Лил – Kurir.mk

Самуел Умтити од следната сезона во Лил

Бошко Тасиќ — Sun, 23 Jul 2023 06:33:21 +0000

Неколку тешки години се зад Самуел Умтити. Малата минутажа, расистичките навреди и заминувањето од Барселона влијаеја на дефанзивецот, но тој со сезоната во Лече повторно го сврте вниманието кон себе. Токму неговите добри настапи во Серија А му донесоа повик во Лил, кој во саботата го официјализираше како нов играч со договор на две години. На дресот ќе го носи бројот „14“, а доаѓа како слободен играч по раскинувањето на соработката со шпанскиот тим. Французинот одигра 25 натпревари за Лече и беше еден од најдобрите во одбраната на тимот кој и покрај сите прогнози го задржа прволигашкиот статус. Претходно од 2016 до 2022 година играше за Барселона на вкупно 133 натпревари, но од 2018 година беше на втор план.

Париз, Марсеј и уште четири француски градови ќе го бојкотираат СП во Катар

Тале Кристо — Tue, 04 Oct 2022 08:00:22 +0000

Шест француски градови најавија бојкот на Светското првенство во 2022 година во Катар, пренесува „Ge.globo“, повикувајќи се на Градскиот совет на Париз. Според спортскиот портал, Париз, Марсеј, Лил, Стразбур, Ремс и Бордо нема да организираат натпревари во живо и други настани за фудбалскиот Мундијал. Оваа одлука е протест на градските лидери против Катар како земја домаќин на Светското првенство во 2022 година. Мундијалот во Катар ќе се игра од 20 ноември до 18 декември. Франција е во Д-групата заедно со Австралија, Данска и Тунис.

Рома купува од Лил

Бошко Тасиќ — Thu, 30 Jun 2022 19:23:46 +0000

Повеќе италијански медиуми тврдат дека Жозе Мурињо договорил ново засилување на Рома, носејќи го десниот бек Зеки Челик од Лил за 7 милиони евра, плус процент од следната продажба. Според „Ил темпо“ и „Скај спорт Италија“, на денешниот состанок се решиле деталите на договорот – „волчицата“ ќе плати 7 милиони евра плус 15 отсто од секој следен трансфер. 25-годишниот турски репрезентативец имаше договор со Лил до јуни 2023 година, а беше поврзуван и со трансфер во Фиорентина. Инаку, Лил го поставија поранешниот тренер на Рома, Пауло Фонсека како нов тренер на тимот.

Милан се договори со Ренато Санчез

Ивона Петрова — Wed, 08 Jun 2022 07:16:21 +0000

Играчот од средниот ред на Лил, Ренато Санчез може да ја продолжи кариерата во Италија. Според новинарот Фабрицио Романо, Милан се договорил за соработка со португалскиот репрезентативец. Според информациите од Италија, се чека клубовите да се договорат за висината на трансферот. Актуелниот договор на 24-годишниот Португалец со Лил е до летото 2023 година. Во сезоната што неодамна заврши, Санчес одигра 32 натпревари во сите натпреварувања, постигна два гола и беше творец на пет асистенции.

ЛШ: Сигурна победа на Челси, Јувентус и Виљареал одиграа нерешено

Бошко Тасиќ — Tue, 22 Feb 2022 23:19:11 +0000

Актуелниот европски шампион Челси славеше со 2:0 над Лил во првиот осминафинален натпревар во Лигата на шампионите и направи голем исчекор кон пласманот во следната рунда. Во вториот натпревар во ЛШ, Душан Влаховиќ со голот во првата минута уште еднаш покажа дека Јувентус направи вистински избор со неговиот ангажман во јануари, но „старата дама“ во второто полувреме остана без победата и мечот заврши 1-1. Јувентус предноста ја чуваше до средината на второто полувреме, поточно до 66 минута кога Дани Парехо го совлада Војчех Шчешни и го постави конечниот резултат. Реванш натпреварите ќе се играат за три недели во Лил, односно Торино.

