лига на шампионите – Kurir.mk

Познати сите учесници во групната фаза од фудбалската ЛШ

Дарко Андоновски — Thu, 31 Aug 2023 08:42:08 +0000

Белгиски Антверпен, дански Копенхаген и холандски ПСВ се последните патници во групната фаза од фудбалската Лига на шампиони, откако синоќа се одиграа завршните три плејоф реванш натпревари. Антверпен триумфираше со 2-2 на гостувањето во Атина и со вкупни 3-1 го елиминираше АЕК, а Копенхаген ја задржа предноста од 1-0 од првиот натпревар во Полска, откако на домашен терен одигра 1-1 против Раков. Предноста на домашниот терен ја искористи ПСВ, кој по ремито 2-2 пред една недела во Шкотска, триумфираше над Глазгов Ренџерс со 5-1. Пласман во групната фаза во елитното европско клупско натпреварување преку плејофот во вторникот обезбедија Брага, Галатасарај и Јанг Бојс. Преостанатите 26 екипи кои ќе се најдат во денешната жрепка во Нион за составот на групите се Арсенал, Манчестер јунајтед, Манчестер сити, Њукасл, Атлетико Мадрид, Барселона, Реал Мадрид, Реал Сосиедад, Севиља, Баерн, Борусија Дортмунд, Лајпциг, Унион Берлин, Интер, Лацио, Милан, Наполи, Ленс, ПСЖ, Бенфика, Порто, Феенорд, Салцбург, Селтик, Црвена ѕвезда и Шахтјор Доњецк.

Дали Сити вечерва ќе ја сруши африканската клетва?

Дарко Андоновски — Sat, 10 Jun 2023 18:57:25 +0000

Поранешниот фудбалер од Брегот на Слоновата Коска, Јаја Туре е во Истанбул каде ќе го гледа финалето од Лигата на шампионите меѓу Манчестер Сити и Интер. Туре ќе навива за англискиот тим за кој своевремено настапуваше и ќе биде интересно да се види дали избраниците на Пеп Гвардиола конечно ќе го надминат „африканското проклетство“. Речиси сите коментари на таа објава се однесуваат на една работа, познатото „африканско проклетство“ кое Јаја Туре наводно го упати кон менаџерот на Сити, Пеп Гвардиола. Агентот на поранешниот играч од средниот ред на „Граѓаните“, Дмитри Селук, раскажа интересна приказна дека цела Африка е против Гвардиола во Лигата на шампионите. Гвардиола и Туре немаа најдобри односи, како што тогаш тврдеше фудбалерот, поради фактот што е Африканец. „Тој ја сврте цела Африка против него и многу африкански навивачи му го свртеа грбот на Сити. Сигурен сум дека африканските шамани исто така ќе го проколнат Гвардиола и тој никогаш нема да ја освои Лигата на шампионите. Времето ќе покаже дали бев во право“, Иако самиот Јаја Туре изјави дека не го поддржува она што неговиот поранешен агент го кажа за Гвардиола, многу љубители на фудбалот сметаат дека причината за неуспехот на Гвардиола во Лигата на шампионите како менаџер на Сити е токму поради наведеното проклетство. Таа теорија Гвардиола има можност да ја отфрли вечерва, кога во 21 часот се среќава со тимот на Интер во финалето на елитното натпреварување.

Први реванш осминафинални натпревари во ЛШ

Дарко Андоновски — Tue, 07 Mar 2023 17:33:04 +0000

Првите четвртфиналисти во фудбалската Лига на шампиони (ЛШ) ќе бидат познати вечерва по одигрување на реванш осминафиналните натпреварите меѓу Бенфика – Клуб Бриж и Челзи – Борусија Дортмунд. Лондонски Челзи од 21 часот на „Стемфорд Бриџ‘ ја пречекува Борусија која победи на сите натпревари од почетокот на оваа година и има предност од 1-0 од првиот натпревар во Дортмунд. Во истиот термин на дуелот во Лисабон, домашната Бенфика е на чекор до пласман меѓу осумте најдобри екипи во ЛШ, откако на гостувањето во Бриж пред три недели победи со 2-0. Две реванш осминафинални пресметки се на програмата и утре меѓу Тотенхем – Милан (0-1) и Баерн Минхен – ПСЖ (1-0).

ЛШ: Познати 14. осминафиналисти

Дарко Андоновски — Wed, 02 Nov 2022 08:38:27 +0000

Пред завршните натпревари од групната фаза во лигата на шампионите (ЛШ) познати се 14 од 16 екипи, кои се пласираа во осминафиналето. Пласман меѓу 16. најдобри екипи обезбедија ПСЖ, Бенфика, Баерн Минхен, Челзи, Манчестер сити, Наполи, Порто, Тотенхем, Ливерпул, Клуб Бриж, Интер, Ајнтрахт Франкфурт, Борусија Дортмунд и Реал Мадрид. За преостанатите две места во осминафиналето конкурираат четири екипи – Милан и Салцбург во групата Е и Лајпциг и Шахтјор во групата Ф. Засега се познати и пет екипи кои се селат во Лига Европа – Ајакс, Баер Леверкузен, Барселона, Спортинг и Севиља. За Глазгов Ренџерс, Атлетико Мадрид, Викторија Плзен, Олимпик Марсеј, Селтик и Копенхаген европската приказна за оваа сезона заврши.

