лига шампиони – Kurir.mk

Лига шампиони: Ливерпул и Баерн четвртфиналисти

Ивона Петрова — Wed, 09 Mar 2022 09:05:48 +0000

Баерн Минхен со убедлив триумф (7-1) на домашен терен над Салцбург обезбеди синоќа пласман во осминафиналето во Лигата на шампиони, а место меѓу осумте најдобри екипи во елитното клупското натпреварување обезбеди и Ливерпул и покрај поразот на „Енфилд Роуд“ (0-1) од Интер. Преглед на резултатите од осминафиналето во Лигата на шампиони: УЕФА Лига на шампиони – осминафинале Реванш натпревари Баерн Минхен – Салцбург 7-1 (Левандовски 12 минута-пенал, 21-пенал, 23, Гнабри 31, Милер 54, 84, Сане 86 / Кјаергард 70) – вкупен резултат: 7-2 за Баерн Минхен Ливерпул – Интер 0-1 (Л. Мартинез 62) – вкупен резултат: 2-1 за Ливерпул 9. март: Реал Мадрид – ПСЖ (0-1) Манчестер сити – Спортинг (5-0) 15. март Ајакс – Бенфика (2-2) Манчестер јунајтед – Атлетико Мадрид (1-1) 16. март Лил – Челзи (0-2) Јувентус – Виљареал (1-1).

Финалето од фудбалската ЛШ пред публика ?

Бошко Тасиќ — Wed, 05 May 2021 20:49:39 +0000

Европската куќа на фудбалот (УЕФА) објави дека финалистите на годинашното издание во Лигата на шампионите ќе добијат по 4.000 билети за своите навивачи или вкупно на стадионот се очекува да има 25.000 гледачи. Манчестер сити и Челси ќе се сретнат во големото финале.Финалниот натпревар во ЛШ ќе се игра на 29. мај на олимпискиот стадион „Ататурк“ во Истанбул.

Ливерпул сигурен против Лајпциг

Бошко Тасиќ — Wed, 17 Feb 2021 06:11:22 +0000

Во првиот дуел од осминафиналето на Лигата на шампионите, фудбалерите на Ливерпул во Будимпешта како гости со 2:0 го совладаа Лајпциг, и имаат голема предност пред реваншот на својот „Енфилд“ на 10-ти март. Дуелот се играше во унгарската престолнина, поради рестрикциите за влез во Германија, особено од земјите и регионот во кои е доминантен британскиот сој на коронавирусот. Ливерпул победи благодарејќи на големите грешки на одбраната на Лајпциг. Салах сепак се запиша како стрелец во 53 минута, кој го пресече невнимателното додавање на Забитцер и отворениот пат кон противничкиот гол го претвори во водство на Ливерпул. Само пет минути подоцна Садио Мане зголеми на 2:0, по уште една голема грешка на одбраната на Лајпциг. Бекот Мукиеле ја промаши топката која беше упатена кон Мане, кој се најде во слична ситуација како и Салах при првиот погодок и лесно поентираше. Лајпциг во продолжението не реализираше неколку шанси за погодок.

Мега дерби во Лигата на шампиони: Јувентус во Мадрид, Јунајтед на ПСЖ, Ливерпул со Баерн

Предраг Кукиќ — Mon, 17 Dec 2018 11:47:39 +0000

Денеска се извлекуваа двојките кои ќе ги одмерат силите во осминафиналето на најелитното клупско фудбалско натпреварување во светот, „Лигата на шампиони“. Во продолжение сите извлечени двојки: Шалке 04 – Манчестер Сити Атлетико Мадрид – Јувентус Манчестер Јунајтед – ПСЖ Тотенхем – Борусија Дортмунд Лион – Барселона Рома – Порто Ајакс – Реал Мадрид Ливерпул – Баерн Минхен

Познати групите за ЛШ, Роналдо се враќа на Олд Трафорд, ПСЖ, Наполи и Ливерпул ќе играат во Белград

Дарко Андоновски — Thu, 30 Aug 2018 17:25:59 +0000

Реал Мадрид кој е бранител на тронот се најде во групата Г каде за противници ќе ги има Рома, ЦСКА Москва и Галатасарај. Кристијано Роналдо со Јувентус ќе гостува на Олд Трафорд против неговиот поранешен клуб, Манчестер јунајтед. Црвена звезда се падна во најтешката група, белградскиот тим ќе има атрактивни противници во ПСЖ, Наполи и Ливерпул. Група А Атлетико Мадрид Борусија Дортмунд Монако Бриж Група Б Барселона Тотнем ПСВ Ајндховен Интер Група Ц ПСЖ Наполи Ливерпул Црвена звезда Група Д Локомотив Москва Порто Шалке Галатасарај Група Е Баерн Минхен Бенфика Ајакс АЕК Група Ф Манчестер Сити Шахтар Лион Хофенхајм Група Г Реал Мадрид Рома ЦСКА Москва Виторија Плзен Група Х Јувентус Манчестер јунајтед Валенсија Јанг Бојс

Роналдо: Лигата на шампионите е цел, но не е опсесија

Ристе Здравков — Wed, 22 Aug 2018 09:38:49 +0000

Кристијано Роналдо, најдобриот светски фудбалер, изјави дека трофејот во Лигата на шампионите со Јувентус е негова цел, но дека тоа не е опседнат со тоа. - Ние сакаме трофеј во Лигата на шампионите, ние сме фокусирани, но нема императив. Одиме чекор по чекор, ако не успееме оваа сезона, ќе се обидеме следната или по неа. Во секој случај, целите на Јувентус се јасни – насловот во ЛШ, изјави Роналдо. Досега, Португалецот има пет трофеи од елитното натпреварување, првиот со Манчестер Јунајтед, а потоа четири со Реал Мадрид, со максимален ефект во финалињата. Од друга страна, Јувентус има само две титули во историјата, а се наоѓа во серија од пет врзани порази во финалето.

ШОК ВО КЕЛН: ПСЖ на колена, Нант е првиот финалист, Лазаров најдобар стрелец

Матеја Петровски — Sat, 26 May 2018 14:59:33 +0000

Големо изненадување на првиот меч од финалниот турнир во Лигата на шампионите во Келн, Нант успеа да го порази ПСЖ и за ракометниот свет можеби и шокантно, да биде првиот финалист во Лигата на шампионите. Нант победи со конечни 32:28 Убедливо најбогатиот ракометен колектив во светот, тимот со најмногу ѕвезди, како што се браќата Карабатиќ, Сагосен, Омејер, Хансен, Генсхајмер и многу многу други, сепак беше преслаб за тимот на нашиот Кире Лазаров. Освен почетното водство на ПСЖ, во текот на целиот меч подобар и поконретен беше Нант, тие на полувремето заминаа со предност од 3 разлика, 17:14, иако во еден наврат отидоа и на пет разлика. Во второто полувреме кое имаше доста интересен финиш, сепак подобар беше Нант, кој на крајот победи со 32:28. Најдобар стрелец во тимот на Нант беше нашиот Кире Лазаров, кој заедно со пикерот Турна имаа по осум голови, нашиот капитен седум од нив ги даде од пенал, а покрај сите играчи на Нант кои изиграа одличен натпревар, заедно со Лазаров и Турна најзаслужен за победата беше голманот Сирил Думулан. Инаку, со головите денеска Лазаров стана најдобриот стрелец во историјата на Ф-4 турнирите.