лихвар – Kurir.mk

Приведен лихвар од Тетово

Ристе Здравков — Tue, 12 Jul 2022 14:39:21 +0000

На 11.07.2022 во 18.00 часот, полициски службеници на СВР Тетово го лишиле од слобода 35-годишниот тетовец Ф.Т., кој претходно бил пријавен од 64-годишен маж од гостиварски Градец за „изнуда“, „лихварство“ и „загрозување на сигурноста“. Тој бил задржан во Полициската станица Тетово за расчистување и документирање на случајот.

Кривична пријава за лихвар од Липковско за заем од 1.500 евра, барал 90.000 евра

Катерина Бојаџиева — Thu, 04 Nov 2021 12:54:15 +0000

СВР Куманово поднесе кривична пријава против Б.С.(52) од село Опае, општина Липково, осомничен за сторено кривично дело „лихварство“. Во текот на 2014 година, пријавениот на Х.И. од село Опае му дал 1.500 евра и искористувајќи ја неговата материјална состојба го условил со месечна камата од 500 евра, а главниот долг да остане ист. – Откако Х.И. не успеал да ги врати главниот долг и каматата, пријавениот во неколку наврати го зголемувал главниот долг, кој во 2015 година достигнал 20.000 евра. На барање и со закани од Б.С., Х.И. во јануари 2016 година со нотарски договор, кој требало да важи до враќање на парите, му ја препишал куќата во село Опае на Б.С., појаснуваат во денешното соопштение од МВР. Додека Х.И. бил да работи во странство за да ја обезбеди бараната сума, Б.С., се наведува во соопштението, ја принудил сопругата на Х.И. со семејството да ја напуштат куќата. Откако се вратил во октомври 2020 година, Х.И. преку посредник стапил во контакт со пријавениот, кој тогаш побарал од него до март 2021 година да му даде 90.000 евра за да му ја врати куќата. По изминување на последниот рок, Х.И. го пријавил случајот во СВР Куманово. Како што соопшти портпаролот на МВР, Сузана Прањиќ Талевска, Б.С. моментално е на издржување казна затвор за друго кривично дело.

Приведен лихвар од Свети Николе

Ивана Ефремовски — Sat, 31 Jul 2021 10:52:33 +0000

На 30.07.2021 во 08:20 часот, полициски службеници од Полициската станциа Свети Николе го лишиле од слобода О.Ц.(49) од Свети Николе, поради постоење основи на сомнение за сторено кривично дело „лихварство“, казниво по член 260 од Кривичниот законик.

При претреси во три објекти, сопственост на О.Ц., извршени со судска наредба, биле пронајдени и одземени патничко возило „фолксваген голф“, со кумановски регистарски ознаки, сопственост на лице од Куманово, патничко возило „мерцедес“, со кумановски регистарски ознаки, сопственост на друго лице од Куманово, сообраќајни дозволи за двете возила, лична карта од едно лице, список со испишани имиња и парични средства.

Тој бил приведен во полициска станица и по целосно документирање и расчистување на случајот против него ќе биде поднесена соодветна пријава.

За земени сто евра му вратил 30.000 денари – приведен лихвар од Велес кој барал и 90.000 денари како камата

Магдалена Андонова — Thu, 29 Apr 2021 09:15:07 +0000

На 28.04.2021 околу 15.40 часот на ул.„Петре Прличко“ во Велес, полициски службеници од СВР Велес го лишиле од слобода А.С.(44) од Велес, поради сомнение за сторено кривично дело „лихварство“. Тој бил лишен од слобода при земање обележани банкноти, а по претходна пријава на 33-годишен маж од Велес дека во периодот од мај 2020 до април 2021 година за земени 100 евра во денарска противвредност поради притисоци и закани на А.С. му вратил околу 30.000 денари, а му побарувал уште 90.000 денари како камата. Врз основа на судска наредба, бил извршен и претрес во домот на А.С., при што биле пронајдени и одземени четири мобилни телефони и документација (нотарски акти за недвижен имот и уплатници за трансфер на парични средства во износ од околу 4.000.000 денари). Тој бил приведен во полициска станица и по целосно документирање на случајот против него ќе биде поднесена соодветна пријава.