Халанд ќе го пропушти дуелот на Манчестер сити со Севилја во Лигата на шампионите

Дарко Андоновски — Tue, 01 Nov 2022 13:30:27 +0000

Напаѓачот на Манчестер сити, Ерлинг Халанд ќе го пропушти финалниот натпревар од групната фаза во Лигата на шампионите против Севилја, објави Би-би-си. Тренерот на „граѓаните“ Хосеп Гвардиола изјави дека напаѓачот нема да биде во тимот за претстојниот натпревар. Дваесет и двегодишниот Норвежанец се уште ја нема стекнато потребната подготвеност по повредата. Да потсетиме дека Халанд се повреди на натпреварот од Лигата на шампионите против Борусија Дортмунд (0:0) и беше заменет на полувремето. Во сезоната 2022/23, Халанд постигна 22 гола и три асистенции на 16 натпревари за Манчестер сити.

Реал единствен шпански тим во плејофот од Лигата на шампионите

Дарко Андоновски — Thu, 27 Oct 2022 11:06:53 +0000

Само една шпанска екипа се пласираше во нокаут фазата од Лигата на шампионите. Учество во осминафиналето избори Реал Мадрид кој по 5 кола е лидер во групата Ф. Мадриѓаните со 10 бода се пред Лајпциг кој заостанува еден бод. Барселона, Севиља и Атлетико не успеаја да се квалификуваат во плејофот на турнирот. Каталонците и Андалузијците си го загарантираа 3. место во групите и напролет ќе играат во Лига Европа. Судбината на Атлетико во актуелното европско натпреварување ќе биде одредена во последното коло од Лигата на шампионите. Тие имаат освоено пет бода и се на третото место во групата Б, а Баер е на последното место со четири бода. Во последното коло од групната фаза Атлетико ќе се соочи со Порто. Натпреварот ќе се одигра на 1 ноември.

ТФТ против Кемниц Најнерс во првото квалификацсико коло од ФИБА ЛШ

Дарко Андоновски — Thu, 07 Jul 2022 10:57:00 +0000

Македонскиот претставник во кошаркарската Лига на шампиони, ТФТ го доби ривалот во четвртфиналето од квалификациите. Станува збор за Кемниц Најнерс од Германија. Во стручниот штаб на германскиот клуб работи поранешниот тренер на МЗТ Скопје Аеродром, Ѓорѓи Кочов. За да стигне до главната фаза, ТФТ треба да мине три квалификациски коло. Во случај да го елиминира германскиот преставник, тимот од Тафталиџе во полуфиналето од квалификациите на ФИБА ЛШ ќе се соочи со Фрибург од Швајцарија.

Секој играч на Реал вчера доби по еден скапоцен подарок – ова стана традиција во клубот, фудбалерите имаат „дебело богатство“ (ФОТО)

Дарко Андоновски — Sun, 29 May 2022 12:07:03 +0000

По освојувањето на Лигата на шампионите, Флорентино Перез, првиот човек на Реал Мадрид, на секој играч му подарува подарок кој ќе го чува цел живот. Поранешниот капитен Марсело, кој во саботата се прости од Реал на најдобар можен начин – со освојување на Лигата на шампионите, откри за што се работи. Имено, во Реал Мадрид стана традиција, исто како и во НБА, по секоја ЛШ на играчите да им се доделува посебен прстен со бројот на европската титула. Така сите играчи на Лос Бланкос во саботата навечер го добија прстенот со број 14 од Перез. Марсело им го покажа на медиумите.

Ливерпул победи на осум натпревари по ред на гости за прв пат во историјата

Дарко Андоновски — Wed, 06 Apr 2022 07:15:39 +0000

Ливерпул постави клупски рекорд синоќа по натпреварот од Лигата на шампионите против Бенфика кој го доби со 3:1. „Црвените“ за првпат во својата историја имаат осум победи на гостински терен во низа во сите натпреварувања. Покрај тоа, за прв пат од 1984 година, Ливерпул победи на пет гостувања во Лигата на шампионите во низа. Воедно, Ливерпул има постигнато два или повеќе гола на сите пет натпревари на гостински терен сезонава во Лигата на шампионите. Претходно тимот предводен од тренерот Јирген Клоп на гостински терен ги совлада Интер (2:0), Милан (2:1), Атлетико (3:2) и Порто (5:1).

Фудбалери на Јунајтед ќе се соочат со намалување на платите за една четвртина доколку ја пропуштат ЛШ

Дарко Андоновски — Thu, 17 Mar 2022 13:10:11 +0000

Платите на фудбалерите на Манчестер јунајтед значително ќе бидат намалени доколку не се пласираат во Лигата на шампионите. Многу клупски играчи имаат таков услов во своите договори, објави „Атлетик“. Сепак, некои играчи може да се договорат за помало намалување. За дел од играчите платата нема да се промени доколку не се пласираат во Лигата на шампионите. Меѓу оние кои имаат таква клаузула е и играчот за врска Пол Погба, но неговиот договор е со важност до претстојното лето. Претходно се дозна дека платата на Кристијано Роналдо ќе се намали од 480 илјади фунти неделно на 360 доколку Манчестер Јунајтед не биде во топ 4 во Премиер лигата на крајот на сезоната.