Лига на шамиони – Kurir.mk

ЛШ: Тотeхнем го преживеа Марсеј и останува во ЛШ, Ајнтрахт го шокираше Спортинг

Бошко Тасиќ — Wed, 02 Nov 2022 05:27:53 +0000

Вечерва најинтересно и најзначајно беше во Марсеј и Лисабон каде сите екипи од групата Д се бореа за осминафинале.Во судиското продолжение од првото полувреме Мемба даде гол за водство на Марсеј од 1-0.

Но по девет минути игра во вториот дел Тотнем изедначи на 1-1 со гол на Ленгле. Овој резултат го носеше Марсеј барем во Лига Европа, но тие примија гол во 95. минута од Хари Кејн и паднаа на последното место.

Спортинг беше во најдобра позиција, требаше само да не загуби од Ајнтрахт, но тоа не се случи, германскиот тим победи со 2-1.И тука имаше пресврт во вториот дел. Артур Гомеш во 39. минута донесе предност за Португалците, а Камада и Коло Муани погодија во второто полувреме за победа на германскиот тим од 2-1.

Тотнем и Ајнтрахт одат во осминафинале од ЛШ, Спортинг ќе игра во ЛЕ, а Марсеј испаѓа. Баерн Минхен го задржа првото место на табелата откако со голови на Павар и Чупо Мотинг го совлада Интер со 2-0. Нероазурите како втори одат во осминафиналето.

Барселона со 4-2 победи кај Викторија Плзен. Феран Торес даде два гола, по еднаш погодија Маркос Алонсо и Пабло Торе за Барса, двата гола за чешкиот тим беа дело на Чори.

Ливерпул со 2-0 го победи Наполи. Головите ги дадоа Салах и Дарвин Нуњез. Елмас играше од 83. минута.

Ајакс со 3-1 победи на гостувањето кај Ренџерс. Претходно Порто го совлада Атлетико Мадрид со 2-1, а Баер Леверкузен и Клуб Бриж одиграа без голови.

УЕФА е подготвена финалето од ЛШ да се игра во Њујорк?

Бошко Тасиќ — Sat, 17 Sep 2022 05:34:27 +0000

Од поодамна се најавува можност најголемиот фудбалски спектакл во годината, финалето во ЛШ да се пресели од Европа и да се игра во САД. Александер Чеферин, првиот човек на УЕФА, кој веќе објави дека идејата да се пресели финалето во ЛШ во САД е добра идеја, на која треба да се работи. САД го сака финалето како една од големите најави за Светското првенство во 2026 година, кое заедно со Канада и Мексико ќе го организира, а тоа ќе биде прво со 48 селекции. „Мора да разговараме за тоа. Можда тоа е добра идеја за иднината, да се сели финалето од Португалија до Азербејџан. А, тој пат од Португалија до Азербејџан е ист како од Европа до Њујорк. За навивачите нема да е проблем“, рече тогаш Чеферин.

Познати сите учесници во групната фаза од Лигата на шампионите

Ивона Петрова — Thu, 25 Aug 2022 06:21:37 +0000

Со одигрување на синоќешните три реванши од плејофот, познати се сите екипи кои ќе играат во групите во Лигата на шампионите на УЕФА. Последни место во елитата изборија Динамо Загреб за кого настапуваат македонските репрезентативци Стефан Ристовски и Аријан Адеми, Ренџерс и Копенхаген. Ждрепката за групната фаза ќе се одржи денес (18 часот) во Истанбул. Триесет и двете екипи се поделени четири шешири. Ќе бидат формирани осум групи. Прв шешир: Реал Мадрид, Ајнтрахт Франкфурт, Манчестер сити, Милан, Баерн Минхен, ПСЖ, Порто и Ајакс. Втор шешир: Ливерпул, Челзи, Барселона, Јувентус, Атлетико, Севилја, Лајпциг и Тотенхем. Трет шешир: Борусија Дортмунд, Салцбург, Шахтјор, Интер, Наполи, Бенфика, Спортинг и Баер Леверкузен. Четврти шешир: Марсеј, Клуб Бриж, Селтик, Викторија Плзењ, Макаби Хаифа, Динамо Загреб, Ренџерс и Копенхаген. Екипите од иста земја не можат да бидат во иста група.

Ливерпул го совлада Виљареал во првиот меч од полуфиналето во ЛШ

Бошко Тасиќ — Wed, 27 Apr 2022 21:42:22 +0000

Фудбалерите на Ливерпул славеа со 2:0 над Виљареал во првиот полуфинален натпревар во Лигата на шампионите. „Црвените“ пред своите гледачи дури во второто полувреме успеаја да го пробијат бункерот на гостите и со головите на Садио Мане и на автоголот на Еступињан. Бункерот на Виљареал издржа во првото полувреме, но попушти на стартот од вториот дел кога во рок од две минути беа постигнати два гола. Прво, во 53. минута голот беше запишан како автогол на Еступињан по шутот на Џордан Хендерсон. Само две минути подоцна, по акцијата на дуото Салах – Мане, одличниот сенегалски напаѓач по постигна својот 14 гол во Лигата на шампионите со што се израмни со Дидие Дрогба како најефикасни африкански фудбалери во елитното натпреварување. Реваншот е закажан за шест дена во Виљареал.

