лига на шемпиони – Kurir.mk

Адидас ја претстави топката со која ќе се и игра финалето на Лигата на шампионите

Тале Кристо — Tue, 24 May 2022 11:31:54 +0000

Германската компанија за спортска опрема, Адидас, денес ја претстави официјалната топка за мечот за финалето на Лигата на шампионите. На топката зборот „мир“ е напишан на руски и на англиски јазик. Топката која содржи глобална порака за мир, нема да биде достапна во малопродажба. Наместо тоа, топката од финалето ќе биде продадена на аукција по натпреварот, а приходите ќе бидат наменети за УНХЦР, Агенцијата на ОН за бегалци, за да помогне во заштитата на луѓето кои се принудени да ги напуштат своите домови поради конфликти и прогон. Финалето од Лигата на шампионите меѓу Ливерпул и Реал Мадрид ќе се одигра на 28 мај во Париз на „Стад де Франс“. Почетокот е во 21 часот.

Пирова победа на Интер, но Ливерпул оди во четвртфинале на ЛШ

Бошко Тасиќ — Tue, 08 Mar 2022 22:18:47 +0000

Ливерпул победи во Милано со 2-0, па Интер вечерва имаше исклучително тешка мисија да го совлада англискиот тим со резултат кој ќе го однесе меѓу осумте најдобри. Интер на крајот дојде до победа, но таа беше пирова, недоволна за да се продолжи патот во Лигата на шампионите. Единствениот гол го постигна Лаутаро Мартинез кој постигна прекрасен погодок во 62. минута и за водство на Интер од 1-0. Лаутаро ги зголеми шансите, но Алексис Санчез ги намали веќе во следната минута откако доби втор жолт картон и го остави Интер да го одигра последниот половина час со играч помалку. Ливерпул пропушти голема шанса за израмнување, Салах ја погоди стативата од голот на Хандановиќ. До крајот на мечот Интер не успеа да дојде до нов погодок, па утеха може да им биде само начинот на кој беа елиминирани, со победа против Ливерпул на жешкиот Енфилд.

ЛШ: Зенит убедлив, Аталанта со минимална победа

Бошко Тасиќ — Wed, 29 Sep 2021 19:18:40 +0000

Руски фудбалски тим Зенит го победи убедливо шведски Малме и триумфираше со 4-0 во Санкт Петербург во второто коло во Лигата на шампионите, за прва победа додека Аталанта со минимални 1-0 славеше против Јанг Бојс во вториот меч во дерминот од 18.55 минути.

Зенит ја најави победата преку Клаудињо после само девет минути игра, а само што почна второто полувреме, четири минути по стартот, Кузјајев даде и втор гол. Сутормин на десет минути пред крајот и Вендел во 95-та ја заверија победата со која Зенит се врати во трката за место во осминафиналето после воведниот пораз пред две недели со 0-1 од Челси. Италијанскиот репрезентативец Матео Песина со голот во 68-та минута од мечот донесе минимална победа на Аталанта против Јанг Бојс со 1-0, прва за бергамашите сезонава во ЛШ за четврти бод досега после ремито 2-2 со Вилајреал во првото коло.

Пеп Гвардиола: Честитки за противникот,наредните години ќе бидеме најдобри на светот

Бошко Тасиќ — Sun, 30 May 2021 06:06:20 +0000

Пеп Гвардиола не успеа да дојде до третиот трофеј во Лигата на шампионите во својата кариера. По финалниот меч со Челзи, Шпанецот кажа дека направил сè за да се совлада противникот, ама, за жал тоа било недоволно. „Го направив најдоброто со мојата екипа. Имавме проблеми да ги скршиме линиите на Челзи во првиот дел. Вториот дел беше многу подобра. Против дефанзивната игра на Челзи не ни беше лесно. Се мачевме со долгите топки и оние втори додавања. Во такви моменти, потребна ти е инспирација. Одигравме еден неизвесен меч за првпат во финале на Лигата на шампионите. Покажавме храброст, посебно во вториот дел. Противникот направи се и реализира се. Сакам да му честитам на Челзи за извонредната сезона и за натпреварот кој го одигра денес. Во вториот дел заслуживме да дадеме еден гол, но не успеавме.Сега само сакам да одам дома со моето семејство. Долго време не сум ги видел. Потоа ќе дојдам назад во клубот. Ќе бидеме најдобриот клуб во светот во следните години“, изјави Гвардиола.

Тухел: Јас сум незадоволен од новиот формат на Лигата на шампиони

Тале Кристо — Mon, 26 Apr 2021 16:31:08 +0000

Тренерот на Челзи, Томас Тухел го критикуваше новиот формат за Лигата на шампионите. – Не сум сигурен дека ми се допаѓа. Гледам дека има уште повеќе натпревари, и со оглед на нашиот календар, тешко е да бидам пресреќен. Сите тренери и играчи ќе имаат исто мислење. Лига на нации, Светско клупско првенство, национални тимови…. Ова не е поквалитетно, туку повеќе натпревари. Не сум задоволен од новата Лига на шампиони, но не играм никаква улога во ова. Ние сакаме да зависиме од нас и од нашата сила, рече Тухел. Покрај германскиот фудбалски стручњак, деновиве и други врвни тренерски имиња изразија незадоволство од густиот натпреварувачки календар што најмногу ги засега големите европски клубови.

Гризман разочаран од поразот на натпреварот со ПСЖ

Тале Кристо — Wed, 17 Feb 2021 07:46:23 +0000

Напаѓачот на Барселона, Антоан Гризман, е многу разочаран по поразот од Пари Сен-Жермен. Каталонците синоќа загубија на домашен терен со 4:1 во првиот осминафинален натпревар од Лигата на шампионите и се пред елиминација. – ПСЖ одигра одличен натпревар. И ние имавме шанси, но не реагиравме на најдобар начин. Ова дефинитивно не е впечаток што сакавме да го оставиме. Барселона требаше да одигра скоро совршен натпревар, но тоа не се случи. Ќе биде тешко да се постигнат четири гола на реваншот во Париз, изјави Гризман за „Sport.es“. Реваншот е закажан за 10 март на теренот на ПСЖ.