 против Борусија Дортмунд, откако во Германија, шкотскиот великан исчекори кон следната фаза со триумфот со 4-2, како и Бетис, кој после гостинските 3-2 во Санкт Петербург, вечерва одигра без голови и ја задржа предноста од еден гол. Дека Наполи ќе загуби му најави Барса после само 15 минути од стартот на мечот, откако една пеколна контра реализираше Жорди Алба, а потоа Френки Де Јонг даде еврогол. Па, иако Лоренцо Инсиње намали со гол од пенал во 23-та минута, победата ја обезбеди Жерар Пике пред полувремето, а Пјер Емерик Обемејанг по еден час игра само ги дотолчи. Во завршноцата Матео Политано постогна втор гол, колку Наполи да избегне дебакл, но Барса според сѐ што прикажа во 180 минути сосема заслужено оди во осминафиналето, во кое пласман од претходно денеска обезбедија и Севилја, Аталанта, Порто и Ред Бул Лајпциг. ВАР го спаси Бетис од продолженија откако во првата минута од судиското надополнување Дмитри Чистјаков погоди во мрежата, но потоа поради прекршок во напад беше поништен тој погодок и андалузиските зелено-бели обезбедија осминафинале. Во Глазгов, Белингам и Мален направија пресврт во првиот дел откако Тревение донесе водство, но кога се чекаше трет гол на „милионерите“ барем за продолженија, Тревение даде втор за Ренџерс, па ги уништи надежите на германскиот бундеслигаш.

Во ЛЕ Ристовски и Динамо славеа, но Севиља оди понатаму

Бошко Тасиќ — Thu, 24 Feb 2022 20:43:35 +0000

Динамо Загреб со 1:0 ја совлада Севиља во реванш натпреварот од нокаут фазата во Лигата на Европа, но пласман во следната рунда обезбеди шпанскиот тим. Севиља славеше со вкупен резултат 3:2. Капитенот на македонската репрезентација, Стефан Ристовски играше до 61 минута, додека Аријан Адеми поради повреда не настапи. Фудбалерите на Порто одиграа 2:2 на гостувањето кај Лацио и со вкупен резултат 4:3 одат понатаму. Лацио поведе со голот на Чиро Имобиле во 19 минута, а Порто само 12 минути подоцна израмни преку Тареми. Пласманот во следната рунда на Порто го обезбеди Урибе со голот во 68 минута, а Лацио единствено што успеа да направи до крајот беше да се спаси од нов пораз и тоа во 95 минута со голот на Каталди. Аталанта и во вториот натпревар го победи Олимпијакос (0:3) и во осминафиналето оди со вкупен резултат 1:5. Пласман во осминафиналето обезбеди и Лајпциг кој со 3:1 победи на гостувањето кај Реал Сосиедад. Резултати: Динамо Загреб – Севиља 1:0 1:3 прв нат. Лацио – Порто 2:2 1:2 прв нат. Олимпијакос – Аталанта 0:3 1:2 Реал Сосиедад – Лајпциг 1:3 2:2

Асистенција на Ристовски за гол на Динамо против Севиља

Бошко Тасиќ — Thu, 17 Feb 2022 21:38:38 +0000

Македонскиот фудбалски репрезентативец Стефан Ристовски асистираше на единствениот погодок на Динамо Загреб во првото полувреме од првиот натпревар од 1/16-финалето во Лигата на Европа против Севилја. Динамо Загреб токму по милиметарската асистенција на Ристовски во 41. минута преку Оршиќ успеа да израмни на 1-1.

Финалето од Лига Европа оваа година ќе се игра пред 10.000 навивачи

Бошко Тасиќ — Mon, 03 May 2021 17:57:36 +0000

9.500 навивачи ќе може да го следат финалниот натпревар во Лигата на Европа кој оваа година ќе се игра во полскиот град Гдањск,објави УЕФА откако доби дозвола од локалните власти.. Како што наведе УЕФА, полските власти дозволија стадионот во Гдањск да биде исполнет до 25 проценти од вкупниот капацитет кој изнесува 40.000 седишта за натпреварот кој ќе се одигра на 26. мај. Еден финалист е речиси познат, тоа е Манчестер јунајтед кој во првиот полуфинален натпревар со убедливи 6:2 ја совлада Рома, додека второто полуфинале сеуште е неизвесно каде Виљареал на реваншот во Лондон против Арсенал има предност од 2:1. УЕФА потврди дека на натпреварот во Гдањск ќе може да дојдат и навивачи кои не живеат во Полска, а секој од клубовите финалисти ќе добие по 2.000 билети за своите навивачи. Уште 2.000 билети ќе бидат пуштени во продажба за локалните полски навивачи, додека останатите 3.500 билети УЕФА ќе им ги подели на своите комерцијални партнери, на носителите на ТВ правата како и на фудбалските федерации.

Уште една убедлива победа на Тотенхем во Лигата на Европа

Бошко Тасиќ — Wed, 24 Feb 2021 19:38:34 +0000

Фудбалерите на лондонски Тотенхем ја потврдија фаворитската улога и на вториот меч против тимот на Волфсбергер во Лигата на Европа.

Жозе Мурињо очекувано ротираше во составот и шанса им даде на играчите кои не играат толку често во Премиер лигата, а тие му возвратија со одлична и убедлива победа од 4:0.

Деле Али беше играч на натпреварот со еден погодок и две асистенции, а во листата на стрелци се запиша и Карлос Винисиус кој погоди два пати и Герет Бејл . Тотенхем по двомечот со австрискиот претставник си обезбеди пласман во следната фаза од второто по ранг натпреварување во Европа кое е под капата на УЕФА;

Металург гостува на Висла Плоцк во рамките на Лигата на Европа

Бошко Тасиќ — Sun, 14 Feb 2021 14:23:53 +0000

Ракометниот клуб Металург од Скопје вечерва од 20.45 часот ќе го игра првиот од двата закажани натпревари со Висла Плоцк во рамките од Лигта на Европа. Полскиот вицепрвак ќе ја има улогата на апсолутен фаворит, не само поради фактот дека Висла е со максимален ефект во досегашните средби во групата од ЛЕ, туку и поради тоа што Металург сериозно ослабен отпатува во Полска. „Знаете дека сме некомплетни за овој дуел, знаете каква ни е целата ситуација. Во Плоцк сме дојдени со три поискуни играчи и речиси со младинската екипа. Очекуваме да изиграат многу подобро отколку што изиграа со Чеховски Медведи. Очекувам да видам борба, желба за топка, желба за надигрување. Резултатот како резултат воопшто не ни е во преден план. Овие натпревари целата ситуација од една страна можеби е хендикеп, но од друга е шанса плус за младите играчи. Ова го кажувам од аспект што овие млади играчи не собираа искуство во Супер лига за да играат во Лига Европа, туку собираат искуство во Лига Европа за да играат во Супер лига“, изјави Димитриоски во пресрет на вечерашниот дуел. Вториот натпревар меѓу Висла и Металург на програмата е во вторник, повторно на теренот на противникот.