Уапсен лихвар од Македонија, на должниците им пресметумал камата од 200 посто

Тале Кристо — Sun, 03 Nov 2019 20:10:59 +0000

Македонската полиција го уапси 28-годишниот Н.Н под сомнение дека на противзаконит начин нaплатувал камата. Имено, осомничениот во период од месец јануари до месец август, во неколку наврати му давал пари на лицето Н.Г, на кој што после тоа му пресметувал камата од 200 посто месечно. Полицијата осомничениот го уапсила во текот на денешниот ден во Кавадарци.

Поднесена кривична против лихвар од Кавадарци: Пресметувал месечна камата од 200%

Дарко Андоновски — Thu, 31 Oct 2019 16:01:45 +0000

Полицијата од Кавадарци поднесе кривична пријава против 28-годишник од овој град, поради сомнение за сторено кривично дело лихварство. Како што информираат од МВР, во периодот од јануари до август 2019 пријавениот со устен договор во повеќе наврати му давал пари на заем на лицето Н.Г. при што му пресметувал камата од 200% на месечно ниво. На овој начин, 28-годишникот стекнувал несразмерна имотна корист, информираат од МВР.

Позајмил 1500, а добил 5000 евра – Кумановски лихвар си заработи кривична пријава

Дарко Андоновски — Thu, 28 Feb 2019 09:46:08 +0000

СВР Куманово, до Основното јавно обвинителство Куманово, поднесе кривична пријава против Д.А.(42), А.М.(36) и А.Л.(62), сите од Куманово, поради постоење основи на сомнение дека сториле кривично дело „лихварство“, казниво по член 260 став 1 и став 2 од Кривичниот законик.

Во ноември 2014 година М.А. од А.М. побарал на заем 1500 евра, но А.М. го условил да му плаќа месечна камата во висина од 10% од дадениот износ на заем или 150 евра месечно на име камата, а главниот долг останувал за што склучиле усмен договор. Од ноември 2014 до јули 2018 година М.А. на А.М. редовно му исплаќал по 150 евра или за вкупно 43 месеци му исплатил вкупно 6500 евра, односно второпријавениот се стекнал со противправна имотна корист од 5000 евра.

Бидејќи земените пари од А.М. не му стигнале за плаќање на сопствено лекување и за издржување на семејството, М.А. на 05.12.2014 година и од Д.А побарал заем од 2500 евра. Но, Д.А., исто така, побарал месечна камата од 10% од вкупната сума или 250 евра месечно, а главниот долг останувал. Тие склучиле договор кај нотар и навеле дека, доколку оштетениот М.А не му го врати долгот до предвидениот датум 01.02.2015 година, Д.А. да може да спроведе извршна постапка врз целиот движен и недвижен имот на оштетениот. Од декември 2014 до јули 2018 година оштетениот на Д.А. му исплатил вкупно 10750 евра на име на месечна камата, со што Д.А. се стекнал со противправна имотна корист од 8250 евра.

Исто така, М.А. за да може да ги плаќа каматите на А.М. и Д.А., повторно на 22.08.2016 побарал заем во износ од 140.000,оо денари од А.Л.. Но, и тој го условил да му плаќа меечна камата од 10% од земениот износ или 14.000,оо денари месечно и за заемот да склучат Договор за заем пред Нотар. Тие склучиле договор и од септември 2016 година до Јули 2018 година М.А. континуирано му плаќал месечен износ на А.Л. од 14.000,оо денари или вкупно 308.000,оо денари, со што тој се стекнал со противправна имотна корист од 168.000,оо денари.

Имено, од наведените дејствија, пријавените го оштетиле М.А. за вкупна сума од 13250 евра и 168.000,оо денари.

Кривична пријава за лихвар од Струга

Ивана Ефремовски — Sun, 28 Oct 2018 14:07:38 +0000

Поради постоење основи на сомнение за сторено казнено дело „лихварство“, надворешната канцеларија за криминалистички работи Струга, поднесе кривична пријава против Ј.П.(32) од Струга.

СВР ОХрид соопшти дела лицето казненото дело го сторило на 17 јули годинава на улицата „Партизанска“ во Струга, каде го пресретнал сега оштетениот Ц.Ш.(34) и веднаш почнал вербална расправија барајќи му пари, а потоа и физички го нападнал. Според пријавата од сега оштетениот, вербалните закани и физичките напади врз него, пријавениот Ј.П. ги вршел од 2013 година кога тој на оштетениот му позајмил 12.000 денари. Оттогаш, како што е наведено, па се до моментот на пријавување, оштетениот, на Ј.П. му имал исплатено околу 40.000 денари, кој и понатаму продолжил со закани барајќи му пари, по што Ц.Ш. го пријавил настанот.