лик – Kurir.mk

„Барби“ во чест на британската кралица и нејзиното 70-годишно владеење ќе направи кукла со нејзиниот лик

Тале Кристо — Thu, 21 Apr 2022 06:28:37 +0000

Лондон, 21 април 2022 (МИА) – Историскитe 70 години владеење на британската кралица Елизабета Втора, брендот „Барби“ ќе ги одбележи со почесна кукла со нејзиниот лик. Барбиката во облик на кралицата, е објавена денес, на 96-от роденден на најдолговечниот британски монарх и ќе биде „веднаш препознатлива“, опремена со елегантен фустан (изработен од слонова коска) и сина лента украсена со украси. Ќе има и дијадема по примерот на круната на кралицата Мери, којашто нејзината потомка ја носеше на денот на својата свадба. Розовата лента на куклата ја претставуваа онаа што на кралицата Елизабета Втора ѝ ја дал нејзиниот татко – кралот Џорџ Шести, а бледо сината – онаа од нејзиниот дедо – Џорџ Петти. Куклата ќе биде дел од специјалната колекција на „Барби“, којашто почна да се издава лани во чест на „визионерите со извонредно влијание и наследство во општеството“. Новата кукла ќе биде поставена во кутија во стил на Бакингемската палата, изработена од 3-Д украсна рамка околу фигурата и внатрешен панел што го прикажува престолот.

Наскоро банкнота со ликот на Марадона

Тале Кристо — Tue, 08 Dec 2020 18:01:34 +0000

Аргентинскиот Конгрес наскоро ќе расправа за барање ликот на покојниот легендарен фудбалер Диего Армандо Марадона да биде ставен на националната банкнота од 1.000 пезоси. Според подносителот на барањето, сенаторката Норма Дуранго, банкнотата од едната страна треба да го носи ликот на Марадона, додека на другата страна би била поставена фотографија од легендарниот гол, познат како „Божја рака“, што Аргентинецот го постигна против Англија на Мундијалот во 1986 година. – Идејата не е само да му се оддаде почит на нашиот најголем идол, туку има и економска заднина. Сметам дека голем број туристи на заминување ќе сакаат да го „понесат“ Марадона со себе. Независно дали бил добар или лош, тој е најпознатиот Аргентинец во светот, изјави Дуранго. Идејата, сепак, уште пред да се најде на расправа во Конгресот наиде на отпор кај дел од Аргентинците, кои сметаат дека поставувањето на „Божјата рака“ на банкнота ќе значи одобрување на незаконитоста, со оглед дека прославениот гол Марадона го постигна со рака. Банкнотата од 1.000 пезоси, која според курсот со денешен датум има вредност од 12,27 долари, сега го носи ликот на црвениот печкар, националната птица во Аргентина од родот колибри.

Учење англиски со карти со ликовите на Трамп и Бајден

Тале Кристо — Wed, 28 Oct 2020 14:23:16 +0000

Едно училиште по англиски јазик во Јапонија дојде до необична идеја – учениците да се запознаат со јазикот преку актуелностите околу претстојните претседателски избори во САД. Имено, децата добија задача да играат карти со ликовите, но и коментари на и за Доналд Трамп и Џо Бајден. Притоа, во училиштето во градот Нигата се читаат и дијалозите што Трамп и Бајден ги имаа за време на изборната кампања. – Вака тие можат, преправајќи се дека се самите политичари, да научат како им ги пренесуваат своите пораки на гласачите. Сакам моите студенти да можат да го искажат своето мислење на англиски јазик, вели Сатоши Ватанабе – директор на школото. На картите ги има и слоганот на Трамп – „Да ја зачуваме Америка голема“, како и оној на Бајден – „Светот изгради ѕид околу нас“. А пак, наставниците им ја објаснуваат на учениците смислата и позадината на тие коментари. Како „џокери“ (дворски шутови), во „шпилот“ се јавуваат лицата на Владимир Путин и Си Џинпинг – претседателите на Русија и Кина.

Само 7% од луѓето имаат точен одговор: Ќе го пронајдете ли тоа што е потребно? (ФОТО)

Ивана Ефремовски — Tue, 13 Oct 2020 07:29:49 +0000

Потребно ви е големо внимание бидејќи оваа загатка ја решаваат точно само 7% од луѓето. Целта е да најдете повеќе од 10 животни на само една фотографија.

Фудбалерите на Малатија го поддржаа Месут Озил во дресови со неговиот лик

Ристе Здравков — Sun, 05 Aug 2018 09:09:00 +0000

Фудбалерите на турскиот клуб Малатијаспорт се најдоа во фокусот на јавноста откако на пријателскиот натпревар со Газиантеп се појавија во дресови со ликот на Месут Озил. Од клубот сооштија дека на овој начин сакале да го поддржат германскиот фудбалер со турско потекло, а на дресовите под неговиот лик стои натпис „Сите ние сме ти, да му кажеме не на расизмот“. Озил неодамна се повлече од германскиот национален тим, откако во германската јавност беше покрената расправа поради поддршка и средбата на германскиот репрезентативец со претседателот на Турција, Реџеп Таип Ердоган, за време на изборната кампања. Тоа предизика жестока дебата и бројни критики беа упатени на адреса на фудбалерот, а потоа Озил одлучи да се повлече од германската репрезентација со образложение дека тоа го прави поради расистичката атмосфера. Овен Озил на средбите со Ердоган присуствуваше уште еден германски репрезентативец со турско потекло Илкај Гундоган, кој исто така беше критикуван за тоа.