ликовен конкурс – Kurir.mk

МОН објави ликовен конкурс за основци на тема „Светот кој го сакам во 2023 година“

Катерина Бојаџиева — Tue, 13 Dec 2022 16:35:56 +0000

По повод новогодишните празници Министерството за образование и наука (МОН) денеска на својата веб страница објави ликовен конкурс за основци на тема „Светот кој го сакам во 2023 година“. Конкурсот предвидува натпревар во три категории, за ученици од прво до трето одделение, од четврто до шесто одделение и за ученици од седмо до деветто одделение. Цртежите треба да бидат оригинални, плод на трудот и знаењето на ученикот, инспирирани од предизвиците на учењето во тековната учебна 2022/2023 година. Секој ученик кој сака да учествува, може да испрати само еден индивидуален авторски ликовен труд во само една категорија, соодветна на одделението во кое учи. Крајниот рок за аплицирање е 23 декември 2022 година, а резултатите ќе бидат објавени најдоцна до 31 декември. Победниците во секоја категорија ќе бидат пригодно наградени, а наградите ќе им бидат врачени на средба во Министерството за образование и наука. МОН ги охрабрува учениците да учествуваат на ликовниот натпревар, да ја покажат својата креативност преку визуелизација на своите желби во новата година. Ова е добра можност за надградба на натпреварувачкиот дух, но и за придонес кон подигнување на свеста за потребите и очекувањата на младите и зголемување на заложбите за нивно исполнување.

Курсна листа на НБРМ: Колку чини еврото денес?

Ристе Здравков — Mon, 29 Aug 2022 07:22:39 +0000

Според курсната листа на НБРМ, средниот курс на еврото денеска изнесува 61.4950 а американскиот долар чини 61.45. Британската фунта изнесува 72.6977.

Детскиот ликовен конкурс „Зимска приказна“ отворен до 30 декември

Ивона Петрова — Mon, 07 Dec 2020 11:32:01 +0000

Во пресрет на Нова година и Божиќ, Амбасадата на Русија во земјава објавува нов детски ликовен конкурс „Зимска приказна“, посветен на традициите за овие празници во нашите две држави. На конкурсот, кој е отворен до 30 декември, можат да учествуваат сите млади на возраст до 18 години. Цртежите на наведената тема учесниците ќе можат да ги споделат на својот Фејсбук профил, кој треба да биде отворен и да го означат (тагнат) Фејсбук профилот на Руската амбасада или да ги испратат на е-mail на Амбасадата: [email protected] или на Фејсбук профилот на Амбасадата. Неопходно е да се наведат име и презиме, возраст, град на живеење и контактни податоци на авторот (телефонски број и e-mail). Најдобрите цртежи ќе бидат објавени на официјалните страници на Амбасадата и Россотрудничество. Резултатите од конкурсот ќе бидат објавени на 13 јануари. На победниците ќе им бидат доделени награди и подароци. Сите заинтересирани повеќе информации можта да најдат на следниот линк: https://www.facebook.com/RussianEmbMKD/photos/a.493061054228845/1473743546160586/ Руската амбасада информира дека на претходниот конкурс по повод Денот на Русија – „Русија преку очите на децата“ учествуваче повеќе од 50 деца.