Вечерва продолжуваат возбудувањата од фудбалската Лига на шампиони

Бошко Тасиќ — Tue, 22 Feb 2022 08:52:10 +0000

Нови два натпревари од осминафиналето се на програмата во Лигата на шампионите. Актуелниот победник во Лига Европа, Виљареал ќе го пречека Јувентус, а бранителот на титулата во Лигата на шампионите, Челси, ќе се сретне со Лил. Без Паоло Дибала, но со Душан Влаховиќ, Јувентус ќе се обидат да изборат поволен резултат на „Ла Серамика“ пред реваншот во Торино. Влаховиќ, најскапото зимско засилување во историјата на Јувентус ќе дебитира во елитното натпреварување. Виљареал ќе биде без својот најкреативен играч и најдобра стрелец, Џерар Морено. Челси и покрај тоа што играат во променлива форма се големи фаворити против актуелните француски шампиони, Лил. Челси ја загуби битката со Манчестер сити и Ливерпул за титулата во Премиер лигата, но до крајот на сезоната ќе се бори за титулите во ЛШ, ФА и Лига купот.Челси и Лил играа во фазата по групи, во ЛШ во сезоната 2019/2020, двата натпревари завршија со победи на „сините“ 2.1.

Невакцинираните фудбалери на Челзи нема да играат на гости кај Лил во ЛШ

Ивона Петрова — Thu, 10 Feb 2022 09:52:28 +0000

Фудбалерите на Челзи кои не се вакцинирани против КОВИД нема да можат да учествуваат на реваншот на гостински натпревар од осминафиналето од Лигата на шампионите против Лил, кој ќе се одржи на 16 март. Во Франција сите спортисти кои учествуваат на натпревари во земјата мораат да бидат вакцинирани против коронавирусот. Постоеше можност средбата да се префрли на неутрален терен, но УЕФА ја отфрли оваа можност со заострување на правилата за КОВИД. Првиот натпревар помеѓу Челзи и Лил ќе се одигра во Лондон на 22 февруари.

Бен Арфа се договори со францускиот шампион

Бошко Тасиќ — Wed, 19 Jan 2022 15:32:30 +0000

Хатем Бен Арфа договори нов ангажман и во наредниве месеци ќе биде дел од екипата на Лил. Бен Арфа кој своевремено важеше за еден од најголемите таленти на францускиот фудбал го прифати повикот од Лил и ќе настапува за овој тим најмалку до крајот на актуелнава сезона. -Многу сум среќен што му се приклучувам на Лил. Тоа е тим кој покажа многу многу добри работи оваа сезона, а секако и лани со титула шампион на Франција. Среќен сум што потпишав во овој клуб кој продолжува да расте. Неколку пати во кариерата сум се соочил со овој клуб, на различни стадиони и ќе ми биде големо задоволство да го носам дресот на Лил на „Стад Пјер Моруа“.

Ренато Санчез: Трансферот во Барселона беше готов летото, но пропадна поради повреда

Ивона Петрова — Mon, 22 Nov 2021 10:19:32 +0000

Фудбалерот од средниот ред на Лил, Ренато Санчез проговори за интересот на врвните клубови за него. – Можеби Милан и Арсенал се заинтересирани за мене, но јас не знам за тоа. Милан е голем клуб со историја. Има висока класа, ми се допаѓа. Зборував со мојот агент. Знам кои клубови контактираат со него, а кои не, но не можам да го кажам тоа сега. Но, знам дека сум подготвен. Ако се добие понуда, ќе одлучам што е најдобро за мене. Кога пристигнав во Баерн, не бев подготвен да играм во таков клуб. Бев многу млад. И кога бев подготвен, немав можност да играм за овој тим. Многу клубови беа заинтересирани за мене летово, но кога се повредив сфатив дека ќе останам во Лил. Се беше подготвено со Барселона, мислам дека трансферот беше откажан поради повреда, изјави Санчез во интервју за „Л’Екип“. Дваесет и четиригодишниот Португалец, во својата кариера има играно и за Свонси и Бенфика. Ги има поминато сите селекции во португалската репрезентација, а од 2016 година е член на сениорскиот тим.

Лил ја освои шампионската титула во Франција за оваа сезона

Бошко Тасиќ — Mon, 24 May 2021 06:47:08 +0000

Фудбалскиот клуб Лил стигна до голем успех во француската Лига 1 и ја освои титулата во домашното првенство, откако во драматичниот финиш на сезоната победи во последното коло и излезе пред големиот ПСЖ. Маурисио Покетино не успеа да стигне до својата прва титула во Лига 1 во првата сезона како тренер на „светците“, пред се поради тоа што ги загуби клучните дуели против ривалите, а таков беше случајот и со Лил. Составот предводен од Галтие славеше со 1:2 на гостувањето кај Анже и ја освои првата титула во домашното првенство по пауза од точно десет години, или поточно, стигна до четвртата титула во совјата клупска историја. На вториот меч, ПСЖ успеа да победи со 0:2 на гостувањето кај Брест со автоголот на Фаивре и погодокот на Мбапе, но тоа не беше доволно за трофеј бидејќи Лил беше доволно мирен за да триумфира.