Баерн го разнесе Салцбург и во голем стил се пласира во четвртфиналето на ЛШ

Бошко Тасиќ — Tue, 08 Mar 2022 22:08:26 +0000

Баерн Минхен со 7-1 го победи Салцбург за пласман меѓу осумте најдобри во Лигата на шампионите, Роберт Левандовски постигна хет-трик. На стартот од мечот Роберт Левандовски имаше блесок, постигна хет-трик до 23. минута и испиша историја во Лигата на шампионите. Најран хет-трик во натпреварувањето. А му требаа 11 минути за да го направи тоа, првиот гол го даде во 12. минута, третиот во 23. минута. Првите два погодоци беа од пенал, но прекршоците беа направени врз него. До крајот на првиот дел погоди и Гнабри, со резултат од 4-0 за Баерн Минхен се замина на одморот. По девет минути игра во второто полувреме Милер зголеми на 5-0, во 70. минута Салцбург преку Кјаергард постигнаа почесен гол и намалија на 5-1, но Баерн не застана тука. Во 83. минута Милер постигна уште еден гол за 6-1, а две минути подоцна Сане ги постави конечните 7-1.

Вечерва продолжуваат возбудувањата од фудбалската Лига на шампиони

Бошко Тасиќ — Tue, 22 Feb 2022 08:52:10 +0000

Нови два натпревари од осминафиналето се на програмата во Лигата на шампионите. Актуелниот победник во Лига Европа, Виљареал ќе го пречека Јувентус, а бранителот на титулата во Лигата на шампионите, Челси, ќе се сретне со Лил. Без Паоло Дибала, но со Душан Влаховиќ, Јувентус ќе се обидат да изборат поволен резултат на „Ла Серамика“ пред реваншот во Торино. Влаховиќ, најскапото зимско засилување во историјата на Јувентус ќе дебитира во елитното натпреварување. Виљареал ќе биде без својот најкреативен играч и најдобра стрелец, Џерар Морено. Челси и покрај тоа што играат во променлива форма се големи фаворити против актуелните француски шампиони, Лил. Челси ја загуби битката со Манчестер сити и Ливерпул за титулата во Премиер лигата, но до крајот на сезоната ќе се бори за титулите во ЛШ, ФА и Лига купот.Челси и Лил играа во фазата по групи, во ЛШ во сезоната 2019/2020, двата натпревари завршија со победи на „сините“ 2.1.

Прогласен играч на неделата во ЛШ – еве кој заслужно беше избран

Магдалена Андонова — Fri, 16 Apr 2021 11:39:10 +0000

Фудбалерот на пари Сен-Жермен, Нејмар е прогласен за играч на неделата во Лигата на шампионите. Бразилецот беше дел од вториот четвртфинален натпревар со Баерн (0:1), по што парижаните се пласираа во полуфиналето со вкупно 3:3. Други кандидати во изборот беа играчот за врска на Реал Мадрид, Касемиро, играчот за врска на Манчестер сити, Илкај Гундоган и играчот за врска на Челзи, Кристијан Пулишиќ. Првите полуфинални натпревари на турнирот ќе се одржат на 27 и 28 април, реваншите – на 4 и 5 мај.

Солскјер: Не заслужуваме да се пласираме во плејофот во Лигата на шампионите

Тале Кристо — Wed, 09 Dec 2020 07:52:34 +0000

Тренерот на Манчестер јунајтед, Оле Гунар Солскјер по поразот од Лајпциг во 6. коло од Лигата на шампионите (2:3) истакна дека неговиот тим не заслужува да се пласира во плејофот. Манчестер заврши на третото место во групата и се пласираа во плејофот во Лигата на Европа. – Секако, не можеме да кажеме дека игравме добро. Не заслуживме да ја поминеме групата. Многу негативно влијаеше на нас поразот во Истанбул. На тој натпревар не смееше да се изгубат бодови. Со Лајпциг бевме близу до реми, но кога ќе се примат три гола е тешко да се дојде до бодови, истакна Солскјер. Од Х-групата во плејофот се пласираа Лајпциг и Пари Сен-Жермен.

Клоп: Ливерпул се обидува да го прикаже својот најдобар фудбал на важни натпревари

Ивона Петрова — Wed, 25 Nov 2020 11:18:09 +0000

Тренерот на Ливерпул, Јирген Клоп ги сподели своите очекувања од натпреварот од 4. коло во Лигата на шампионите против Аталанта. – Има уште многу натпревари, и ќе се обидеме да го прикажеме нашиот најдобар фудбал со силните противници. Составот треба претрпи измени, ништо не може да се стори околу тоа. Не успеваме во сè на теренот, бидејќи распоредот не остава доволно време, изјави Клоп. Натпреварот Ливерпул – Аталанта ќе се одигра вечер со почеток во 21 часот

Рашфорд: Победата над ПСЖ ни донесе силна позиција во групата

Тале Кристо — Wed, 21 Oct 2020 06:28:02 +0000

Напаѓачот на Манчестер јунајтед, Маркус Рашфорд го сподели своето мислење за победата над ПСЖ (2:1) во мечот од 1. коло од групната фаза во Лигата на шампионите. – Игравме одлично, но има уште простор за напредок. Важно е за нас, фудбалерите, да веруваме во системот со кој главниот тренер ни вели да играме. Беше тешко на моменти, особено пред крајот на натпреварот, но сепак го одржувавме интензитетот висок. Понекогаш моравме да се браниме многу длабоко, бидејќи неверојатни играчи играат во ПСЖ. Убаво беше да се постигне гол, но победата е поважна. Сега имаме силна позиција во групата, но помина само едно коло. Треба да ги задржиме интензитетот и концентрацијата што ги покажавме на натпреварот против ПСЖ, изјави Рашфорд. На другиот меч од воведното коло во Х-групата, Лајпциг го совлада Башакшехир со 2:0.